Wakkagagerak 6:5 - Ala Wone Peenok Peebi Mbanak

⁵ Yi aakumi ndi aakumi nggween paga maluk mban eerit nogwe, it inikime nen yi eeriyak ndi eeriyak koonggwi nogo ti, maluk mban aret koonggwi, eekwi nogo at Aliku ALA nen enegen iige nagagerik,

Wakkagagerak 6:5 ပူးပေါင်းရင်းမြစ်များ

Wakkagagerak 13:13

It aakumi o Torom nogome inobaabut mondok maluk lombok logonet, Aliku ALA enegen kagak, inagabiti mbaka'lek maluk eeko menggam kagak aret nagagerak.

Wakkagagerak 8:21

Nogo warogo kani kuneegerak obari Aliku ALA ogobak me nage mbareegi, iniki ale'nggen age nagagerik, iniki nen mbake logonet, “It aakumi yi, wologwe-mbuulogwe paga nen maluk eeriyak koonggo logogun aret kwe, koonggwi iinok, an nen o nggween paga yime pulunogo piigirak kokwak, peebi togop ambi pulunogo piinok, maluk eeppiige logogin abu lek o. Ndi, yi mendek ndi mendek ogobakkigireegirak ineenik nugu menggaarak mendek yogondak inookirak kokwak peebi togop ambi inoorigin mondok lek o.

Ayup 15:16

Aakumi ti, niyo nonggo mengga kwak, maluk eerit nogo logonet, Abu maluk ogole warak eeko menggaarak me, Abunuk maluk aret iige menggerak o.

Ayup 22:15

Aap maluk mendek tu nogo menggam maan mendek, Ti paga nage logokit, mbake agandik ya?

Ndawi 53:2

At Ala mbogut paga nen Aakumi inapuri nggween paga wonogwe yi, Enegen wugiya wage logonet, “It ambi iniki warak a'nuk eerit nugwi, It ambi an mu'neren wogwe, Eekwi iyaamun ilik?”

Kini Wuppiige 6:18

Iniki paga nen maluk eeriyak mban koonit nugwi, Iniyok tekkagaatak maluk eeko menggam ari nogwe,

Wone Alom Kibingga 7:29

Wone ambiriluk ambi an kagagirak nogo yi o. At Ala nen nit yi aap ndi aap niniki abe koonak logowok nduk, ogobakkigi'ninabeegerak kwe, nit ninalik nen aret yelawe-nggolawe eekko'net nogo monggoorak o.

Wone Alom Kibingga 9:3

Oonegen abu'me yime yi mendek ndi mendek arit nage logonet, irip paga maluk arit nage kagagirak nogo ti, yi aap ndi aap abok aret inoba ariyak ti, ambit aret. Togop tit kwe, it aap ti, inikime maluk yagabit eerak wonage, ndi, ineenik logonet iniki mbanak eeko mengga kwak eeriyak inikilom mbarit nugwi, eeko nagaatik, kambunuk nogogwam inom ari nogo menggaarak.

Yeremiya 17:9

Yi mendek ndi mendek obeelom eerogo puurak ti op aret kwe, Nit niniki ti nen perak, abu maluk lombok logonet, abe eeriyak kagak alik eeriyak yo'nirage menggerak me, Obeelom ariyak, ta nen liippunuk eeriyak mbakop? Meek aret o.

Yeremiya 4:14

Kat Yerutalem yi wae. Maluk eeriyak kinikime koonit nage keegak, ne mande ari nagin o. Kagap ndaruwak nduk, komaluk kinikime wonage nogo abu nggarenogo mbo pege logot o.

Yetikiyen 8:12

Kage mbareegi, at nen an yo'nege logonet, “Aakumi nen ndarak yi wae. It aap Iterali mendek inoweewi inagugi ogut eerak menggim lombok o apit aago kagak eekwi nogo kenegen iigen ilik? It nen yogo logonet, At Aliku ALA enegen niiga'lek wonage, Aliku ALA nen ninanggween yi, abu mbo pegerak wonage, eekerak o, yogwe ti, iyet o.”

Yetikiyen 8:9

Kage mbareegi, at nen an yo'nege logonet, “Akem time maluk mendek eerit nugwi, ogole warak mendek eekwi, eekwi nogo kaanok nduk, unggwi nak o.”

Matiyut 15:19

Kinikime maluk eeriyak koonggwi inom, aap wakwi inom, kumi kundugume wurinakwi inom, komologwe tawe wurinakwi inom, yogoot waganggwi inom, pilit wone inoba piigwi inom, miyuk-meya eerogo piigwi inom, nogo ti, kinikime nen aret wungge menggerak me,

Matiyut 24:37

It aakumi aap Nu wonage kagak eeko nogogwaarak nogo pogom, an aap aret nda'nagagirak woroorak eyom paga togop aret arigin o.

Lukat 17:26

Aap Nu wonage kagak, eerit nugu nogogwaarak nogo pogom, an aap aret nda'nagagirak woroorak eyom paga it aakumi togop aret eerit nugu logogun o.

Pelaareegerak 29:19

Aap ambi nen wone kumbuk mbanggwi yi, aruk konengge logomenggerik, Ala ale'nggen an noba aret logogin, mba'nuk, An nogogumbuk a'nuk, eeriyak koongge nogo mugurok mban naminggirak kwe, kagak, obeelom aret logogin o, ari kenok, at mbaremenggerak ti paga kit maluk eeka'lek mendek inom, it maluk eekwi inom, abok aret lek eerogo pinagagin o.

Titut 3:3

Nit kunduk, maan togop aret nineenggo'lek wi negen wonogwe, wone yo'niragaatak konengga'lek wonogwe, tu alik me nomo agan nogwe, aap ambi ayeloman yoge kenok, “E o,” yinuk, eeke menggi kwak, nit niniki nengge kenok eeriyak ninikilom mbakwi nogo mban eekwi, eeko nogogurak. Yi mendek ndi mendek eerit nogo logonet, maluk mban eekwi, neebi-keebi yogwe, nanini-kanini yogwe, ti mendek mban eeko nogogurak kwe,

1 Peterut 3:20

Obeelom wone yora nagagerak nogo ti, aap Nu nen maan aa'nduk it aakumi Ala wone yorage kagak, taganogo mbo pogo mbareegwa, Ala nen, “Mbet-mbet inoorikit,” mbareegerak kwe, aap Nu nogo o awo wuke kenok, iniki yanggo yinuk, tokkage kagak, o nogo wuke mbareegi, aap Nu apuri inom ineebe 8 mban unggwogogwaarak nogo, niyo nen wogoren laganeegerak paga inagap ndake logonet, it ando apit niyo ndonggoninabeegerak inogoma keele maarak o apit me wonogwe me, wone obeelom wone yora nagagerak nogo it aret o.