Wakkagagerak 6:3 - Ala Wone Peenok Peebi Mbanak

³ Ugun wogonabit nogwe iinok, at Aliku ALA nen, “It aakumi ti, kanggo menggaarak mendek me, iniki kooninakak yuwak nduk Aberiniki wogoragagirak nogo mondok-mondok inom logogin lek o. Ndi, ndarak iigak togon, ineenik logorak kuli tahun seratus dua puluh aret eerogo piyaagin o,” yinuk, yoragagerak.

Wakkagagerak 6:3 ပူးပေါင်းရင်းမြစ်များ

Wakkagagerak 6:2

Ndi, it Ala apuri nen it endekem mendek inapurilogwe komologwe amuni mbanak kigirikwe iinok, iniki nen uugwe mbako nagaatik, we ugun aret wogonako nogogwaarak.

Nekemiya 9:30

yi tahun ndi tahun paga kat kiniki yanggo yinuk, teppiige nagagindak o. Kaberiniki nogo paga it kat koone yoraga nogo yorage keegak yorogo nogogwaarak kwe, it ninombomini nogo inaruk logu negen liippega'lek wonogwe me, kat Ala nen it aakumi o yime wonogwe nogo ineenggime piyareegindak kwe,

Ndawi 90:10

Nit ndarak nineenik niigak tahun eeriyak ti, Tahun 70 aret kwe, Ninomaawi ee'ninake kenok perak, Ndarak niigak tahun 80 aret age menggerak o. Ti ee'ninake paga ninale'nggen mbarumonggoorak kwe, Aaninggin-paaninggin ninoba kwi'nage, Anggon-panggon ee'ninabit unggwage, Eeke kagak, Nda'nogogurak mbet-mbet lek ari nanuk, Nineenggi-niniyok lek aret, lek ogo monggoorak.

Yetaya 57:16

An neegak it aap iniki lek-lek arit unggwogwe, An ogobakkigirogo piyareegirak inambe aagi lek ogwe, Eerukwak, Maluk eekotak o, yinuk, mondok-mondok lok togon yorage, Mondok-mondok nanini inoba piige, Eeke logogin lek o.

Yetaya 63:10

Aliku ALA nen eeriyak mbake nogo ineebi mbakwi, At Aberiniki nogo iniki warogo pugwi, Eeko mbareegwa, Ambo'me piige, inom ogookkolage, eeppiige nagagerik, At nen aret inom wim eeke nagagerak.

Yeremiya 11:11

it apit aret inagap ndakko'nok mbaganiyak meek aaninggin nggwok mendek inoba kwippiyaagin o. Kwippiige neenok, Ninagap ndaru o, yinuk, inoone nggwok paga yo'nirugun kwe, an nen it yo'nugwi ti, naruk konenigin lek aret o,” yinuk, Aliku ALA nen aret yegerak o.

Yeremiya 11:7

It kombomini o Metit nen wogoren wundi wagagirak kuli nen nok, o yogondak kuli, Noone woppunuk, eeko logonip o, yinuk, noone omaawi paga yoragak mban eeke nagagirak kwe,

Linggineegwaarak 11:17

Mi'nari wogwe kiinok, an kiniya wambi wage logominggirik, nimbirak wone mbangge logonet, Aberiniki koba pagareegirak nogo ndak-ndak it inoba piige neenok, it kinom yeenggwa-yeenggwa eekwi paga kat kalik mban aaninggin kage menggendak nogo lek aret eekkake kaamunggun o.

Yaya 3:6

It aakumi nen ndaganakwi ti, it mendek aret o. Ndi, Aberiniki nen ndaganake nogo ti, at mendek aret o.

Nappiigak 7:51

Kinogogumbuk kiniki omaawi logonet, Ala oone konengga'lek kit aret. Kinombomini Ala oone taganggo nogogwa kwak, Aberiniki oone taganggwi kit aret o.

1 Tetalonika 5:19

Kani noguk ari menggi kwak, Aberiniki nogonogo puurak ti mage o.