Wakkagagerak 6:14 - Ala Wone Peenok Peebi Mbanak

¹⁴ Yoge nagagerik, “Kat kapuri kinom logorak kinake perak, eyo moowi negen paga yiiro ambi ogobakkigikkolage logomunggun. Ogobakkigikkolage logonet, inikime time ko ogoorik-ogoorak eeppunuk, niyo unggwage kero, mut amburu negen aspal endekem-akem nabembunuk mbenanit nanu o.

Wakkagagerak 6:14 ပူးပေါင်းရင်းမြစ်များ

Wakkagagerak 6:13

aap Nu nogo yoge logonet, “It aakumi maluk eerit nugwi paga o nggween paga yi awi ndi awi abok aret inanini ambik agaarak me, ambinom ineenik logowak nduk teppiyaagin lek o. Aakumi tigitogon lek eerogo piige, ndi, o nggween yi mondok lek eerogo pege, eerikit o, yinuk, wone abuk nggaruk togon yokkigi o.”

Wakkagagerak 6:15

Yiiro eebe ogobakkigike logonet, yogop aret ee'nu o. Irip aru-ogwe nggorek ti, metet seratus tiga puluh tiga kuli paga wakkage, ambe agi-ogu paga ti, metet 22 paga wakkage, ndi, yiiro eebe nggween paga nen kirin me mippuurak ti, metet 13 kuli paga wakkage, eeppunuk, wuke logomenggendik,

Wundeegwaarak 2:3

Tut kenagan penengge mbareegi, elege nogo ambinom kumaapporogo logorak meek age kenok, agalo nogo nen mbereewak ambi muun negen yonggon-yonggon yappunuk, niyo unggwage kero mut amburu negen aspal paga endekem-akem mbenangge nagagerik, elege nogo nogome yonggoppunuk, wonok niyo Nin aa'nggi paga mbereewa'na time kumaappi nagagerak.

Matiyut 24:38

Niyo nggwok ne ambit kilak togon awo yenggenit lagangga'lek kagak, it aakumi nen mbi nunggwi, amburu nunggwi, aap nen kumi kologwe, kumi nen aap kologwe, eerit nugwi tit iigak, at Nu yiiro wurik me unggwagagerak.

Lukat 17:27

It aakumi nen mbi nunggwi, amburu nunggwi, aap nen kumi kologwe, kumi nen aap kologwe, eerit nugwi iigak, aap Nu yiiro wurik me unggwage mbareegi, yi yenggenit lagangge logonet, it ineebe abok aret niyo ndonggoninabeegerak nogo o.

1 Peterut 3:20

Obeelom wone yora nagagerak nogo ti, aap Nu nen maan aa'nduk it aakumi Ala wone yorage kagak, taganogo mbo pogo mbareegwa, Ala nen, “Mbet-mbet inoorikit,” mbareegerak kwe, aap Nu nogo o awo wuke kenok, iniki yanggo yinuk, tokkage kagak, o nogo wuke mbareegi, aap Nu apuri inom ineebe 8 mban unggwogogwaarak nogo, niyo nen wogoren laganeegerak paga inagap ndake logonet, it ando apit niyo ndonggoninabeegerak inogoma keele maarak o apit me wonogwe me, wone obeelom wone yora nagagerak nogo it aret o.