Wakkagagerak 50:18 - Ala Wone Peenok Peebi Mbanak

¹⁸ Ti'nuk peebi at oweewi nogo iniki nen aret at Yutup abu'me tebe yi wogo nogogwaarik, yogo logonet, “Nit kat kayeloman aret logowok nduk, wogo o.”

Wakkagagerak 50:18 ပူးပေါင်းရင်းမြစ်များ

Wakkagagerak 27:29

Ndi, yi aakumi ndi aakumi inanebunu lombok abok aret kayeloman ogwe, Yi aap ndi aap nen kat kabu'me mban tebe yinuk, kayuk wukwi, Kowe-kawot inenggela'me inowe aret mi'nage, Ndi, kagalo iriwi nen kat kabu'me mban tebe yogwe, Eekwi iigak, It aakumi nen kat pulunogo pagagwi iinok, it kunduk pulunik aret ogwe, Ndi, it aakumi nen inale'nggen koba pagagwi iinok, it togon inale'nggen inoba aret wonogwe, Eeke logogin o,” yinuk, yoreegerak.

Wakkagagerak 41:43

Yoge nagagerik, nggweendo aap inendagembogut kenok nugu menggaarak ore ambi paga Yutup wonok nawak nduk, yoge mbareegi, wonok nage kagak, aap nggwok nogwe iinok, wogoren nega nogo nen inaa'nduk inoone nggwok paga, “Aap endagembogut wage me, alut ee'nip o,” agan nogo mbareegwa, at Pirawun nen Yutup o Metit unde logowak nduk mippereegerak yelok kogogwaarak.

Wakkagagerak 42:6

Ndi, o Metit nogome at Yutup nagawan indo wonage kagak, it aakumi time mendek abok aret nen mbato kunggolaagun nogwe iinok, at Yutup nen mbato wogoragak eeke wonage me, Yutup oreewi nogo mbi onggo mbanuwok nduk nogo nogogwaarik, at Yutup abu'me taati ina nggween paga wu'na'nuk, keyage wappereegwaarak.

Wakkagagerak 44:14

At Yutup nogo ame time wonage me at Yekura oreewi inom Yutup owagam nogo nogogwaarik, inagabiti mbakak inanobak nggween paga kumbunuk, “Ai,” yinuk, keyage wappogo mbareegwa,

Wakkagagerak 45:3

Le nogo abu nggaruppege nagagerik, at Yutup nen oweewi inom, awuluk inom, yorage logonet, “Yutup nogo an aret o. An nogoba eenik wonage ilik?” yorage mbareegi, at Yutup eebe aret kenok, oweewi inagabiti nen wone onggo yoriyak meek aret agagerak.

Wakkagagerak 50:19

Yoreegwaarak kwe, at Yutup nen it yorage logonet, “Kit kinagabiti mbarugup o. An at Ala kwak a'nuk eeppinagage neyo nduk yogop?