Wakkagagerak 50:15 - Ala Wone Peenok Peebi Mbanak

¹⁵ It inogoba Yakup nogo aret kangge mbareegi, at Yutup oweewi nogo nen yogo logonet, “Nit aa'nduk at Yutup maluk eeppereegurak nogo onggo yogondak nit maluk eeppinaniyak koongge kero,”

Wakkagagerak 50:15 ပူးပေါင်းရင်းမြစ်များ

Wakkagagerak 37:18

inowagam panggo yi naga'lek tayorogon taati nage oweewi ina nakka wogo nogogwaarik, it mban-mban yogo logonet, “Abi kaga nogo wage ti, kinigen wondekkanip o. Alik nanonggwan wagaarak me mondok waruwok o,” yinuk, iniki ambit eeppunuk wariyak wone mbanggo logonet,

Wakkagagerak 37:28

“Op aret o,” yinuk, wonogwe me, it aap Miriyan mendek yi mendek ndi mendek kungga nogo wogo mbareegwa, at Yutup mbuun me wonage nogo oweewi nen nippi wogo nogogwaarik, aap Itamayen mendek nogo wogorogo mbareegwa, onggo wu mbuti perak 20 wogorogo nogogwaarik, Yutup wonok o Metit nogogwaarak.

Wakkagagerak 42:17

Yorage nagagerik, it aap nogo abok aret keele maarogo mambiyareegerak wonogwe iigak, ne kenagan aret agagerak.

Wakkagagerak 50:14

Abu aret mambogo nogogwaarik, at Yutup oreewi inom, it aakumi Metit mendek at ogoba ndoome mambigin wage me inom wogogwaarak nogo inom, abok aret iniyokan o Metit nogogwaarak.

Wakkagagerak 50:16

yogo nogogwaarik, at Yutup yori nawak nduk wone agago nappogo logonet, “Ninogoba awo kangga'lek kagak, Kinawuluk Yutup maluk eeppereegutak me, kinom lambunggo logomonggotik, Nit aaninggin-paaninggin koba pagago logonet, maluk lombok eeppagareegurak me, paganogo mari eerogo pi namunggup o, yo'niragaarak me, nit nen kat maluk eeppagareegurak nogo maluk aret eereegurak me, yogondak wone lek eerogo lambunuwok yaga o,” yinuk, yonggo nappereegwaarak at Yutup aruk konengge nagagerik, le ambik yereegerak.

Ndawi 14:5

Aap iniki abe koonak Ala inenggela'me menggerak kwe, It aap maluk eeko menggaarak time wonogwe nogo, “At nen eeppinanege kero,” yinuk, Iniki mak aago wonogo agaarik o.

Ndawi 53:5

It aap Ala apuri inooriyak eekwi nogo Ala nen mbo piige mbaremenggi, It Ala apuri nen tebenogo piinet nugwi iigak, Ala nen inowak nggininogo nappit namenggerak inigen kaagun kwe, It maluk eeka nogo nen Ala apuri inagabiti aganaburak mendek eeppiiga'lek iigak, Ala apuri ti, nonggop nduk it paga inagabiti nen inamineeri ne agan nage agaarik o?

Kini Wuppiige 28:1

It aap maluk mendek nen aap muguren naga'lek iigak, mbaganit nogo menggaarak kwe, It aap iniki abe koonak nogo nen perak, singa agabiti mbaka'lek nege menggi kwak, nugu menggaarak.

Ala Unde 26:36

Ndi, it Iterali ando inooka'lek inom wim mbanak inenggela'me wonogwe nogo ti, inaganak nugiranet nugu logowak nduk, eeppiyaminggirak me, o wiya nen eyoongga ambit menenak nen oone nobo ari kenok, Yi aakumi nen ninoorit wogwe o, yinuk, muguren nogwe lek iigak, aakumi inoorit nogwe iinok, mbaganit nogo mengga kwak mbaganit nogo logonet, yigeebu wanggwi,

Oroma 2:15

Muta, “Yogop ee'nu, ndogop ee'nu,” yoreegerak wone ti, muk inikime wonage negen logonet eekwi iigo ogoorik o. It eekwi ti, inikime abe'nage logonet, ambi, “Maluk eekirak kagi,” ndi, ambi, “Obeelom eekirak kagi,” yinuk, inikime abe'nage ti paga Ala nen wone lengganogo yoroolik aret kwe, inikime abet aret wonage negen kogo ogoorik o.