Wakkagagerak 50:13 - Ala Wone Peenok Peebi Mbanak

¹³ Yakup eebe wonok o Kanan wogo nogogwaarik, at Abarakam nen at mendek kanggwi iinok, ndoome mambiigo logorak nduk, o Mamere koorok time aap Ket mendek endage Eporon anggween eyabu yarak ndo endage Makepela inom onggo mbaneegim nogome mambereegwaarak.

Wakkagagerak 50:13 ပူးပေါင်းရင်းမြစ်များ

Wakkagagerak 23:20

It aakumi Ket mendek nogo nen yabu yarak inom, ndo nendaarak irip paga wonage nogo inom, Abarakam wogogo mbareegwa, aakumi at mendek kanggwi iinok, piigo logorak nduk, Abarakam unde eekkolagagerak wone nogo ti aret.

Wakkagagerak 23:9

at yabu eeke menggim irip me at ando nendaarak endage Makepela nogo aret an wo'niriyak nduk, nake nen at yo'nip o. Kit kinenggela'me it an mendek kanggwi iinok, piigak yuurak unde arikit nduk, wo'nugwi kiinok, onggo ndak-ndak aret wogorikit nen yo'nip o,” yoragagerak.

Wakkagagerak 25:8

abu anggok a'nuk kenen mbanogo li a'nuk aret kambeegerak. Kangge nagagerik, ombomini kambunuk nogogwam nggwogoba wonogwe me nogome aret iya nagagerak.

Wakkagagerak 25:9

Ndi, at apuri Itak Itamayen imbirak nen at eebe nogo waganogo at Abarakam nen aakumi Ket mendek inanggween onggo mbaneegim aap Tokat aput Ket mendek endage Eporon o Mamere korotok eyabu yarak me ndo endage Makepela akwe Tara mambereegwam nogome aret imbirak mambereegwaarak.

Wakkagagerak 35:27

At Yakup nogo ogoba Itak o Kiriyat-Araba koorok ame Mamere time at ombo Abarakam wonagagim nogome wonage me ka wagagerak. O Kiriyat-Araba nogo ti, Keboron aret o.

Wakkagagerak 35:29

at eebe abu anggok li a'nuk, kangge nagagerik, ombomini aa'nduk kambunuk nogogwaarak nggwogoba wonogwe me iya nage kagak, agabolo nogo at apurilogwe Etawu Yakup imbirak nen nggween taambereegwaarak.

Wakkagagerak 46:4

An nen enaani aret ndegenggiren o Metit nage logominggirik, ti'nuk peebi an nen mban kiyokan o Kanan yime wokkiren woraagin o. Ndi, Yutup eenggi ndoonak paga kangge keenok, nggween taambagagin o.”

Wakkagagerak 47:30

Ata, o Metit yime nen wokkeren kombomini-kogobamini nggween taambiyareegwam time aret taambagi nagin, yo'niru o.” Yoge mbareegi, at Yutup nen, “Yagandak nogo ndak-ndak aret eerigin o.”

Wakkagagerak 50:12

Tabun ndoonak wonogogwaarik, at Yakup kambikit nduk, at apuri yoragagerak nogo ndak-ndak eeko logonet,

Wakkagagerak 50:14

Abu aret mambogo nogogwaarik, at Yutup oreewi inom, it aakumi Metit mendek at ogoba ndoome mambigin wage me inom wogogwaarak nogo inom, abok aret iniyokan o Metit nogogwaarak.

2 Endagembogut 21:18

Ndi, at Manate nogo ombomini kambunuk nogogwam inom yonggonggola nage mbareegi, at awi o nggwok abe wurik oore'nggam aap Uta eyabume nogome eebe nggween taambogo mbareegwa, obaane'me aput Amon endagembogut agagerak.

Nappiigak 7:16

Kambit nogogwaarak nogo inowak wonok, o Tikem wogo nogogwaarik, aap o Tikem mendek ambi endage Kemot apuri inando nenaarak Abarakam wu paga onggo pereegim nogome mambiya wogogwaarak.