Wakkagagerak 49:8 - Ala Wone Peenok Peebi Mbanak

⁸ Kat Yekura ti, Kinom wim inenggaanok nggubu eerogo piinet nage kenok, Koreewi nen wogoppagagwi, Kogoba apuri nen kabu'me mban tebe yogwe, Eeko logogun o.

Wakkagagerak 49:8 ပူးပေါင်းရင်းမြစ်များ

Wakkagagerak 27:29

Ndi, yi aakumi ndi aakumi inanebunu lombok abok aret kayeloman ogwe, Yi aap ndi aap nen kat kabu'me mban tebe yinuk, kayuk wukwi, Kowe-kawot inenggela'me inowe aret mi'nage, Ndi, kagalo iriwi nen kat kabu'me mban tebe yogwe, Eekwi iigak, It aakumi nen kat pulunogo pagagwi iinok, it kunduk pulunik aret ogwe, Ndi, it aakumi nen inale'nggen koba pagagwi iinok, it togon inale'nggen inoba aret wonogwe, Eeke logogin o,” yinuk, yoreegerak.

Wakkagagerak 29:35

Ti'nuk, at Leya nogo ambinom abila a'nuk, aagaluk wulaga ambi aret ndake nagagerik, ari logonet, “Naagaluk yogondak ndakirak yi paga nen perak, at Aliku ALA mban wogoppege logogin o,” ari nagagerik, wulaga nogo endage Yekura tooneegerak. Toongge nagagerik, wonage logonet, ne ti eyom paga ambi ndaganabulik puk aret agagerak.

Wakkagagerak 42:6

Ndi, o Metit nogome at Yutup nagawan indo wonage kagak, it aakumi time mendek abok aret nen mbato kunggolaagun nogwe iinok, at Yutup nen mbato wogoragak eeke wonage me, Yutup oreewi nogo mbi onggo mbanuwok nduk nogo nogogwaarik, at Yutup abu'me taati ina nggween paga wu'na'nuk, keyage wappereegwaarak.

Wakkagagerak 46:12

Yekura, at apuri Et Onan imbirak o Kanan kambeegwaarak iigak, apuri ando Tiyela, Peret, Tera, at Yekura nogo inom, Peret apuri Ketoron Kamun imbirak inom,

2 Tamuwen 22:41

Ineebi nombakwi nogo, Inamborowak kin-kin mbaganuwak nduk eeppiige, Eekendak paga, Ineebe abu lek eerogo piigirak o.

2 Tamuwen 24:9

Wogo nogogwaarik, at Yowap nen aap endagembogut yoge logonet, “It Iterali mendek aap wim namburiyak inobam ti, ineebe delapan ratus ribu aret linggininakwi, ndi, it Yekura mendek ti, ineebe lima ratus ribu aret linggininakwi, eekoorak o,” yinuk, at Ndawut yoreegerak.

2 Tamuwen 5:3

It Iterali inoweewi abok aret aap endagembogut Ndawut o Keboron wonage me, wone ti, yogo mbareegwa, at Ndawut nen o Keboron time Aliku ALA enggaanom paga it inom wone amburu nggaruk togon mbambunuk, it Iterali abok aret inowe endagembogut logowak nduk, at Ndawut amburu eerogo mippereegwaarak.

1 Mbinineegwaarak 28:4

Ti yo'nereegerak kwe, Aliku Iterali inogoba Ala nen nowe-nawot iigak, it Iterali inowe nendagembogut mondok-mondok logokit nduk, miirogo paneegerak o. Miirogo panege nagagerik, mippanikit nduk, eeke logonet, aap anebunu Yekura mendek Iterali inarum logowak nduk miike, ndi, miike nagagerik, it Yekura ndarak ndegek inoweewi inenggela'me nen an nogoba aret miirogo pege, ndi, miirogo pege nagagerik, at apuri wiganak paga nen it Iterali mendek abok aret inowe nendagembogut logorak inikilom nomba'nuk miirogo panege, eeke nagagerik, mippaneegerak o.

1 Mbinineegwaarak 5:2

Ndi, at Yekura oreewi iigak, at iya negen wonage, ombowologwe wiganak paga aap ambi endagembogut nda'nage, eereegwaarak kwe, at Yekura oba kilirogo puulik. Manggu ndarak kenok inawoneninu kilirirogwe nogo, at Yutup oba kilirogo pereegerak.

2 Mbinineegwaarak 14:8

Aap Ata awuri Yekura mendek ineegin warak inanggeemu kole inom, inawooluwak inom, li'luk eerak wonogogwaarak ti, ineebe tiga ratus ribu aret. Ndi, awuri Mbeniyamin mendek ineegin warak inanggeemu mbuulogwe inom, ineegin-inomaale inom, li'luk eerak wonogogwaarak ti, ineebe dua ratus delapan puluh ribu aret me, it abok aret wakaa'ngget wim kalu-kalu lombok aret wonogogwaarak.

2 Mbinineegwaarak 15:9

Ogobakkigirogo punuk, it Yekura mendek inom, Mbeniyamin mendek inom, abok aret kuwak eerogo piige, ndi, it aakumi Iterali mendek apit aret nen Ata ogoba Aliku ALA imbirak wonage kogo nogogwaarik, Iterali wonogwe me nen at ka wa'nuk, it Eparayim mendek inom, Manate mendek inom, Timeyon mendek inom, inenggela'me wonogwe nogo inom kuwak eeppiige, eereegerak.

2 Mbinineegwaarak 17:2

o Yekura kota-kota pak wurik me nogome inom, o Yekura kota-kota endekenggwe inom, at ogoba Ata o Eparayim kota-kota tebeneegim nogome inom, abok aret at awuri ineegin warak piinet nagagerak.

2 Mbinineegwaarak 30:11

Ti eereegwaarak kwe, it ando Atet mendek inom, Manate mendek inom, Tebulon mendek inom, nen perak, iniki tebeppatinuk, o Yerutalem wogogwaarak.

Ndawi 76:1

It o Yekura wonogwe nogo nen Ala ineenu wonogwe, It o Iterali wonogwe nogo nen at endage tiyappugwi, Eeko menggaarak o.

Yetaya 9:7

At wone lengganogo yorage logowam nggwok wiganinuk nage, Aakumi inom lambunik iniki ugun tayenak wonogwe nogo lek aga'lek kundugu wonage, Eeke logogin o. At Ndawut paga wiganak aret me, At wone lengganogo yorage menggim mi'na'nuk, At abu'me piige menggim wone lengganogo yorage logogin o. At obeelom mban eeppiinet nage, a'me nggelok mban inawone mbangge, Eeke logomenggerak paga At abu'me piige menggim akom kwippiige, Omaawi nu'lek eerogo pege, Eerogo pege kenok, Mondok-mondok aret logogin o. At Omaawi Lombok Menggerak Aliku ALA nen, “Mondok eerikit aret,” mbarit unggwage me, aret eeke logogin o.

Yetikiyen 21:29

Kit eeppinagarak nabi ndogop kagarak o, yinuk, yorogwe nogo ti, piliret yorogwe, Ndi, tili paganogo yorogwe nogo alik kagak yorogwe me, pilit aret yorogwe, Eekwi me, It aap maluk eeka inooriyak eyom panggoni wage, Irip paga maluk onggo eeppiyoorak eyom ari wage, Eeke kenok, Wooluwak ti, it aap maluk eeka nogo inenggaanok paga titik eerak wonage agaarik o.

Linggineegwaarak 10:14

It inanebunu Yekura mendek inawot lombok aago nogo, at Aminarap aput Nakaton nogo nen inowe a'nuk, ineenu agak eyo paga pugunik wonok inaa'nduk lombok ogwe,

Linggineegwaarak 26:20

At Yekura paga wiganak ndarak ndegek lombok ti, At Tiyela paga nen aap Tiyela mendek wigannogwe, At Peret paga nen aap Peret mendek wigannogwe, At Tera paga nen aap Tera mendek aret wigannogwe, eereegwaarak.

Linggineegwaarak 26:22

At Yekura paga wiganak ndarak ndegek ti aret me, aap mban ineebe tujuh puluh enam ribu lima ratus aret lingginogo inendage liiru mbanogo pereegwaarak.

Pelaareegerak 33:7

Ndi, it inanebunu Yekura mendek nen eeko logorak wone yoge logonet, “Kaliku nogoba ALA wae. It Yekura mendek nen, nit ninanebunu mendek ando ninom ambit agago lambunogo pinani mok o, yinuk, Nggino yokkugwi yi, karuk konenu o. Inawim inom wim eekwi iigak, tebenogo piyookwak, yeenggwaarage logot o, nogoba,” yinuk, yoge,

Iberani 10:13

Ala nen at inom wim mbanak mendek aan lebenogo abu'me tebenogo piyaawak nduk, tokkage agaarik o.

Iberani 7:14

At ninowe ti, anebunu Yekura mendek nit abok nineenu o. Ndi, Muta nen, “Peebi aap Yekura mendek ambi Ala unde logogin o,” yinuk, ti yuulik kwe,

Yotuwa 10:24

at Yotuwa owagam piya wogo mbareegwa, Yotuwa nen aap Iterali apit aret kuwak ari woraawak nduk, yoragagerak kuwak ari wogogwaarak wonogwe iigak, aap yigin unde inoweewi Yotuwa inom wim nambuko nogogwaarak nogo yorage logonet, “Korotok ya'i wogo logomonggotik, aap inendagembogut yi, inali'luk paga kiniyok aan lebembiirogo logonip o.” Yorage mbareegi, wogo nogogwaarik, iniyok konden inali'luk paga tebembiirogo iigak,

Yotuwa 15:20

Anebunu Yekura mendek ndarak ndegek yate kwak kota-kota wogoragagerak nogo yi aret.

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.

Wayu 5:5

Awo le ari wonage me, mbogut paga wonogwe inoweewi nogo ambi nen an yo'nege logonet, “Le ari mage o. Eyo ambi agarip lagangge menggi kwak, anebunu Yekura nen Ndawut ombooluk nggeewo singa pogom nda'nagagerak nogo, eegin tiyak yereegerak me, at nen mbuku pirik-perek eerogo keele 7 maarak nogo, piinogo wondekkoorak op me, wondekka wage kaamunggun o.”

Owak Loongga 20:18

Abu aret pipuk eeko nogogwaarik, aap Iterali nogo o Mbeten nogo nogogwaarik, Ala yogo logonet, “Aap inanebunu ngge mendek nen inaa'nduk a'nuk, aap Mbeniyamin mendek ninom wim namburi noorak?” Yogo mbareegwa, at Aliku ALA nogo nen, “Anebunu Yekura mendek nen inaa'nduk a'nuk, nawak o,” yoragagerak.