Wakkagagerak 49:27 - Ala Wone Peenok Peebi Mbanak

²⁷ Kat Mbeniyamin ti, Nggeewo ta'ngge anini warak mendek mbi abu nen O kuubondendok wam-pagi kwaarogo wake nagaatik, Tigitogon nengge, Ndi, kiyoma kwaarogo wake nogo oreewi nawak nduk, Ando teppegetak me, neenok ndi yogwe, Eeke menggi kokwak Aret logomunggun.”

Wakkagagerak 49:27 ပူးပေါင်းရင်းမြစ်များ

Wakkagagerak 35:18

at Araken mondok kambuurak iniki worok yikit nduk eeke logonet, aagaluk endage, Mben-Oni tooneegerak kwe, at ogoba nen wulaga nogo endage, “Mbeniyamin o,” yinuk, tooneegerak.

Wakkagagerak 46:21

Mbeniyamin, at apuri Mbela, Mbeket, Atiben, Nggera, Naaman, Eki, Oroti, Mupim, Kupim, Aren inom,

Wakkagagerak 49:26

Puut mondok tiyanak itok menggerak inom, Puut lunik mondok taati menggerak paga Anggen abe yarak mban kologwe inom, Kat kombomini nogo ti, ti kwak logonet, Inale'nggen noba paneegwaarak mbuuluk negen kwe, An kogoba nen koba pagage ti, nggwok negen aret me, Koreewi inenggela'me nen kat mban tiyanak wonage keenok, It ninom lambuk togon ninale'nggen abu iya koba pagago o.

Wakkagagerak 49:28

It Iterali mendek inanebunu 12 paga wigannogogwaarak ti nogo, inogoba nen ale'nggen inoba piige logonet, inalitik-inalitak eeko logorak ndak-ndak kenok mban eeko logowak nduk, awoneninu kiligiragagerak nogo ti aret.

Yeremiya 5:6

Togop me, it Ala wone taganogo punuk, alik lombok eerit nugwi, Tu abe kagak alik paga nomo agan nogo logonet, maluk alik negen eekwi, Eekwi iinok, Singa negen eyonggaame nen wundi wage logomenggerik, ineebe inoorogo piige, Nggeewo owo negen karume nen wundi wa'nuk ineebe nibinogo nengge, Aakumi wundi wogwe iyo, inoorogo ineebe nibinogo pegak nawok nduk, Nggeewo kwak ineeruwak yabenggek-ndabenggek aago nen inawi kota-kota inigen wo yagak nugwi, Eerugun o.

Yetikiyen 22:25

It aakumi inoweewi nagawan o time wonogwe nogo nen iniki ambit eeppunuk koonggo logonet, singa nen at noorak tebembunuk nibinogo nengge logonet, oone maluk ndi wuke menggi kwak, it aakumi inambeme yonggorinakwi, yi mendek ndi mendek onggo nggwok inom, iniki kundugu inom, ndinggologwe, eekwi paga o time it kumi nanu ambik eerogo piigo agaarik o.

Yetikiyen 22:27

It aap inoweewi inengga warak o time inenggela'me wonogwe nogo ti, nggwiya it noorak mendek nibinogo nonggo mengga kwak logonet, aakumi inamendek kolaawok nduk, ineebe inoorogo piinet nogwe, inenggaawak lek eerogo piigwi, eeko agaarik o.

Tepaniya 3:3

At inom eeka aap inendage warak wonogwe nogo ti, Singa at nengge menggerak naakit nduk oone nggwok ari menggi kwak, wonogwe, At aagalogwe inowak loongga ti, nggeewo owo nen nggwiya wappunuk ko'lu noorak mbakulik, o ne ambit weege paga uwiirogo wurako mengga kwak, wonogwe,

Linggineegwaarak 1:36

Anebunu Mbeniyamin mendek ti, inanebunu ndarak ndegek lombok ndarak iigak tahun 20 nen aginggwe eerit nagaarak wim namburiyak inobam kero, ineebe tiga puluh lima ribu empat ratus aret inendage liiru mbanggwi,

Linggineegwaarak 23:24

Singa kooli kokwak mi'nogwe, Singa ngguunok mi'na'nuk, wam nggwiya warogo punuk, Enggaanggum nengge, amiya nengge, Eeka'lek kagak winnageelik menggi kwak, It aakumi alik yi, togop aret wonogwe, Eeko agaarik o.”

Linggineegwaarak 34:21

Anebunu Mbeniyamin mendek ti, aap Kitolom aput Elirat.

Matiyut 10:16

Wone ambinom yorage logonet, “Kit ndomba kokwak yi, it aakumi nggeewo endekem mendek pogom wonogwe me, inowagam nappinagage agarik o. Nappinagaminggirak inenggela'me logonet, waalo yimela-nimela nege menggi kwak nugu logonet, towe puume enegen waanggo pogom nugu logomunggup o.

Matiyut 7:15

Yorage nagagerik, ambinom yorage logonet, “It aap Ala wone pilit pugunogo yokkirogo menggaarak nogo nen kinambokan laganggwi iyo, tum wako logonip o. It aap ti, inetenggen ndomba enete negen kunggo'nok kinowagam wogwe kwe, iniki ti, mba'ngge anini warak pogom wonogwe o.

Nappiigak 20:29

An lambembinaganuk nage neegak, mba'ngge kinenggela'me unggwi wogo logomenggaarik, teppinagagun lek nibingginabugun ti, an neenu aret o.

Nappiigak 8:3

Aleenggu maakwi iigak kwe, at Tawulut nen perak, it Ala apuri kuwak eerit nogwe nogo kumi nen, aap nen, lek eerogo piinet nage logonet, o ambi me unggwage, niigogo wumbiige, ambi me unggwage, niigogo wumbiige, eerit wogoren keele maarogo mambiigo menggam nogome piya nage nagagerak.

Nappiigak 9:1

Ti eeke kagak, at Tawulut nen it ninogoba Yetut oone waganggwi nogo inoorikit nduk anini wu agan nage mbareegi, at Ala unde inowe nggwok nogo owagam nage nagagerik,

Pelaareegerak 33:12

It inanebunu Mbeniyamin mendek nen eeko logorak wone yoge logonet, “Kaliku ALA nen kiniki kunik aganake, It aap yi, liingge-oonikiya kabu'me piirogo wonage, Kat keebe paga mulumbiirogo wonage, Eeke menggendak me, Iniki yuma yonggolak nu'lek aret logogun o,” yinuk, yoge,

Pilipi 3:5

An ndarak neegak nogo 7 yippunuk, 8 paga nagabolo mbaneegwaarak. Neebe ti, Iterali mendek aret kwe, nanebunu perak, Mbeniyamin mendek aret o. Nagalo-nogoba kunduk, Iberani mendek aret. Ndi, Muta wone yugu liiru mbanak li'lak eeka an Pariti mendek aret wonagagirak.

Owak Loongga 20:21

it Mbeniyamin mendek o Nggibeya nen wundi wogo logonet, ne ti eyom paga aret it Iterali mendek ineebe dua puluh dua ribu aret kolaa'nggut negen mbanogo nappiya wogogwaarak.

Owak Loongga 20:25

it Mbeniyamin mendek nogo nen wundi wogo logonet, ne ti paga Iterali nogo inawooluwak ineenggime iigak, ineebe delapan belas ribu ambinom aret kolaa'nggut negen mbanogo piya wogogwaarak.