Wakkagagerak 49:21 - Ala Wone Peenok Peebi Mbanak

²¹ Kat Natali ti, Rusa kooli anggenogona wonage lek We wondet aago nege logonet, Aagalogwe amuni mbanak lombok ndaganake menggi kwak Aret logomunggun o.

Wakkagagerak 49:21 ပူးပေါင်းရင်းမြစ်များ

Wakkagagerak 30:8

Ndake nagagerik, ari logonet, “Noweeluk nimbirak ogoorak wonage kenok, An nonggop eeri? mba'nuk, wakkagak mban eekirak paga an tiyak yagi o,” yinuk, wulaga nogo endage Natali aret tooneegerak.

Wakkagagerak 46:24

Natali, at apuri Yaketen, Ngguni, Yetet, Tiyilem inom,

2 Mbinineegwaarak 10:7

Yorage mbareegi, it nen wone onggo yogo logonet, “Kat nen it aakumi ti, inabuwa mba'nuk, inale'nggen kaawak nduk, wone yokkugwi nogo, onggo obeelom yorage keenok, it nen mondok-mondok kayeloman mini aret logogun o,” yinuk, yoreegwaarak.

Kini Wuppiige 5:19

Kit kinakuwi ti, Rusa eebe amuni mbanak kwak, kinom abe wonogwe, Rusa kwak kijang amuni mbanak nege kwak kinom nugwi, Eeko logomunggup me, Kinakuwi inelak paga kiniki kwippinagagwi, Kinabuwa lombok kinombakwi paga yilunogo pinagagwi, Eeko logowak o.

Ndawi Iya 2:7

O Yerutalem aagalogwe komologwe kit yi wae. Kijang inom, rusa kooli penaame mendek inom, aap inoone yogonok lalok yogo mengga kwak eerukwak, “At iniki kunik imbirak inoba tayok yaga'lek iigak, ninoone yoraagun lek o,” yinuk, kumbuk mbaninip o.

Yeremiya 14:5

Rusa nogo inagari'ngga ki mbanogo noorak lek kenok, inaagalogwe awo ndarak kagak penaame time mbo piinok, mbaganggwi,

Pelaareegerak 33:23

It inanebunu Natali mendek nen eeko logorak wone yoge logonet, “It Natali mendek ti, Kaliku ALA nen it inabuwa nggwok mba'nuk, Oona ngginik kagak wogorage, kale'nggen inoba piige, Eeke menggendak paga it op aret inale'nggen paga wonogwe me, Ineyate kwak o it unde a'nuk logowam ti, Niyo yenggenak kuli nen nok agi pa'nggwe time kuli aret logogun o,” yinuk, yoge,

Owak Loongga 4:10

Nogo nogogwaarik, at Mbarak nen it aap inanebunu Tebulon mendek inom, Natali mendek inom, aap ineegin warak ineebe sepuluh ribu nogo woraawak nduk, yonggo piyareegerak wogo mbareegwa, inom nogo logonet, at Ndebora nogo inom nogogwaarak.

Owak Loongga 4:6

Ne ambi paga at Ndebora nen aap Abinowam aput Mbarak nogo o Kereti aap Natali mendek iname wonage me, woraawak nduk, yonggo nappiyareegerak yori nogogwaarak wage mbareegi, yoge logonet, “At Aliku Iterali inogoba Ala nogo nen, Aap Natali mendek inom, Tebulon mendek inom, ineebe sepuluh ribu aret wogoren, o puut Tabot paga lagi namenggendak keegak,

Owak Loongga 5:18

Anebunu Tebulon mendek nen perak, Ninooriyak op aret o, yinuk, inagabiti mbaka'lek aret nogwe, Anebunu Natali mendek kunduk inagabiti mbaka'lek puut karume time nogwe, Eekwi iigak,