Wakkagagerak 49:18 - Ala Wone Peenok Peebi Mbanak

¹⁸ Kaliku ALA wae! Nagap ndarogo panenok nduk, tokkake agarik o!

Wakkagagerak 49:18 ပူးပေါင်းရင်းမြစ်များ

Wakkagagerak 49:17

Kat nogo ti, Kuda aakumi amborowak paga kwi'na'nuk wogwe me, Waalo muuru tu ambet me nen Kuda iyok eyak nggarunggage kenok, Puruk ari logonet, Aakumi amborowak paga kwi'ndak nogo Nggininik-paninik eerogo ambo'me wuppiige menggi kwak, Aret logomunggun o.

Ndawi 119:166

Kaliku ALA wae. Nagap ndari woraanok nduk, tokkeege, Koone, “Yogop ee'nu ndogop ee'nu,” yugu nogo Ndak-ndak eerit nage,

Ndawi 119:174

Kaliku ALA wae. Kat lombok nen nagap ndari woroorak niniki, “Ao,” mbake, Ndi, koone Muta nen liiru mbaneegerak nogo ti, Ninikilom lombok mbake, Eeke minggirak o.

Ndawi 119:41

Kaliku ALA wae. Aakumi inabuwa nen Kiniki kunik mban aganake menggendak nogo An kunduk ee'nabi wage, Nagap ndariyak koonogo pereegindak nogo Ndak-ndak eeppani wage, Ee'nok lak, “Ao,” mbake agarik o.

Ndawi 123:2

Aap ambi ayeloman aap nen ogoba paga Iniki panggonak logonet, at mban pekkage, Kwe ambi ayeloman kwe nen agalo paga iniki panggonak logonet, at mban pekkage, Eeko mengga kwak, Aliku ninogoba Ala nen Ninabuwa mbaka'lek tit kagak Ninigen loorit mban unggwogo logowok o.

Ndawi 130:5

Kaliku ALA nen an yeenggwa nenok nduk tokkeege, Niniki nen mbet-mbet eeppani woraawak lak, “Ao,” mbake, Koone yereegindak nogo niniki lunik wonage, Eeke agarik o.

Ndawi 14:7

It Iterali inagap ndariyak nduk, Puut Tiyon paga nen woraawak lak, ao! At Aliku ALA nen at apuri aa'nduk obeelom wonogogwa kwak, Obaane'me obeelom eerogo piige kenok, at Yakup paga wiganak nen inale'nggen mbakwi, Ndi, it Iterali mendek nen ndawi lubuk yogwe, Eeko logogun o.

Ndawi 40:1

“At Aliku ALA nen yeenggwa niruwak o,” yinuk, Niniki yungguppunuk tokkagarak me, at ena logu yinuk pe'neege, Noone nggwok paga yogirak nogo konengge, Eekerak o.

Ndawi 62:1

Nagap ndaka ti, Ala aret me, At nen mban eeppaniyak niniki lunik logonet, Niniki ugun tayenak aret agarik o.

Ndawi 62:5

Togop aret me, niniki yi wae. Ala nen mban eeppaniyak mba'nuk lunik logonet, Oba panggombunuk, ugun tayenak logot o.

Ndawi 85:7

Kaliku ALA wae. Kat nen ninabuwa mban mbarit wundi wage nogo Nit nineenu aruwok nduk eeppinanege, Ninagap ndarak logowok nduk eeppinanege, Eeru o.

Wundeegwaarak 15:2

At Aliku ALA ti, Nomaawi inom, nendawi inom, aret wonage o. At nen aret nagap ndareegerak o. At Aliku ti, nogoba Ala aret me, Alut eeke agaarik o. At ti, an nombomini inogoba Ala aret me, Endage tiyappege agaarik o.

Kini Wuppiige 14:32

It aap maluk eeka nen maluk eerit nugwi paga it ineebe aret nggelenggologo menggaarak kwe, Aap iniki abe koonak nogo perak, kambemenggaarak kwe, obeelom eerit nugu logomenggaarak me, ineebe obeelom aret logogun o.

Yetaya 25:9

Ne ti eyom paga it aakumi nen yogo logonet, “Eeppinanege yi ti, ninogoba Ala nen aret o. Ninagap ndaruwak nduk, tokkogo nogoorak nogo at aret. At tokkogo nogoorak nogo Aliku ALA yi aret me, ninale'nggen mbakwi, Ninagap ndakerak me, ninale'nggen nen ndawi lubuk yogwe, Eeko logowok o,” yinuk, yugun o.

Yetaya 30:18

Togop kwe, at Aliku ALA nogo nen, “Obeelom eeppiyaakit lak, ao,” yinuk, tokkiige, Kinabuwa nen eeppinagakit nduk, pipuk aago wonage, Eeke agaarik o. At Aliku Ala a'me nggelok eeppiige menggerak me, “Eeppinanuwak o,” yinuk, It abok aret at tokkogwe nogo inale'nggen mbako logogun o.

Yetaya 33:2

Kaliku ALA wae. Nit kat lombok paga niniki lunik wonogwe me, ninabuwa mbake, Ko'lu-kii'me kubondendok paga komaawi eeppinanege, Aaninggin ninoba age ti eyom paga keenggi omaawi paga ninagap ndake, Eeke logot o.

Yetaya 36:8

Togop aret me, at Kitikiya yorumunggup nduk, aap Atiyut ninowe endagembogut nogoba endage paga yokkira. An nen at awuri kuda paga kwi'na'nuk nawak nduk, kuda dua ribu wogoroorak op kwe, it inobam lek me, meek aret kaagun o.

Yetaya 8:17

At apuri Yakup paga wiganak nen enete kogwe iyo, kumaappatinuk wonage Aliku ALA nogo an tokkage, Niniki at paga panggonak wonage, Eeke agarik o.

Leendawi 3:25

It aakumi Aliku ALA iniki lunik wonogwe, Iniki nen at mugurok nugwi, Eekwi iinok, At nen obeelom eeppiige menggerak o.

Oteya 12:7

It aap yi mendek ndi mendek kungga nogo nen aaninggin wakkaanuk ndak-ndak aga'lek kagak, “Ndak-ndak aga o,” Yinuk, aakumi wi-wi aganaburak inikilom mba'nuk eerit nugu mengga kwak,

Mika 7:7

Togop aret kwe, an nogo, an nen at Ala yoge nogo aruk konenigin me, Aliku ALA yeenggwa niri wage kero, nenegen wonage, Niniki lunik nagap ndaka ninogoba Ala nogo neya wage kero, tokkage, Eeke agarik o.

Matiyut 1:21

At aagaluk aap aret ndarigin o. Ndi, ndake kenok, owe-awot inomaluk nogo at nen lek eerogo punuk, inagap ndarigin me, endage Yetut aret toonenu o,” yinuk, yoge kagagerak.

Marakut 15:43

it aap wone amburu mbanggo menggaarak nogo aap ambi endage Yutup, awi o Arimateya mendek ayuk warak lombok me, “Ala abu'me panuwak o,” yinuk, tokkage wonage me, agabiti lek a'nuk, at Pilatut owagam nage nagagerik, “Yetut eebe warak wo'niru o,” yinuk, ngginooreegerak.

Lukat 1:30

Mbake mbareegi, at malayikat nogo nen at yoge logonet, “Mariya wae. Kagabiti mbarugun o. Ala kabuwa mbake logonet, ale'nggen koba pagarak koonggerak me,

Lukat 2:25

Aap Yerutalem mendek ambi endage Timeyon aret wonagagerak. At aap ti, iniki mondok abe koonak Ala wone liirogon aret eeke nagagerak. Eeke logonet, it aakumi Iterali mendek iniki eyak wappiya woroorak nogo tokkage nagagerak me, Aberiniki at oba wonagagerak.

Oroma 8:19

Togop me, Ala nen yi mendek ndi mendek wakkagagerak nogo nen aakumi yogo mengga kwak yogo logonet, “Ala apuri mbet-mbet tena'me eeppiyaawak lak, ao,” yinuk, iniki lunik logonet, tokkogwe wonogwe o.

Oroma 8:25

Nit ninigen kaga'lek mendek kaawok nduk, niniki lunik wonogwe kenok, niniki mondok kwippunuk, tokkogo monggoorak.

Nggalatiya 5:5

Nit abet mbareegurak nogo paga Aberiniki nen eeppinanege kagak, Ala nen, “Aap yi, iniki abe koonak aret o,” yinuk, obeelom agago pinaniyak nogo, “Mbet-mbet eerogo pinanuwak lak ao,” yinuk, niniki lunik logonet, tokkogo ogoorik o.

1 Tetalonika 1:10

ndi, Ala nen at aput Yetut kambunuk nogo menggam nen eenik agago mippege mbareegi, peebi anini nen nit maluk eeppinanege kero, ninagap ndareegerak Yetut mbogut paga nen wambi woroorak nduk, kit tokkogo monggotak nogo inom, abok aret nit yo'nirogo menggaarak.