Wakkagagerak 49:15 - Ala Wone Peenok Peebi Mbanak

¹⁵ O yi ti abu obeelom aret me, Yime op aret yonggonggolagi o, mba'nuk, Aaninggin oba puurak eekwi iinok, Amborowak koonogo wogorage, Ndi, inoone omaawi paga yogwi iinok, Inayeloman pogom, E o, yinuk, piyaninuk nege, Eeke menggi kwak Aret logomunggun o.

Wakkagagerak 49:15 ပူးပေါင်းရင်းမြစ်များ

Wakkagagerak 49:14

Kat Itakat ti, Keledai owak omaawi ambik me, Iri'ngga-kale'ngga amborowak peenok-peenok Luurik-maarak aago keele maarak kagak, Aaninggin mbaka'lek eebe oolo ugun pogonik Nogo yege nagaatik,

Wakkagagerak 49:16

Kat Ndan ti, Inanebunu Iterali mendek wone ambi inoba age kenok, Inenggela'me mi'na'nuk, Inowak loongga aret logomunggun o.

2 Tamuwen 7:1

At Aliku ALA nen Ndawut awim enaagan-ambokan wonogwe nogo, abok aret tebenogo piinok, aap endagembogut Ndawut awi o nggwok abe wurik me nogome iniki ugun tayenak logowak nduk, eeppege mbareegi,

Ndawi 81:6

At nen ari logonet, “Aaninggin kinuumbaga wonage nogo an muk wagangge, Muun yarak kineenggime nen woppunuk, Kinuumbaga piyanggo monggotak nogo an mbo pege,

Kini Wuppiige 12:24

Aap ineenggi omaawi nogo ti, aap nggwok ogwe iigak kwe, Aap ineenggi tanep nogo perak, aakumi inayeloman aret ogo menggaarak.

Yetaya 31:8

“It aakumi Atiyut mendek wim eeko logonet, aakumi inawooluwak paga ineebe inoorugun lek o. Ata, wooluwak aakumi nen nggabunulik alik mendek paga ineebe aret nagin o. Wooluwak ayuk nen kole mbaganggwi, Inapuri tawe nogo aakumi inayeloman logowak nduk eerogo piigwi, Eerugun o.

Yetikiyen 29:18

“Aakumi nen ndarak yi wae. It Mbaben mendek inowe endagembogut Nebukanetat nen o Tirut oonda mbani unggwikit nduk, eeke logonet, awuri ineegin warak oone omaawi paga lengganogo yorage kenok, eerit nogo logonet, ineeruwak wuro-wuro nage, inuum mbela-mbela nage, ineenggi penagap ndarogo pege, eereegerak kwe, o Tirut tebenogo pikit nduk awuri yoragagerak eereegwaarak nogo at inom, at awuri inom, onggo kolaga'lek aret wonogwe iigirak o,” yinuk, yegerak.

Matiyut 23:4

It nen aaninggin ambik waganogo aakumi inuum paga piinok, luwi aago nugwi iigak, yeenggwaaroorak mbaka'lek inigen pengge agan mbaganggo menggaarak.

Yotuwa 14:15

O Keboron nogo ti, aakumi Enak mendek inenggela'me aap ambi endage warak lombok endage Araba wonagagerak me, o Keboron aa'nduk endage Kiriyat-Araba aret yogo nogogwaarak. Ndi, nggween nogo, it Iterali abu aret kologo nogogwaarik, wonogwe iigak, o nogome wim nggoguk yaga'lek abolok lek obeelom aret wonagagerak.

Owak Loongga 3:11

Tebenogo punuk, o nogome abolok lek obeelom wonage kagak, tahun 40 eeke mbareegi, aap Kenat aput O'niyen nogo aret kambeegerak.