Wakkagagerak 49:14 - Ala Wone Peenok Peebi Mbanak

¹⁴ Kat Itakat ti, Keledai owak omaawi ambik me, Iri'ngga-kale'ngga amborowak peenok-peenok Luurik-maarak aago keele maarak kagak, Aaninggin mbaka'lek eebe oolo ugun pogonik Nogo yege nagaatik,

Wakkagagerak 49:14 ပူးပေါင်းရင်းမြစ်များ

Wakkagagerak 30:18

Ndake nagagerik, at Leya nen ari logonet, “An nayeloman kolaga Tilapa waganogo nogonggelo wogogirak paga at Ala nen an naagaluk yi wo'negerak me, at endage ti, Itakat o,” yinuk, tooneegerak.

Wakkagagerak 49:15

O yi ti abu obeelom aret me, Yime op aret yonggonggolagi o, mba'nuk, Aaninggin oba puurak eekwi iinok, Amborowak koonogo wogorage, Ndi, inoone omaawi paga yogwi iinok, Inayeloman pogom, E o, yinuk, piyaninuk nege, Eeke menggi kwak Aret logomunggun o.

1 Mbinineegwaarak 12:32

Anebunu Itakat mendek nogo nen, “O eraambe yogop age me, Iterali yogop eeruwak o,” yinuk, yogwe nogo ineenu inoweewi ineebe dua ratus aret wogo logonet, inowe-inawot lombok inom aret wogwe,

Ndawi 68:13

It ando inandomba inawi wurik me kumaarak inagabiti mbakak wonogwe iigak, It an napuri Iterali ando nogo Towe puume ogut eerak a'naabit paga mbuti perak nabenak kwak, Eeruwak paga mbuti emas pindan-pindan aago kwak, Eerak wonogo logonet eereegwaarak.

Ndawi 78:70

Eeke nagagerik, at apuri Yakup mendek, At eyate kwak Iterali mendek, Aap ndomba ndegeninaka kwak, ndegeninake logowak nduk, At ayeloman aap Ndawut leenogo pege, Kambin-ndomba inenggela'me nen wagangge, Andomba ndegeninake menggim nen wonok pi wage, Eeke mbareegi,

Linggineegwaarak 32:16

Togop yoragagerak kwe, it Uruben mendek inom, Nggat mendek inom, nogo nen Muta owagam ari nanuk wone ambinom yogo logonet, “Nit ninaanggumi kambin-ndomba inanggenogo yagat wukwi, ndi, ninapuri inom, ninakuwi inom, inake o nambit-mbit wurogo piigwi, eerogo piinok,

Pelaareegerak 33:18

It inanebunu Tebulon mendek nen eeko logorak wone yoge logonet, “It yiru-ndiru nugu menggaarak Tebulon mendek inom, It inawi paga menggaarak Itakat mendek inom,

Owak Loongga 10:1

Aap Abimelek nogo kangge mbareegi, aap Itakat mendek endage Ndoro ombooluk Puwa aput Tola nogo nen aakumi Iterali inagap ndaruwak nduk, mi'nagagerak. Mi'nage nagagerik, o Eparayim puut nggelok-nggobok me o Tamit time aret wonagagerak.