Wakkagagerak 48:5 - Ala Wone Peenok Peebi Mbanak

⁵ Yoge nagagerik, at Yakup nen wone ambinom yoge logonet, “Togop aret yo'nereegerak me, an o Metit keya waga'lek neegak, kapuri mbere'ndak o Metit logonet ndaganabeegindak Eparayim Manate imbirak an napuri Uruben Timeyon kokwak aret inombaki o.

Wakkagagerak 48:5 ပူးပေါင်းရင်းမြစ်များ

Wakkagagerak 46:20

at Yutup o Metit nogome wonage logonet, aap kugi unde Potipera awi Keliyopolit mendek apuluk kwe Atanat wagangge nagagerik, apuri Manate Eparayim imbirak ndaganabeegerak nogo inom,

Wakkagagerak 48:1

Ti'nuk peebi nen at Yutup yogo logonet, “Kat kogoba nogo andi eekerak wonage o.” Yogo mbareegwa, at Yutup nogo ogoba Yakup pekka naakit nduk, nage logonet, apuri mbere'ndak Eparayim Manate imbirak wogoren nagagerak.

Wakkagagerak 48:6

Ndi, kat kapuri ando ndaganabumunggun ti perak, kat kapuri aret kwe, ineyate koloorak kenok ti, it inendage paga kologo logogun lek o. Ata, it mbere yi inendage paga aret kologo logogun o.

Ndawi 77:16

Ala wae. Niyo nen enegen kat keege, Niyo enegen kat keenok, kilaarak-mogonik eeke, Yi kole laut inikime kilanogo nippit wage,

Yetaya 43:1

Togop aret wonogogurak kwe, Kat Yakup wae. Kat mendek nggwok aruwak nduk leenogo pagage, Kat Iterali wae. Kat mendek wiganuwak nduk eerogo pagage, Eereegerak Aliku ALA nen ari logonet, “An wondet eerogo piyareegirak me, inagabiti mbarugwaarik o. Inendage kunogombo wiiragagirak me, it an napuri aret agaarik o.

Yetikiyen 16:8

Ti'nuk, peebi an tu ti paga nage logonet, eebe nenegen kage nagagirik, at abu tawe aap miikkoloorak aret agagerak kenok, nayum nggorek irip paga at agabolo kin wonage nogo lenggenogo pereegirak. Pege nagagirik, at nimbirak wone abuk nggaruk togon koonogo punuk, Nore kat aret o, yinuk, Naliku Nitok Minggirak an ALA nen kumbuk mbangge mbareegi, at an nore aret agagerak.

Yetikiyen 47:13

Aliku Itok Menggerak ALA nen yegerak nogo yi aret. “It Iterali inanebunu 12 mendek inanggween yate unde eeppatinuk logowak nduk, tumburogo kuli mbanogo wogorage logonet, at Yutup nggween mbere mbanogo wogoriyak kwak wogoroorak nogo yi aret o.

Ala Unde 20:26

It an napuri lombok logowak nduk, an kikak nakeelik abu obeelom Naliku an ALA nogo nen yi aakumi ndi aakumi iigak, it Iterali mban leenogo piyareegirak me, it an nake leenak aret logowak o.

Maleyaki 3:17

Mbanogo pogo mbareegwa, at Omaawi Lombok Menggerak Aliku ALA nen ari logonet, “It aap ti, an napuri aret logogun o. It aakumi koonogo piyoorak wage eyom paga it aap ti, an napuri niniki kundugu aret me, aap ambi aput oone konembunuk eeke kenok, ogoba nogo apuluk abuwa nen ili ari menggi kwak, an togop aret eerogo piyaagin o.

Linggineegwaarak 1:10

At Yutup apuri wiganak anebunu Eparayim mendek ti, aap Amikut aput Elitama mippugwi, Ndi, anebunu Manate mendek ti, aap Peratut aput Nggamaliyen mippugwi,

Epetut 1:5

Nit awo nda'naga'lek niigak, at Ala nen Yetut Keritut eeremenggerak paga, nit at apuri lombok logowok nduk wo'ninaburak inikilom mbareegerak nogo ndak-ndak, iniki kunik en, “Eeppiyaakit o,” yinuk, koonogo pereegerak nogo aret eeppinaneegerak.

Iberani 11:21

Ndi, Yakup kunduk, kambikit nduk eeke logonet, “Ala nen eeriyak yo'niragagerak nogo eerigin aret o,” yinuk, abet mba'nuk, Yutup apuri inalitak lombok ale'nggen inoba piige nagagerik, owaanggun paga anep kumbunuk Ala alut eereegerak.

Yotuwa 13:7

it aap inanebunu 9 ti inom, ndi, anebunu Manate ando mogonak nogo inom, yate kwak inanggween tumburiraamunggun o,” yinuk, yoreegerak.

Yotuwa 14:4

It aap Lewi mendek inanggween tumburiroolik kwe, we ineebe logorak ake mban kota-kota inom, inaanggumi tapi-ndomba logorak inake nggween inom, ti mban wogorogogwaarak. Ndi, aap Yutup ambit aret kwe, anebunu ambi Eparayim age, anebunu ambi Manate age, eereegwaarak.