Wakkagagerak 48:20 - Ala Wone Peenok Peebi Mbanak

²⁰ Yoge nagagerik, ale'nggen inoba piige logonet, “It aakumi Iterali mendek nen inale'nggen aap ambi oba pogo logonet, kit mban kinendage kumbunuk, yogo logonet, Ala nen Eparayim Manate eeppiyareegerak ndak-ndak eeppagage logogin, yogo logogun o,” yinuk, wone togop aret yoragagerak paga at Manate manggu aret kwe, peebi mendek negen agago pege, ndi, at Eparayim peebi mendek nogo manggu negen eerogo pege, eeppunuk, ale'nggen inoba piyareegerak.

Wakkagagerak 48:20 ပူးပေါင်းရင်းမြစ်များ

Wakkagagerak 24:60

at kolaga iriwi nogo nen inale'nggen oba pogo logonet, “Niriluk o. Kat keebe ambit nen aret kwe, Yi aakumi ndi aakumi apit aret kat paga nen wigannarit wundi nogo logogun o. Kat kaagalogwe ndaganabemenggendak wiganak nen, Yi aakumi ndi aakumi inom ogoorak menggaarak inabu'me tebenogo piinok inawi time aret logogun o.”

Wakkagagerak 28:3

Ndi, at Omaawi Lombok Menggerak Ala nogo nen ale'nggen koba pagamenggerak paga kapuri ambik aret ndaganake, kombowologwe ambik aret wigak yogwe, eerit namenggaarak paga kat keebe ti, yi aakumi ndi aakumi inanebunu lombok wiganogo piyaamunggun o.

Wakkagagerak 48:21

Ale'nggen inoba piige nagagerik, at Iterali nen Yutup yoge logonet, “An logonuk lek mbet-mbet aret kambigin kwe, Ala perak, kinarum aret logonet, wokkiren o kombomini inanggween paga nogome pinagi nagin o.

Linggineegwaarak 13:11

Inanebunu Yutup mogonak mendek Manate nen Tuti aput Nggari,

Linggineegwaarak 13:16

At Muta nen it aap o inigen yombooni nawak nduk nappiyareegerak nogo inendage ti aret o. Ndi, Nun aput Oteya nogo at Muta nen endage peebi Yotuwa tooneegerak.

Linggineegwaarak 13:8

Inanebunu Eparayim nen Nun aput Oteya,

Iberani 11:21

Ndi, Yakup kunduk, kambikit nduk eeke logonet, “Ala nen eeriyak yo'niragagerak nogo eerigin aret o,” yinuk, abet mba'nuk, Yutup apuri inalitak lombok ale'nggen inoba piige nagagerik, owaanggun paga anep kumbunuk Ala alut eereegerak.

Yotuwa 17:14

It Yutup mendek paga wiganak nen Yotuwa yogo logonet, “Aliku ALA nen ale'nggen ninoba pinanit wage kagak, nineebe ambik ogogurak kwe, yugum paga wakkenok, nggween we mbuuluk o ambit nenaarak iluk tumbu'niragandak ti, nonggop nduk o?”