Wakkagagerak 48:2 - Ala Wone Peenok Peebi Mbanak

² Nage mbareegi, “Kaput Yutup wage o,” yogwe nogo at Iterali aruk konengge nagagerik, at eebe abu meek aret eereegerak kwe, omaawi negen eekko'nok, nogo yege menggim taati mi'nagagerak.

Wakkagagerak 48:2 ပူးပေါင်းရင်းမြစ်များ

Wakkagagerak 48:1

Ti'nuk peebi nen at Yutup yogo logonet, “Kat kogoba nogo andi eekerak wonage o.” Yogo mbareegwa, at Yutup nogo ogoba Yakup pekka naakit nduk, nage logonet, apuri mbere'ndak Eparayim Manate imbirak wogoren nagagerak.

Wakkagagerak 48:3

Mi'ndak wonage me, at Yutup nogo ka wage mbareegi, Yakup nen yoge logonet, “An o Kanan tini ambi Lut nogome wonage me, at Omaawi Lombok Menggerak Ala nogo nen an nimbirak lambumbunuk, ale'nggen noba panege logonet,

Nekemiya 2:18

Yorage nagagirik, nogoba Ala nen nabuwa mba'nuk, eenggi nggorek paga nobappanege me, aap endagembogut nen yo'nereegerak nogo inom mbininogo yorage mbareegi, it onggo yo'nogo logonet, “Ti kenok, wuruwok aret o,” yo'nogo nogogwaarik, inawi kota ti obeelom eerogo patuwok nduk, inomaawi paga yagat wareneegwaarak.

Ndawi 41:3

At andi nen windak wonage kenok, Aliku ALA nen yeenggwaage, Andi nen nogo yege menggim wonage nogo Obeelom eerogo mippege, Eerigin o.

Kini Wuppiige 23:15

Napuluk yi wae. Kat kiniki warak lombok wonage keenok, an niniki ale'nggen aret ee'nake,

Epetut 6:10

Wone abu aret yokkiragarak me, age yobok ambi yi yokkira o. Kinowe omaawi ambik nogo paga kiniyok panggombunuk, kinogogumbuk logonip o.

Pelaareegerak 3:28

Yo'nege nagagerik, at Yotuwa eeriyak yo'nege logonet, At Yotuwa nen nggween kat kenegen kamenggendak nogo it aakumi Iterali ineyate kwak unde logowak nduk, aa'nduk a'nuk wogoren enebaga wunda nagin me, iniki kwi'ndak nu'lek logowak nduk, kini wuppet o, yinuk, yo'nereegerak.

1 Tamuwen 23:16

at Tawun apuluk Yonatan nogo nen, “Ndawut iniki Ala oba panggombunuk logowak nduk, iniki eyak wappi na o,” yinuk, at Ndawut o Korep time wonage me ka nagagerak.