Wakkagagerak 48:18 - Ala Wone Peenok Peebi Mbanak

¹⁸ ogoba yoge logonet, “Koba wae! Togop lek o, nogoba. Manggu ndarak ti, Manate yi aret me, keenggi abe'nggan ti, waganogo at anobak paga tebenu o.”

Wakkagagerak 48:18 ပူးပေါင်းရင်းမြစ်များ

Wakkagagerak 19:18

Yorage mbareegi, at Lot nen ari logonet, “Ai, nogoba o. Togop eeriyak yo'nirugun o.

Wakkagagerak 27:15

Larogo pege nagagerik, oweeluk Etawu ambogoyum obeelom mendek nggerenogo oome pereegerak nogo waganogo awuluk Yakup nogo yippege,

Wakkagagerak 29:26

Yoge mbareegi, at Laban nen wone onggo yoge logonet, “Oweeluk kolaga'lek kagak, awuluk aa'nduk kologolik me nduk, eekirak o, namboko!

Wakkagagerak 43:33

At Yutup oreewi nogo manggu nen nugwa enabooluk kuli nda'nogogwaarak ndak-ndak kwippiinet nage mbareegi, inigen pet-pet yogo logonet, “Wi,” mbakugak,

Wakkagagerak 48:17

Oba pege mbareegi, Yakup eenggi abe'nggan paga Eparayim anobak paga wonage nogo Yutup kage nagagerik, eebi mbake logonet, ogoba eenggi at Eparayim anobak paga wonage nogo waganogo oweeluk Manate anobak paga puwak nduk,

Wakkagagerak 48:19

Yoreegerak kwe, at ogoba nogo nen, “Lek o, naput! Yagandak ti neenu aret o. At kunduk anebunu ambik age logomenggerik, endage nggwok aret arigin kwe, awuluk perak, endage mondok nggwok lombok age logomenggerik, apuri ndappiyamenggerak wigannarit nogo logonet, inanebunu ambik aret arugun me nduk, eeki o,” yoreegerak.

Wakkagagerak 49:3

Kat Uruben nogo ti, Napuri ndaganabikit nduk wakkage logonet, Nomaawi paga naput manggu iyaalok togon kat aret ndakkabeegirak o. Koreewi ando inendage lek we tebenak iigak, Kat perak, kendage mondok tiyanak komaawi ambik aret wonage kwe,

Wundeegwaarak 10:11

noorak abu lek o. Ata, Nit Aliku ALA alut eeri nawi o, yinuk, yo'nogo nogotak nogo ti, aap mban aret eeri nawak o,” yinuk, yorage nagagerik, Muta Karun imbirak, pelenogo wumbiya wagagerak.

Matiyut 25:9

Yorogo mbareegwa, it komologwe iniki warak mendek nogo nen, Lek o. Ando mogonogo kit wokkirogwe, nit kologwe, eerugun kenok ti, lek arigin me, kit nen it onggo kunggo menggaarak nogo, inoona kunggola nanip o.

Nappiigak 10:14

Aruk konembege nagagerik, “A, nogoba. Nunggulik mendek inom, noorak mage yugu mendek inom, an abu nenggeelik me noorak neebi o.”

Nappiigak 11:8

Yo'nege naruk konenggirak kwe, A, lek o, nogoba o. Nunggulik mendek inom, noorak mage yugu mendek inom, an abu nenggeelik me, noorak neebi o, yoge mbaki,