Wakkagagerak 48:14 - Ala Wone Peenok Peebi Mbanak

¹⁴ at Iterali eenggi abe'nggan paga waganogo awuluk Eparayim nogo anobak paga tebengge, ndi, eenggi kwaare'nggan paga waganogo oweeluk Manate anobak paga tebengge, eereegerak.

Wakkagagerak 48:14 ပူးပေါင်းရင်းမြစ်များ

Wakkagagerak 41:51

Ndaganake mbareegi, at Yutup nen ari logonet, “An nagalo-nogoba inom, nowe-nawot inom, an aaninggin kage nagagirak inom, nogoba Ala nen nomari agago paneegerak me,” yinuk, aput manggu ti endage Manate toongge,

Wakkagagerak 41:52

ndi, “An andi-pandi ee'nako menggam o yime logonet, naput yi ndakirak me,” yinuk, apuluk peebi ndareegerak nogo endage Eparayim aret toongge, eereegerak.

Wakkagagerak 46:20

at Yutup o Metit nogome wonage logonet, aap kugi unde Potipera awi Keliyopolit mendek apuluk kwe Atanat wagangge nagagerik, apuri Manate Eparayim imbirak ndaganabeegerak nogo inom,

Wakkagagerak 48:13

Ti eeke nagagerik, at Yutup nen apuri mbere nogo wogoren Iterali owagam nage nagagerik, awuluk Eparayim nogo Yutup eenggi abeme piganok, Iterali eenggi kwaare'me pege, ndi, oweeluk Manate nogo Yutup eenggi kwaare'me piganok, Iterali eenggi abeme pege, eereegerak kagak kwe,

Wakkagagerak 48:17

Oba pege mbareegi, Yakup eenggi abe'nggan paga Eparayim anobak paga wonage nogo Yutup kage nagagerik, eebi mbake logonet, ogoba eenggi at Eparayim anobak paga wonage nogo waganogo oweeluk Manate anobak paga puwak nduk,

Wakkagagerak 48:18

ogoba yoge logonet, “Koba wae! Togop lek o, nogoba. Manggu ndarak ti, Manate yi aret me, keenggi abe'nggan ti, waganogo at anobak paga tebenu o.”

Ndawi 110:1

Aliku ALA nen an nogoba yoge logonet, “It kinom wim mbanak mendek nogo Aan lebenogo kabu'me piiga'lek neegak, neenggi abe'nggan kwi'nari mok o,” Yinuk, yoreegerak o.

Ndawi 118:16

Aliku ALA eenggi abe'nggan paga, Aliku ALA eenggi omaawi paga, Mondok iya eerit nagaarak nogo tiyappogo ogoorik o.

Wundeegwaarak 15:6

Kaliku ALA keenggi abe'nggan ti, Omaawi abu iya lombok menggerak me, Kaliku ALA keenggi abe'nggan paga nen kawim yigirik-noonom eerogo piigendak o.

Linggineegwaarak 2:18

Oonegen kilu yi nage menggim pa'nggwe inawooliya wuppatinuk, logonuk, nogo logorak nogo ti, it Eparayim mendek inawuri lombok eerak ineebe empat puluh ribu lima ratus ineenggi lingginik me, aap Amikut aput Elitama inowe a'nuk, it Eparayim endage liiru mbanak eyo yinik mugurok inawooliya wuppatinuk, logonuk nogwe,

Linggineegwaarak 8:10

Yoramenggendak time kuwak eeri wogwe iinok, it aap Lewi mendek Naliku ALA nenggaanom paga wonogwe iigak, it aakumi Iterali nen ineenggi it inanobak tebembiyaawak nduk, yoraamunggun o.

Linggineegwaarak 8:18

Ndi, Iterali inapuri manggu ndarak abok aret inobaane'me aap Lewi mendek wogonabeegirak o.

Matiyut 16:18

Kat Peterut aret me, yugum ti paga an napuri kuwak eeppiinok, o pogom wukkolaminggirak me, kanggwi alom nen an napuri nogo tebenogo piyaagin mondok lek o.

Matiyut 19:13

Ti'nuk, it aakumi nen at Yetut elege-aabologwe eenggi inanobak tebembiinok, tamban eeginabuwak nduk, wogoret at owagam wogo mbareegwa, at oone waganggwi nen aakumi nogo mberirogogwaarak.

Matiyut 19:15

Yorage nagagerik, eenggi inanobak paga tebembiinok, o alik me nagagerak.

Matiyut 6:5

Wone ambinom yorage logonet, “It aap iniki laakot logonet, eekwi nogo nen, Aakumi inigen niyaawak o, yinuk, tamban eeko me-nggam inom, tu nggwok nandogon-kandogon paga inom, taati mi'ndak logonet, tamban eeriyak inikilom mbako mengga kwak, kit tamban togop eeko logogup o. It aap togop eekwi paga aakumi nen wiirogwe nogo, onggo ti aret kologo menggaarak o, yinuk, abet aret yokkiragi o.

Lukat 13:13

eenggi awo pigagangge kagak, kwe nogo amborowak koonnage mbareegi, Ala wogoppereegerak.

Lukat 4:40

Ti'nuk, oonegen kilu yi nage kagak, aakumi nen inoreewi kugi andi alitik-alitak kunik wonogogwaarak kenok, wogoret Yetut owagam piya wogogwaarak. Piya wogo mbareegwa, it abok aret at eenggi piginake logonet, obeelom eeginabeegerak.

Nappiigak 13:3

Yorage mbareegi, it abok aret mbi nengga'lek inambe mage negen logonet, inanobak ineenggi tebembiinok, tamban eeppiigo nogogwaarik, nappiyareegwaarak.

Nappiigak 6:6

leenogo piigo nogogwaarik, it nappiigak nogo inowagam piya wogo mbareegwa, inanobak tebembiinok tamban eeginabeegwaarak.

Pelaareegerak 34:9

Wonogogwaarik, at Muta nen at obaane'me mippuurak aap Nun aput Yotuwa nogo muk anobak tebeneegerak me, iniki warak lombok Ala nen wogoreegerak kenok, it aakumi Iterali mendek abok aret at Yotuwa oone mban liirogon konenggo logonet, at Aliku ALA nen it eeko logorak Muta yoreegerak nogo abok aret eeko nogogwaarak.

1 Timotiyut 4:14

Ala eyabu ambi eeke logonok nduk, it Ala apuri unde nogo nen kanobak tebenggo logonet, “Kat peebi togop eeke logomunggun o,” yinuk, nggwok paga aa'nduk unde eeppagareegwaarak nogo, kobak eerogo puurak ti mage o.

1 Timotiyut 5:22

Ala apuri unde logowak nduk, inanobak mbet-mbet tebeniyak mage o. It ambi maluk eekwi iinok, kat kinom nabenggoloorak ti mage mban o. Kat kiniki kikak naka'lek mondok alik leenak logot o.