Wakkagagerak 48:12 - Ala Wone Peenok Peebi Mbanak

¹² Yoge mbareegi, at Yutup nen wologwe nogo Yakup enaame nen tayoppiige nagagerik, Yakup abu'me ena nggween paga wandinik logonet, keyage wareegerak.

Wakkagagerak 48:12 ပူးပေါင်းရင်းမြစ်များ

Wakkagagerak 18:2

Nikka wage mbareegi, Abarakam uut pilarogon enegen pe'nage nagagerik, aap ineebe kenagan at owagam taati mi'ndak wonogwe iyareegerak. Iige nagagerik, awooliya tungga'nggi paga nen nggare agan inowagam iya nage nagagerik, inabu'me nggween paga enete wanduk wangge logonet keyage waganabeegerak.

Wakkagagerak 19:1

It aap Ala ayonggo malayikat mbere'ndak nogo, o kiip age kagak o Torom unggwi wogogwaarak. At Lot nogo o Torom tu unggwogo menggam kwi'ndak wonage me, it nogo unggwi wogwe enegen iige nagagerik, etenggen nggween paga wanduk wangge logonet, keyage wappiyareegerak.

Wakkagagerak 23:7

Ti yogo mbareegwa, at Abarakam nen mi'nage nagagerik, it aakumi Ket mendek o time menggaarak nogo inabu'me tebe yinuk,

Wakkagagerak 33:3

Eeppiige nagagerik, at Yakup nogo alik it inenaame aa'nduk ari nanuk, oweeluk Etawu owagam taati nen ne 7 paga ena nggween paga wu'nagak eeke logonet, keyage wareegerak.

Wakkagagerak 42:6

Ndi, o Metit nogome at Yutup nagawan indo wonage kagak, it aakumi time mendek abok aret nen mbato kunggolaagun nogwe iinok, at Yutup nen mbato wogoragak eeke wonage me, Yutup oreewi nogo mbi onggo mbanuwok nduk nogo nogogwaarik, at Yutup abu'me taati ina nggween paga wu'na'nuk, keyage wappereegwaarak.

Wakkagagerak 48:11

Inagandin eyak mbaninake nagagerik, Yutup yoge logonet, “An nen kat ketenggen ambinom keyaagin lek mbareegirak kwe, at Ala nen koonggerak paga kat ketenggen keege, kapuri yi kunduk nenegen iige, eeki o.”

Wakkagagerak 48:13

Ti eeke nagagerik, at Yutup nen apuri mbere nogo wogoren Iterali owagam nage nagagerik, awuluk Eparayim nogo Yutup eenggi abeme piganok, Iterali eenggi kwaare'me pege, ndi, oweeluk Manate nogo Yutup eenggi kwaare'me piganok, Iterali eenggi abeme pege, eereegerak kagak kwe,

1 Endagembogut 2:19

Yoge nagagerik, at Mbatiyeba nen Aroniya iniki mbareegerak nogo, yorikit nduk, aap endagembogut Talomo owagam ka nage mbareegi, aap endagembogut Talomo nen agalo keyage wappikit nduk, mi'nage nagagerik, abu'me etenggen wanduk yinuk, ayuk wureegerak. Ayuk wuppunuk, at aap endagembogut logonet wone lengganogo yorage menggim nogome kwi'na'nuk, kwi'nagak ambi eenggi abe'nggan pa'nggwe agalo kwi'nariyak ake, “Pi wa'nip o,” yoragagerak pi wogo mbareegwa, agalo nogo ti paga kwi'nagagerak.

2 Endagembogut 4:37

Yoge mbareegi, kwe nogo ko nogome unggwi wage nagagerik, Elita iyok abu'me ngginnari nanuk, ena nggween paga wanduk yinuk, ayuk wuke nagagerik, aagaluk nogo wonok wundi nagagerak.

Wundeegwaarak 20:12

Naliku an kinogoba Ala nen kinanggween wokkiraawam time logonet, li a'nuk kanggo logomunggup nduk, kinagalo-kinogoba inayuk wuko logonet, inoone liirogon konenggo logomunggup o.

Wundeegwaarak 34:8

Yoge mbareegi, at Muta mbet-mbet endobanggun yindumbunuk Ala alut eereegerak.

Kini Wuppiige 31:28

Aagalogwe nogo nen inagalo ti eerit nage kenok, inale'nggen at oba pugwi, Ndi, at ogonggelo kunduk, at tiyappege logonet,

Ala Unde 19:3

Naliku inogoba Ala an aret me, inalitak lombok nen inagalomini-inogobamini inayuk wukwi, ndi, nogo 6 yippunuk, ko'lu paga yonggonggologo logorak nake leenogo pateegirak nogo liirogon aret abekwi, eeko logowak o.

Ala Unde 19:32

Naliku ALA an aret me, aap inanggok iinok, inabu'me tebe yinuk inayuk wukwi, ndi, an inogoba Ala inagabiti nombakwi, eeko logowak o.

Epetut 6:1

Wologwe-komologwe yi wae. Kit Ala apuri aret me, kinagalomini-kinogobamini inoone yokkirogwe iinok, konembunuk eeko logorak nogo ti, Ala nen aret kooneegerak me, liirogon eeko logonip o.