Wakkagagerak 47:30 - Ala Wone Peenok Peebi Mbanak

³⁰ Ata, o Metit yime nen wokkeren kombomini-kogobamini nggween taambiyareegwam time aret taambagi nagin, yo'niru o.” Yoge mbareegi, at Yutup nen, “Yagandak nogo ndak-ndak aret eerigin o.”

Wakkagagerak 47:30 ပူးပေါင်းရင်းမြစ်များ

Wakkagagerak 15:15

Ndi, kat keebe perak, kiniki ugun obeelom aret li a'nuk kangge keenok, kombomini kambunuk kuwak ari nogogwam nggwogoba wonogome nogome iya nage keegak, kagabolo nggween taambagagun o.

Wakkagagerak 23:17

At Eporon yabu eeke menggim o Makepela o Mamere oonegen lagi wage menggim pa'nggwe wonage nogo nggween inom, ndo nendaarak inom, eyo kale yabu eeke menggim kuli paga wonage nogo inom, abok aret

Wakkagagerak 23:19

Wogogo mbareegwa, nggween Kanan o Keboron oonegen wundi wage menggim o Mamere pa'nggwe ndo nendaarak Makepela nogome aret Abarakam nen akwe Tara nogo mambereegerak.

Wakkagagerak 25:9

Ndi, at apuri Itak Itamayen imbirak nen at eebe nogo waganogo at Abarakam nen aakumi Ket mendek inanggween onggo mbaneegim aap Tokat aput Ket mendek endage Eporon o Mamere korotok eyabu yarak me ndo endage Makepela akwe Tara mambereegwam nogome aret imbirak mambereegwaarak.

Wakkagagerak 35:29

at eebe abu anggok li a'nuk, kangge nagagerik, ombomini aa'nduk kambunuk nogogwaarak nggwogoba wonogwe me iya nage kagak, agabolo nogo at apurilogwe Etawu Yakup imbirak nen nggween taambereegwaarak.

Wakkagagerak 50:25

Yorage nagagerik, ambinom yorage logonet, “An kangge neenok, Ala nen liirogon aret wokkiren wundi nagin me, wokkiren nage ti eyom paga an nowak nenenak kit Iterali apuri yi, abet aret wonok noorak mbarikit nduk, kumbuk mbanogo yo'ninip o.” Yorage mbareegi, “Wonok nagun aret o,” yinuk, kumbuk mbaneegwaarak.

2 Tamuwen 19:37

An kayeloman nagalo-nogoba nggween taambiyareegwam name aret kambikit nduk, nage neegak, aap Kimakan yi, kayeloman a'nuk, nowe kendagembogut kimbirak nak o. Nage logomenggendik, at eeppuurak mbake nogo aret eeppege logomunggun o.”

2 Tamuwen 2:32

Ti'nuk, at Yowap awuri inom nen Atayen eebe warak nogo ogoba nggween taambereegwam owak paga o Mbe'lekem nogome taambereegwaarak. Taambogo nogogwaarik, oonikiya paga wogwe mban iigak, o Keboron unggwi wogo mbareegwa, o aret weereegerak.

Nekemiya 2:3

Nagabiti mbake nagagirik, aap endagembogut yoge logonet, “Kendage mondok-mondok ki aret logogin o. An nombomini inowak paga inawi kota nogo yinik-minik aago wonage, ndi, pak ambe mbanak tungga kani nen abok aret nengge, eekerak kagak, an nonggop togon nenete ogum lek eya logorak mbaken?”

Nekemiya 2:5

aap endagembogut nogo yoge logonet, “Kat kendagembogut nen an kayeloman yi, nombomini kambeegwaarak piya unggwogogwam o Yekura kota Yerutalem obaane'me wuriyak op aret mbake, ndi, At nen aret wuri nagin, nombake, eeke keenok, an aret nappanu o.”

Pelaareegerak 31:16

Muta yoge logonet, “Kat kombomini kambunuk nogogwam nggwogoba wonogwe me, kinom tat yonggonggolage logonok nduk, namunggun me, kwe ambi ogonggelo mbo punuk, aap alik kwaarit nege menggi kwak, it aakumi yi, an mbo panugo logonet, ninom wone abuk nggaruk togon koonogo pereegurak nogo taganogo punuk, o it logowam time an nalut eekwi nobaane'me aakumi time wonogwe inagugi ayuk wuko logonet, eerit nogo logogun o.