Wakkagagerak 47:27 - Ala Wone Peenok Peebi Mbanak

²⁷ It Iterali mendek nogo o Metit nggween ambi taganak o Nggoten nogome ye mbanggologo nogogwaarik, inanggween kunggologwe, inaaganapuri ambik aret ndaganabit nogwe, eeko logonet, inanebunu nggwok aret wigannogogwaarak.

Wakkagagerak 47:27 ပူးပေါင်းရင်းမြစ်များ

Wakkagagerak 13:16

Yoge nagagerik, “Mbini kale'ngga lingginiyak op nen lingginogo kapuri ndaganaburak ti, ndak-ndak wokkirigin, yokkiriyak kwe, lingginiyak meek me, Mbini kale'ngga lingginiyak meek ti kokwak aret wokkirigin o, yinuk, yokkigi o.

Wakkagagerak 17:6

Kat kombowologwe ambik eerogo wokkege, yi aakumi ndi aakumi inanebunu lombok inombo agago pagage, kat paga wiganak nen yi aap ndi aap inendagembogut eerogo piige, eerigin o, yinuk, wone abuk nggaruk togon mbaneegurak nogo aret yokkigi o.”

Wakkagagerak 26:4

An nen kat kapuri-kombowologwe ti, laaluguragan mbogut paga ambik wonage ti pogom, ambik agago wokkege, ndi, o yime taganak abok aret it unde eeppunuk logowak nduk, wogorage, eerigin o. At Abarakam nogo nen an wone ari minggirak inom, Yogop ee'nu ndogop ee'nu, wone yugu inom, wone lengganak inom, Yogop eeriyak ndogop eeriyak mage wone yugu inom, mondok liippunuk, yanggonak mban eeke nagagerak me, kit ndak-ndak eekwi paga it yi aakumi ndi aakumi o nggween paga yime menggaarak abok aret inale'nggen mbako logogun o,” yoreegerak.

Wakkagagerak 28:14

Kat kapuri ndappiyamenggendak kinom nggween ameneno ambik lombok ti ndak-ndak wigannarit nogo logonet, o aru-ogwe, agi-ogu time abok aret ndak wa'narit nogwe kiigak, yi aakumi ndi aakumi o nggween paga wonogwe yi abok aret kat inom, kapuri wigannaremenggaarak inom, it nogo paga inale'nggen kogo logogun o.

Wakkagagerak 34:10

Kit ninom ninenggela'me o yime logorak op aret me, kit nen mban o ambi miikkologo logomonggotik, ye mbambunuk, logonip o. O yime ninom logonet, kiniki ugun nugwi, nggween ambi wonage kenok, ugun unde eekkolage, eeko logorak op aret o.”

Wakkagagerak 35:11

ti'nuk, ne ambi paga Ala nen at yoge logonet, “Omaawi Lombok Menggerak Ala an aret me, kapuri-kombowologwe ambik wigak yuwak nduk, ndaganabit nage logomunggun o. Kat paga nen kanebunu nggwok aret wiganogo piyamenggendak paga nen yi aakumi ndi aakumi inanebunu alik mendek ambik aret wigannarugun o. Kat keebe ambit paga nen mban yi aap ndi aap inendagembogut aret arugun o.

Wakkagagerak 46:3

Yoge mbareegi, Ala nen, “Kat kogoba ogoba Ala nogo an aret o. Kat o Metit namenggendak time keegak, kapuri wokkiriminggirak paga kanebunu nggwok aret wiganugun me, kat nen o Metit noorak kagabiti mbarugun o.

Wakkagagerak 47:11

Ndi, at Yutup nogo Pirawun yoreegerak nogo ndak-ndak ogoba inom, owe-awot inom, o Metit paga ye mbanggolaawak nduk, nggween abu obeelom lombok o Araametet nogome aret piyareegerak.

Wakkagagerak 8:7

towe ya'ngge-ya'ngge ambi wumbereegerak wiganinuk nege aret kagak, niyo nogo awo aret poro agan wangge nagagerak.

Wakkagagerak 8:9

Wumbereegerak wiga agan nereegi-nereegi niyo nogo awo porok yaga'lek kenok, “Nano paga nagabubok?” mbareegi, iyok paga yungguninuk, “Unggwi wora,” nduk, wiga agan tungga paga ari wage mbareegi, at Nu nen eenggi wumbege nagagerik, pigogo mambereegerak.

Nekemiya 9:23

It inapuri ti, laaluguragan mbogut paga menggi kwak eerogo piige, inombomini yorage logonet, Unggwi nogo logomonggotik, unde eeppatinuk, logomunggup o, yoragaginom nogome piya wage, eereegindak o.

Ndawi 105:24

Wonage kagak, at Aliku ALA nen at apuri nggwok lombok wiganogo piige, It inawim nogo inomaawi lek negen iigak, It inomaawi ambik eerogo piige,

Ndawi 107:38

Eekwi iigak, at ale'nggen inoba piige, Ineebe ambik wiganogo piige, Inaanggumi kunduk lek aga'lek ambik eerogo piige, Eereegerak.

Wundeegwaarak 1:12

Ndi, it aakumi Iterali ineebe wigak yukwak nduk aaninggin-paaninggin togop aret inoba piigaatak kwe, kagak aret, wiganit nogo logonet, ineebe ambik lombok ogo mbareegwa, it Metit mendek nogo inagabiti ambik ogogwaarak.

Takariya 10:8

An abet aret wondet eerogo piyaagin o. Wondet eerogo piige logominggirik, Woraawak nduk neenggi walok yorage, kuwak eerogo piige, Eeke neenok, It aa'nduk wonogogwa kwak, ineebe ambik lombok arugun o.

Nappiigak 7:17

Ti'nuk, Ala nen Abarakam wone abuk nggaruk togon yoreegerak nogo eeriyak eyom koorok panggo yi wage kagak, nit ninombomini nogo o Metit time logonet, ambik wigannogogwaarak.

Pelaareegerak 10:22

O maan kit kinombomini ineebe we 70 iluk aret o Metit nogogwaarak kwe, yogondak perak, at Aliku kinogoba Ala nen kineebe laaluguragan mbogut paga wonage ti kokwak agago pinagagerak wonage o,” yinuk, yoragagerak.

Pelaareegerak 26:5

Pi nage kenok, kit nen at Aliku kinogoba Ala enggaanom paga wone yogop aret yumunggup o. O maan togon it aakumi Aram mendek ninogoba ambi yaluk-ndaluk agan nege nagagerik, apuri we mbuuluk mban inom o Metit ari nanuk, aap nggiru negen wonogo logonet, inanebunu nggwok lombok wigak yogo nogogwaarik, inomaawi ambik ineebe ambik lombok ogogwaarak.