Wakkagagerak 47:23 - Ala Wone Peenok Peebi Mbanak

²³ Abok aret ineebe inom, inanggween inom, onggo pege nagagerik, at Yutup nen it aakumi nogome yorage logonet, “An yogondak yi paga kit kineebe inom, kinanggween inom abok aret onggo mbanogo Pirawun wogogirak me, yi mendek ndi mendek awi yi, kineyabume yarit nabagip nduk, tumbukkiragi o.

Wakkagagerak 47:23 ပူးပေါင်းရင်းမြစ်များ

Wakkagagerak 41:27

Ndi, tapi inamborowak ko aago abu maluk ineebe 7 peebi wundi wogwe iigendak nogo inom, mbato anggen lik anggen lek 7 yugu o wiya oonegen wundi wage menggim pa'nggwe nen warit wage logonet, mondok teebat eerogo pegerak negen kagandak ti, tahun 7 paga mbi noogelo ariyak aret kagandak o.

Wakkagagerak 45:6

O yime mbi noogelo agaarak kagak, tahun mbere muk eekerak kwe, tahun 5 ambinom eeke kagak, it aakumi nen yabu waganggwi, mbi ndakwi, eerugun mondok lek aret o.

Wakkagagerak 47:22

It aap Metit mendek inanggween nogo abok aret aap Pirawun unde eekkolagagerak kwe, it aap kugi eeka perak, at Pirawun nen mbato wogoragak eeriyak kooneegerak paga op nunggwi me, inanggween paga mbato kunggwi, ndi, Yutup nen inanggween kolage, eeka'lek aret wonagagerak.

Wakkagagerak 47:24

Yi mendek ndi mendek awi yi, yappogo logomonggotik, abu kole age kenok, yum ambiret yonggologo Pirawun wogori wogwe, ndi, yum 4 yonggolak ti, ando awi pogo logonet, ando kit kinakuwi-kinapurilogwe inom, kiname kinom monggotak inom, abok aret nunggwi, eeko logonip o.”

Ndawi 112:5

Aap ambi iniki ndoobu wonage, “Namendek luulu porogo logonip o,” yinuk, wogorage, Yi eekak ndi eekak eerit nage logonet, ndak-ndak aret kolage, Eeke menggerak nogo Ale'nggen aret wonage logogin o.

Ndawi 41:1

Aap ambi nen Aakumi lebenak mendek enegen wogonake kenok, Ale'nggen mbake logogin o. Aaninggin oba age eyom paga At Aliku ALA nen agap ndarigin o.

Kini Wuppiige 11:26

Aap ambi nen mbi kungga'lek teppake kenok, aakumi nen at kugi pulunogo pogo menggaarak kwe, Kungge kenok perak, aakumi inale'nggen at oba pogo menggaarak.

Kini Wuppiige 12:11

Aap ambi anggween mban eebi-eeba eerit nega ti, ambi ndonggorogon nengge menggerak kwe, Aap ambi, “Yogop kwak kolaane,” mbake nogo mban mugurok nage kenok, aap ti, iniki lek yuundurak aret wonage menggerak.

Kini Wuppiige 13:23

Aap ineenggi lek inanggween we wonage nogo ti, mbi-mbiingga kunik aret logorak kwe, It aap a'me nggelok eeppiigulik nen, “Yabu eerugup o,” yogwe paga yarak lek aret wonage menggerak.

Wone Alom Kibingga 11:6

Iri'ngga yumbunemenggendak nogo, “Ambi ti, op arigin,” ilik, “Ambi ti op arigin a?” Ilik, “Imbirak aret obeelom aremenggi a?” nogo ti, kat keenggo'lek me, O kubondendok paga yi mendek ndi mendek awi yumbunit nage, ndi, o kiyoma kunduk, keenggi awiirak puk wonaga'lek eerit nage, Eeke logot o.

Yetaya 55:10

O mayu inom, ndugu-ndugu inom, mbogut paga nen wambi wage nagaatik, nggween miin eerogo pit nage, Yabu yarak mili eerogo pege, Awi yarak mbilambunuk, abe lagawak nduk amburu eeppege, Eeke logonet, Aap awi yaka nogo awi peebi yariyak mbanggolaawak nduk, eeppege, It aap mbi noorak mbakwi nogo inambi ndarogo nawak nduk, eeppiige, Eeke nagaatik, Ti'nuk, iyokan yungguninuk lagangge menggi kwak,

Matiyut 24:45

Wone ambinom yorage logonet, “Ti kenok, aap nggwok ayeloman ambi nen at ogoba apuri inarum logonet, inambi noorak wogorage logowak nduk, mippereegerak iniki warak yabu li'lak eeke menggerak nogo ta o?

2 Korindut 9:10

It aap awi yaka nen yaruwak nduk awi pipuk eerogo pege, ndi, mbi eebe ndaruwak nduk kole eerogo pege, eeke menggerak Ala nogo nen kit kunduk, aakumi yeenggwaaroorak nduk, awi negen pipuk agago nggwok aret wokkirage, ndi, mbi eebe ndaruwok nduk, kole eerogo pege menggi kwak, aakumi inabuwa nen wogorogwe kiinok, Ala nen nggwok aret wokkirage, eeke logogin o.