Wakkagagerak 47:19 - Ala Wone Peenok Peebi Mbanak

¹⁹ kat keebe wonage keegak, ninanggween mbuk age, nineebe kanggwi, eerukwak me, mbato wo'niroorak onggo nineebe inom, ninanggween inom, kunninabu o. Kunninake keenok, nineebe inom, ninanggween inom, Pirawun unde aremenggerak me, nit nineebe kangga'lek nineenik wonogwe, ndi, ninanggween mbuk aga'lek ki wonage, eeruwak nduk, yi mendek ndi mendek awi wo'niret o,” yogo nogogwaarak.

Wakkagagerak 47:19 ပူးပေါင်းရင်းမြစ်များ

Wakkagagerak 41:36

It mbato warogo mambi woramenggaarak nogo ti, tahun 7 peebi ambi ari wage paga, o Metit yime mbi noogelo nggwok age logonet, aakumi mbi abu nen kambit nogwe iyo, inake pipuk eerogo pogo logowak nduk, yagi o,” yinuk, yoreegerak.

Wakkagagerak 47:15

It aakumi Metit mendek inom, Kanan mendek inom, inawu abok tigitogon lek age mbareegi, it aakumi Metit mendek abok aret Yutup owagam kuwak ari wogo nogogwaarik, yogo logonet, “Ninawu abok aret wokkogo logonet, lek agaarak me, kat kenegen keegak kambukwak me, mbato ti aret wo'niret o.”

Wakkagagerak 47:18

Tahun ti eeppunuk, ambi ari wage mbareegi, it aakumi abok aret Yutup owagam kuwak eeko nogogwaarik, yogo logonet, “Ninogoba kenggaanom paga kin paganogo yokkiruwi o. Nit yogondak perak, ninawu nogo abu lek age, ninaanggumi abok aret kat unde eekkolage, eekendak me, we nineebe inom, ninanggween inom, ti mban kat wokkiriyak agaarak me,

Wakkagagerak 47:20

Ti eyom paga mbi noogelo abunuk nggwok lombok age mbareegi, it aakumi o Metit mendek abok aret inalitik-inalitak mbato onggo inanggween nogo Yutup wogogo mbareegwa, at Yutup nen Pirawun wogogak eeke paga nggween o Metit nogo abok aret Pirawun mban unde agagerak.

Ayup 2:4

Yoge mbareegi, Tile nen Aliku ALA yoge logonet, “Neebe ili o. Neenggi wonage o, yinuk, yogo menggaarak me, ineebe inooriyak eekwi iinok, inamendek abok aret kabelogo wogorogo menggaarak o.

Leendawi 1:11

At aagalogwe time menggaarak abok nen mbi kwaarit nugu logonet, “Ai-ao,” yogwe, Kangga'lek ineenik logowok nduk inamendek onggo iya mendek paga mbi kunggologwe, Eeko agaarik o. Eekwi me, “Kaliku ALA wae. Aakumi nen, Ogole o, yinuk, yo'nugwi yi, kenegen pe'neege, liippanege, Eeke logot o.” Yinuk, yoge agaarik o.

Leendawi 5:6

Ninambi ndak noorak wo'niraawak nduk, aakumi Metit mendek nineenggi ndek yorogwe, Aakumi Atiyut mendek nggino yorogwe, Eereegurak o.

Leendawi 5:9

O karume time wooluwak mban mik-kwit aago wonage me, “Ninoorugun ilik?” mbako logonet, ninambi kwaakko'net wundi nogo monggoorak o.

Matiyut 16:26

Kit yi awi ndi awi abok aret unde eekkologo logomonggotik, kineebe kobak arumonggotak kenok, ti paga nano eekkoloorak nduk agan nogo logomunggup mbakop? Kineebe kobak arumonggotak kenok, obaane'me nano patiyak?