Wakkagagerak 47:13 - Ala Wone Peenok Peebi Mbanak

¹³ Mbi noogelo mondok nggwok iya negen age logonet, yi awi ndi awi abok nunggwi mendek abu lek arit nagagerak me, it aakumi Metit mendek inom, Kanan mendek inom, mbi abu nen ineebe inomanggen lek abu ndeyak eerogo piinet wagagerak.

Wakkagagerak 47:13 ပူးပေါင်းရင်းမြစ်များ

Wakkagagerak 41:36

It mbato warogo mambi woramenggaarak nogo ti, tahun 7 peebi ambi ari wage paga, o Metit yime mbi noogelo nggwok age logonet, aakumi mbi abu nen kambit nogwe iyo, inake pipuk eerogo pogo logowak nduk, yagi o,” yinuk, yoreegerak.

1 Endagembogut 18:5

Togop eeke me, Akap nen Obaya wiireegerak wage mbareegi, yoge logonet, “Nit ninaanggumi kuda inom, kuda kwak bagal inom, wonogwe yi, mbi abu nen nit warogo noorak age kero, ineenik logowak nduk, niyo ambet paga inom, niyo eneerime inom, iri'ngga mili wonage kero, o yime ninigen yomboonit nugu logowoko.”

Yeremiya 9:12

Aap iniki warak ta nen wone ti, liippege, ta nen Aliku ALA oone ari waganeegerak me, “Wone ti, ndogop o,” yinuk, yo'nirage, eeriyak op mbakop? O nggween yi maluk eerogo pege, o karu nggween mbuk aago kenok aakumi time noorak meek menggi kwak eerogo pege, eereegerak ti, nonggop nduk?

Leendawi 4:9

It mbi abu nen kanggwi ti, Ineyabu yarak lek kenok, mbi abu nen yagan wako logonet, ineebe mbuuluk eerogo piige menggerak me, Wooluwak paga inoorak kanggwi ti, op aret kwe, mbi abu nen kanggwi ti perak, mondok aaninggin aret o!

Nappiigak 7:11

Mippereegerak wonage me, o Metit yi awi ndi awi time inom, o Kanan inom, mbi noogelo nen ineebenuwak ko eerogo piinet nage mbareegi, it aap ninombomini nogo nen mbi kwaareegwaarak mendek, abu lek mbareegi,