Wakkagagerak 47:12 - Ala Wone Peenok Peebi Mbanak

¹² Piige nagagerik, at ogoba inom, owe-awot inom, inakuwi-inapurilogwe inom, inambi nonggo logorak nduk, ineebe wonogwe ndak-ndak aret lingginogo wogorage nagagerak.

Wakkagagerak 47:12 ပူးပေါင်းရင်းမြစ်များ

Wakkagagerak 45:7

Togop me, kit kinapuri wiganak nogo mbuk arukwak kinanobak ki eeke, ndi, Mbi abu nen kanggwi niyo, eeke yi, Wi, mbakwi kiigak kinagap ndake, eerikit nduk, at Ala nen wo'neren naa'nduk o yime pani wagagerak o.

Wakkagagerak 47:1

Yorage nagagerik, at Yutup nen at oweewi ineebe 5 mban wogoren Pirawun wonage me nage nagagerik, yoge logonet, “Nogoba inom, nowe-nawot inom, inaanggumi kambin-ndomba inom, lembu-tapi inom, inamindik-inamendek abok aret o Kanan nen wonok wogo nagaarik, o Nggoten time wonogwe iigak, noreewi ando yi mban pekkeyaawak nduk, wogoren wagi o.”

Wakkagagerak 47:21

Ti eereegerak paga at Yutup nen yi aakumi ndi aakumi o Metit menggaarak irip aru-ogwe, agi-ogu abok aret ayeloman agago piyareegerak.

Wakkagagerak 47:24

Yi mendek ndi mendek awi yi, yappogo logomonggotik, abu kole age kenok, yum ambiret yonggologo Pirawun wogori wogwe, ndi, yum 4 yonggolak ti, ando awi pogo logonet, ando kit kinakuwi-kinapurilogwe inom, kiname kinom monggotak inom, abok aret nunggwi, eeko logonip o.”

Wakkagagerak 50:21

Togop me, kit kineebe inom, kit kinapurilogwe inom, an nen aret liirogon unde wokkinake logogin me, kinagabiti ariyak abu mage o,” yinuk, at Yutup oone yanggorogon iniki eyak wappiyareegerak paga oweewi iniki piirik wonogwe nogo lek agagerak.

Wundeegwaarak 20:12

Naliku an kinogoba Ala nen kinanggween wokkiraawam time logonet, li a'nuk kanggo logomunggup nduk, kinagalo-kinogoba inayuk wuko logonet, inoone liirogon konenggo logomunggup o.

Yetaya 22:24

Togolowak mbuulogwe ndeyak mendek kwak, togolowak kole omaawi mendek kwak, it at paga wiganak inom, at paga awi mbilanak inom, abok aret at paga mban panggonak wonogwe nogo paga inendage tiyanak logogun o,” yinuk, yegerak o.

1 Timotiyut 4:8

Nineebe omaawi eeriyak wakkagak eekwi paga nineebe ninomaawi ee'ninake ti, we mbuuluk op ee'ninaburak nduk eeko monggoorak kwe, Ala wone yugu ndak-ndak eeruwok nduk, wakkagak eekwi niinok perak, Ala nen yogondak inom, peebi inom, ee'ninaburak nineenu me, mondok nggwok togon obeelom ee'ninaburak nduk, eeko monggoorak kogo o.

1 Timotiyut 5:4

Kumi togwe inaagalogwe-inowowologwe wonogwe iinok perak, it nogo nen Ala wone ndak-ndak eeruwak nduk, inagalomini- inowogolomini it inaa'nduk yeenggwaarogo logowak o. It inagalomini-inowogolomini nen inaagalogwe-inowowologwe ndegengginako nogogwaarak nogo onggo yogondak it togop aret ndegeninako logowak o. Togop eekwi iinok, Ala inikilom mbake menggerak.

1 Timotiyut 5:8

Aap ambit-ambi at owe-awot ndegeninakeelik ti, maluk aret kwe, at apuri lombok ndegeninaka'lek kenok perak, it aakumi abet mbaka'lek mendek ti, we maluk mbuuluk negen kwe, aap ti perak, maluk mondok nggwok aret eeke menggerak o. At abet mbareegerak nogo ti, mbo pereegerak aret wonage o.

Urut 4:15

Kaagalogwe 7 ndarak wonage nen iya mbariyak kwe, meek o. Keenggelo kabuwa mbake logonet, iniki kunik eekkake nogo nen kowooluk ambi ndakerak me, yogondak ale'nggen eeppagage, ndi, kwe kanggok age keegak, ndegenggake, eeke logogin me, iya o.”