Wakkagagerak 46:32 - Ala Wone Peenok Peebi Mbanak

³² Ndi, it ineyabu ti, kambin-ndomba ndegeninako menggaarak me, wogo logonet, it inaanggumi ndomba-tapi inom, inamindik-inamendek inom, abok aret wogoren wagaarak o Nggoten wonogwe o, yinuk, Pirawun yori nage mbariminggi,

Wakkagagerak 46:32 ပူးပေါင်းရင်းမြစ်များ

Wakkagagerak 47:3

Yoge mbareegi, at Pirawun nen Yutup oweewi nogo yorage logonet, “Kit kineyabu nano eeko monggotak?” Yorage mbareegi, it nen, “Nit kayeloman mini yi, ninombomini nen wande'me aret kambin-ndomba unde monggoorak o.”

Takariya 13:5

Inalitak nen yogo logonet, An ti, wulaga mbuuluk paga nen nanggween paga yabu eeppunuk, nawu nukkolage minggirak me, an Ala nen yorage kagak yoraga nogo mendek lek o. An yabu eeka aret o, yinuk, yogo logogun o.

Yetaya 40:11

Aap ambi andomba ndegeninake menggi kwak andomba ndegeninake, Ndomba aagalogwe waganogo ogome wogonake, Wogoren nage logonet, aagalogwe inelak kuninake kagak toriige, Eeke agaarik o.

1 Endagembogut 9:27

Ndi, at Kiram apuri nogo ti, laut paga yiiro wonok nugwi ineenu me, at Talomo apuri yi yiiro ndi yiiro wonok nogwe iinok, inom wonok nawok nduk, at Kiram nen apuri nappiya wage mbareegi, wogo nogogwaarik,

1 Tamuwen 17:15

at Ndawut nogo ogoba aanggumi ndomba ndegeninake logowak nduk, ogoba Tawun wonage me nen, o Mbe'lekem nagak eeke nagagerak.

Wundeegwaarak 3:1

At Muta nogo nen at aru Ala unde o Miriyan mendek Yitoro nogo, aanggumi kambin-ndomba ndegeninake wonagagerak me, ne ambi paga kambin-ndomba nogo wogoren karume enebaga Ala abuut endage Korep nogome aret wagagerak.

Wakkagagerak 46:34

kit nen, Nit ninombomini nen wande'me kambin-ndomba ndegeninako monggoorak o, yogwi kiinok, it aap Metit mendek nen ndomba unde logorak ineebi mbako menggaarak me, o Nggoten time logorak, E, yuwak nduk, yori nagin o,” yinuk, yoragagerak.

Wakkagagerak 37:2

Wonage logonet, apurilogwe inom eerit nogo nogogwaarak wone yi aret. Yutup nogo wulaga awo tawe tahun 17 ari nagagerak kagak, Yakup akuwi mbere Mbilaka Tilapa imbirak inaagalogwe wologwe nogo inom inogoba aanggumi kambin-ndomba ndegeninako logonet, oweewi nogo maluk eekwi iinok, Yutup nen wone wonok ogoba yori wagagerak.

Wakkagagerak 9:20

At Nu nogo ti, yabu eeka wonagagerak me, yabu eeke logonet, aa'nduk togon anggur awi yake nagagerak nogo at aret.

Wakkagagerak 4:2

Ti'nuk, kwe Kawa nogo peebi abila age nagagerik, awuluk Kaben aret ndareegerak. At Kaben nogo ndomba unde wonagagerak, ndi, at oweeluk Kayin nogo yabu eeka wonagagerak.

1 Tamuwen 16:11

Yoge nagagerik, Itayi ambinom yoge logonet, “Kat kapurilogwe aap ndarak nogo, yi abok aret ilik, ambi wonage a?” Yoge mbareegi, at Itayi nen wone onggo yoge logonet, “Ambiret enabooluk ndarak wonage kwe, ndomba ndegeninake wonage o.” Yoge mbareegi, at Tamuwen nen, “At waga'lek kagak, nit mbi nagun lek me, woraawak nduk, wiiru o,” yoreegerak.

Wakkagagerak 46:31

Yoge mbareegi, ti'nuk, at Yutup nen oweewi inom, awuluk inom, at ogoba ame menggaarak inom, yorage logonet, “Nagalo-nogoba inom, nowe-nawot inom, o Kanan wonagaarak nogo muk neya wagaarak wonogwe o.

Wakkagagerak 46:33

at Pirawun nen wiigiramenggerak ka nogwe kiinok, yokkirage logonet, Kit yabu nano eeko monggotak o? yinuk, kin wokkiige kenok,