Wakkagagerak 46:12 - Ala Wone Peenok Peebi Mbanak

¹² Yekura, at apuri Et Onan imbirak o Kanan kambeegwaarak iigak, apuri ando Tiyela, Peret, Tera, at Yekura nogo inom, Peret apuri Ketoron Kamun imbirak inom,

Wakkagagerak 46:12 ပူးပေါင်းရင်းမြစ်များ

Wakkagagerak 29:35

Ti'nuk, at Leya nogo ambinom abila a'nuk, aagaluk wulaga ambi aret ndake nagagerik, ari logonet, “Naagaluk yogondak ndakirak yi paga nen perak, at Aliku ALA mban wogoppege logogin o,” ari nagagerik, wulaga nogo endage Yekura tooneegerak. Toongge nagagerik, wonage logonet, ne ti eyom paga ambi ndaganabulik puk aret agagerak.

Wakkagagerak 38:10

Ndi, at Onan eereegerak nogo ti, Ala nen maluk aret kage nagagerik, wareegerak.

Wakkagagerak 38:4

Ti'nuk peebi kwe nogo abila age nagagerik, aagaluk wulaga ndappunuk, endage Onan tooneegerak.

Wakkagagerak 38:5

Ti'nuk peebi, at Yekura o Ketip nagagerak kagak, aagaluk wulaga alik ambi ndake nagagerik, endage Tiyela tooneegerak.

Wakkagagerak 38:7

Wogoreegerak kwe, Yekura aput manggu Et nogo ti, Ala enggaanom paga maluk ambik eerit nage mbareegi, Ala nen wareegerak.

Wakkagagerak 46:11

Lewi, at apuri Nggeroton, Kekat, Merari inom,

Wakkagagerak 46:13

Itakat, at apuri Tola, Puwa, Ayup, Timoron inom,

1 Mbinineegwaarak 2:1

At Iterali apuri aap ndaganabeegerak nogo ti, Uruben, Timeyon, Lewi, Yekura, Itakat, Tebulon,

1 Mbinineegwaarak 3:1

Ndawut o Keboron logonet, apuri aap ambo'me-ambo'me ndaganabeegerak nogo inendage yi o. Apuluk manggu ndarak ti, kwe Yiteren mendek endage Akinowam aagaluk aap Amonon aret. Ambokan ndarak ti, kwe Karemen mendek Abigayin aagaluk aap Ndaniyen aret.

1 Mbinineegwaarak 4:1

At Yekura paga wigannarit wundi wogogwaarak nogo ti, Yekura aput aap Peret nen Ketoron ndake, Ketoron nen Karimi ndake, Karimi nen Kut ndake, Kut nen Tiyoban ndake, eereegwaarak ti aret.

1 Mbinineegwaarak 4:21

At Yekura aput Tela paga nen aap ndaganabeegerak nogo ti, Leka ogoba Et inom, Mareta ogoba Lara inom, ti aret. At paga wiganak ti, it aakumi ligi yawenak paga yum yogo menggaarak o Mbet-Atibeya wonogwe inom,

1 Mbinineegwaarak 5:2

Ndi, at Yekura oreewi iigak, at iya negen wonage, ombowologwe wiganak paga aap ambi endagembogut nda'nage, eereegwaarak kwe, at Yekura oba kilirogo puulik. Manggu ndarak kenok inawoneninu kilirirogwe nogo, at Yutup oba kilirogo pereegerak.

1 Mbinineegwaarak 9:4

At Yekura aput Peret paga nen wiganak Mbani nogo nen aput Imiri ndake, Imiri nen aput Omiri ndake, Omiri nen aput Amikut ndake, Amikut nen aput Utayi ndake, eereegwaarak me, at Utiya nogo wage,

1 Mbinineegwaarak 9:6

it Tera mendek Yeyuwen wage, eereegwaarak me, it Yekura mendek wa'nuk, o Yerutalem wonogogwaarak ineebe ineenggi lingginik ti, enam ratus sembilan puluh aret.

Nekemiya 11:24

At Yekura aput Tera apuri wiganak mendek Metetaben aput Petaya nogo, it aakumi abok aret inake kooninake logowak nduk, aap endagembogut nen mippereegerak.

Ndawi 78:68

Eeke logonet kwe, Anebunu Yekura mendek perak, miikkolage, Puut Tiyon iniki kunik eereegerak nogo leenogo pake,

Linggineegwaarak 1:7

Anebunu Yekura mendek ti, aap Aminarap aput Nakaton mippugwi,

Pelaareegerak 33:7

Ndi, it inanebunu Yekura mendek nen eeko logorak wone yoge logonet, “Kaliku nogoba ALA wae. It Yekura mendek nen, nit ninanebunu mendek ando ninom ambit agago lambunogo pinani mok o, yinuk, Nggino yokkugwi yi, karuk konenu o. Inawim inom wim eekwi iigak, tebenogo piyookwak, yeenggwaarage logot o, nogoba,” yinuk, yoge,

Iberani 7:14

At ninowe ti, anebunu Yekura mendek nit abok nineenu o. Ndi, Muta nen, “Peebi aap Yekura mendek ambi Ala unde logogin o,” yinuk, ti yuulik kwe,

Wayu 5:5

Awo le ari wonage me, mbogut paga wonogwe inoweewi nogo ambi nen an yo'nege logonet, “Le ari mage o. Eyo ambi agarip lagangge menggi kwak, anebunu Yekura nen Ndawut ombooluk nggeewo singa pogom nda'nagagerak nogo, eegin tiyak yereegerak me, at nen mbuku pirik-perek eerogo keele 7 maarak nogo, piinogo wondekkoorak op me, wondekka wage kaamunggun o.”

Owak Loongga 1:2

Yogo mbareegwa, at Aliku ALA nen yorage logonet, “It aakumi Kanan mendek inanggween ti, it inanebunu Yekura nogo muk wogoragagirak me, it inaa'nduk aret nawak o,” yinuk, yoragagerak.

Urut 4:12

Kwe Tamat nen aap Yekura obaane'me Peret ndareegerak paga nen ineebe nggwok wigak yereegwaarak nogo ndak-ndak, at Aliku ALA nen kwe tawe yi paga nen kapuri togop aret wokkiruwak o,” yinuk, yoreegwaarak.