Wakkagagerak 45:5 - Ala Wone Peenok Peebi Mbanak

⁵ Kit nen an nonggo nggerennabunuk, nappani wogogutak kwe, yi aakumi ndi aakumi inagap ndaruwak nduk, at Ala nen iniki kooneegerak paga naa'nduk wo'neren o yime pani wagagerak me, Ninela nen eereegu, yinuk, kiniki wakkolaagup o.

Wakkagagerak 45:5 ပူးပေါင်းရင်းမြစ်များ

Wakkagagerak 37:28

“Op aret o,” yinuk, wonogwe me, it aap Miriyan mendek yi mendek ndi mendek kungga nogo wogo mbareegwa, at Yutup mbuun me wonage nogo oweewi nen nippi wogo nogogwaarik, aap Itamayen mendek nogo wogorogo mbareegwa, onggo wu mbuti perak 20 wogorogo nogogwaarik, Yutup wonok o Metit nogogwaarak.

Wakkagagerak 47:25

Yorage mbareegi, it abok nen yogo logonet, “Nit kambuurak aret kwe, ninogoba kat ninabuwa nen ninagap nda'ninakendak me, at Pirawun ayeloman logorak ti, op mban aret o,” yoreegwaarak.

Wakkagagerak 50:19

Yoreegwaarak kwe, at Yutup nen it yorage logonet, “Kit kinagabiti mbarugup o. An at Ala kwak a'nuk eeppinagage neyo nduk yogop?

Wakkagagerak 50:20

Kit nen an maluk eeppaniyak kooneegutak kagak kwe, Ala nen perak, kit eeppaneegutak paga obeelom ambi eerikit mba'nuk, yi aakumi ndi aakumi inagap ndariyak kooneegerak paga an eeke wonage me, kinagabiti mbarugup o.

Wakkagagerak 50:21

Togop me, kit kineebe inom, kit kinapurilogwe inom, an nen aret liirogon unde wokkinake logogin me, kinagabiti ariyak abu mage o,” yinuk, at Yutup oone yanggorogon iniki eyak wappiyareegerak paga oweewi iniki piirik wonogwe nogo lek agagerak.

2 Tamuwen 12:12

At nen kote eekerak kwe, an nen it aakumi Iterali mendek abok aret inenggaanom kin paga aret eerigin, yegerak me, yokkigio,” yinuk, yoreegerak.

2 Tamuwen 17:14

Wone ti yoreegerak nogo at Abatalom inom, it aap Iterali inoweewi abok aret inom, inaruk konenggo nogogwaarik, “At Akitoben wone yegerak nogo ti, op negen kwe, at aap Ariki mendek Kutayi nen wone yegerak ti perak, abu obeelom aret yegerak kogo o,” yinuk, yereegwaarak. Wone ti yoreegerak nogo, at Aliku ALA nen aaninggin Abatalom oba puurak mbake logonet, Akitoben yereegerak meek mbaruwak nduk, eeppereegerak me, yoreegerak.

Etet 4:14

Kat yori naga'lek puk mban wonage keenok, nit aakumi Yakuri mendek ninagap ndariyak nduk aap alik nen yeenggwa nira wogwe iigak, kat inom, kiriwi inom, kinenggaawak lek arumunggup o. Togop me, wone agaarak yi, kat nen aret kooniyak nduk, aap endagembogut akwe, kwe nggwok agandak kero!”

Ayup 1:21

Alut eeke logonet, “Nagalo inikime nen we nagap mbelanak nda'nagagirak me, Kambunuk, we nagap mbelanak aret nagin o. Kaliku ALA nen wo'nege, Kaliku ALA nen mban wogonake, Eekendak me, Kaliku ALA kendage mban tiyappege logokit o,” yinuk, yoreegerak.

Lukat 23:34

Nabenogo piigo mbareegwa, at Yetut nen, “Nogoba o. It ineenggo'lek logonet, eeppanugwi me, it maluk eekwi yi, lek eerogo pu o,” yoreegerak. Ndi, it aakumi nogo nen yugum anggen nggween paga mbo wuppegak eeko logonet, ambogoyum nogo tumbukkologogwaarak.

2 Korindut 2:7

Yogondak perak, aap nogo iniki wakkolage logonet, mbo pinaganuk mbaganukwak, eereegerak nogo mari eerogo mbo pogo logomonggotik, iniki eyak wappogo logonip o.

Pilemon 1:15

Yogondak at keya wage nogo ti, aap inayeloman pogom keya wage ti lek o. At aa'nduk mbaganeegerak nogo ti, we ne ambiriluk mbo paganuk mbaganeegerak kero. Ndi, yogondak perak, kat kore kimbirak iniki kunik lombok logomunggup nduk wage me, mondok-mondok wamen o. At nimbirak ti, niniki mondok kunik kwe, kat kayeloman aret me, ndi, at kunduk, Keritut ninom niniki kunik logonet, keya woraagin me, mbo puurak mage o, noreeluk.

1 Tamuwen 1:19

Ko'lu o weege mbareegi, Elakana nogo akuwi apurilogwe inom ineenik ogo nogogwaarik, at Aliku ALA alut eeppunuk, iname o Arama time aret nogogwaarak. Nogo nogogwaarik, wonogwe me, Elakana nogo akwe Kana imbirak nogo yege mbareegi, kwe Kana tamban eereegerak nogo Aliku ALA abereegerak.