Wakkagagerak 45:21 - Ala Wone Peenok Peebi Mbanak

²¹ Yoge mbareegi, at Pirawun nen, “Wogoret,” yoreegerak nogo at Yutup ndak-ndak aret nggweendo nogo wogorage, tu paga nenet noorak kambu wogorage, eeke nagagerik,

Wakkagagerak 45:21 ပူးပေါင်းရင်းမြစ်များ

Wakkagagerak 45:19

ndi, ambi it eeriyak yoroorak nogo yi o. Nggweendo mande negen wogorage keenok, o Metit yime nen wonok nogo logomenggaarik, inamindik-inamendek o Metit yime abe mendek mban kologo logorak me, inamendek iname time mendek nogo mbo punuk, inapurilogwe inom, inakuwi inom, inogoba inom, nogo mban yonggoriren woraawak nduk, yoret o,” yoreegerak.

Wakkagagerak 45:27

Ndonggo yuulik eereegerak kwe, at Yutup nen wone yereegerak abok aret mbininogo yogwi nogo konengge, at eebe kwippunuk wonok noorak nduk keledai nappereegerak nogo enegen kage, eeke nagagerik perak, at iniki nogo obaane'me ya'nage logonet, ale'nggen ambik aret agagerak.

Wakkagagerak 46:5

Yoge mbareegi, at Yakup nogo o Mberetiyeba mbo punuk, o Metit nage logonet, apurilogwe kumi-aap inom, inakuwi inom, ombowologwe kumi-aap inom, at paga nen wiganak kenok abok aret nggweendo at Pirawun nen nappereegerak nogo paga kwippiinok, wogoren wogo logonet, inaanggumi inom, inamindik-inamendek o Kanan logonet, kuwak eekkologogwaarak nogo inom, abok aret ko'nok o Metit nogogwaarak.

2 Mbinineegwaarak 35:16

Aap endagembogut Yotiya wone lengganogo yoragagerak nogo ndak-ndak, Aliku ALA endage tiyappogo logonet, laago Obagambo Nagagerak lakwi, Ala ake warogo kani kuniyak nogo Aliku ALA ake kani kunggak eerak nogo paga nippunuk, kani kunggwi, eeko logorak ake punik ne ti paga abu pipuk eerogo pereegwaarak me,

Wundeegwaarak 17:1

It aakumi Iterali wogwe nogo abok aret o Tin karume nogome mbo punuk, at Aliku ALA nen yoragagerak ndak-ndak o ambime nen ambime agak wogo logonet, o Arapirim Meriba nogome ari wogo nogogwaarik, inawooliya wukko'net wogogwaarak kwe, o taati nogo niyo lek me, abu aret wonogogwaarak.

Wone Alom Kibingga 8:2

Ala enggaanom paga kumbuk mbaneegindak me, aap endagembogut nen wone lengganogo yokkege kenok, oone konembunuk eeke logot o.

Leendawi 1:18

“At Aliku ALA ti, obeelom lombok wonage kagak, an nen at eeriyak yo'nereegerak nogo taganogo pereegirak me, Kit yi aakumi ndi aakumi abok yi wae! An naagalogwe komologwe inom, wologwe tawe inom, keele maageren mbo piya nogogwaarak kenok, Niniki andi negen wonage yi, liippanugwi, Noone yokkirage yi, kinaruk konenggwi, Eeko logonip o.

Yetikiyen 23:24

at tebenogo puwok nduk, ineegin-inomaale inom, nggweendo wim eeka inom, we ugun mendek inom, li'luk aago aakumi apit kuwak eerak inom wogo logomenggaarik, nggeemu nggwok inom, mbuuluk inom, waganggwi, petagi omaawi mendek yikwi, eeppunuk, oonda mbani ungguwok nduk, wanggekwi iigak, it nen maluk onggo at oba puwak nduk ineenggime piyaminggirak it aakumi inoone konenggwi lek iinok, eeppiigo mengga kwak ndak-ndak aret eeppugun o.

Linggineegwaarak 3:16

Yoge mbareegi, at Muta nogo at Aliku ALA nen yoreegerak nogo ndak-ndak aret inendage liiru mbaneegerak.