Wakkagagerak 45:16 - Ala Wone Peenok Peebi Mbanak

¹⁶ Ndi, “At Yutup oweewi inom, awuluk inom, wagaarak inom wonage o,” yogwe nogo it aap Pirawun awi nggwok abe wurik inom menggaarak nogo inaruk konenggo nogogwaarik, at Pirawun inom, at awuri inom yabu eeko menggaarak inom, iniki ale'nggen eereegwaarak.

Wakkagagerak 45:16 ပူးပေါင်းရင်းမြစ်များ

Wakkagagerak 16:6

Yoge mbareegi, at Abaram nen akwe Tarayi yoge logonet, “Kayeloman ti, kat kabu'me aret wonage me, kat nen eeppuurak mbakendak nogo ti aret eeppu o,” yoge mbareegi, at Tarayi nogo nen oone andiigwi mban yogak eeke mbareegi, at Agat nogo kole mbaganeegerak.

Wakkagagerak 20:15

Wogoge nagagerik, at Abarakam nogo yoge logonet, “O yi apit ti, an aret unde minggirak me, kat kiniki nen mban miippunuk logot o.”

Wakkagagerak 34:18

Yorogogwaarak nogo it Kemot aput Tikem imbirak nen, “Op aret,” mba'nuk,

Wakkagagerak 41:33

Togop aret me, o Metit yime arum logowak nduk, kat nen aap ambi iniki warak lombok yi eeriyak ndi eeriyak op koongga kenok, kwaarogo mippu o.

Wakkagagerak 41:37

At Yutup nen wone koonogo Pirawun yoreegerak nogo at Pirawun inom, at awuri eyabu eerit nogo menggaarak mendek inom, abok nen, “Yi abet aret yigi o,” yogo nogogwaarik,

Wakkagagerak 45:15

Le yogo nogogwaarik, oweewi nogo abok aret panggeppiinok le ari, keyage warogo inagandin eyak mbaninake, eeke nagagerik, inom wone mbaneegerak.

Wakkagagerak 45:17

Iniki ale'nggen ogo logonet, at Pirawun nogo nen Yutup yoge, “Kat koweewi inom, kawuluk inom, wagaarak yi, wone yogop yoret o. Inambi kunik nogo inaanggumi keledai amborowak paga keele maarogo punuk, wonok iname Kanan nogo logomenggaarik,

2 Tamuwen 3:36

Yorage mbareegi, it aakumi apit aret Ndawut yereegerak nogo konenggo nogogwaarik, iniki ale'nggen agagerak. Ndi, Ndawut nen yi eekak ndi eekak eereegerak nogo abok aret it aakumi nen op aret mbareegwaarak.

Etet 1:21

At aap Memukan nen wone yereegerak nogo aap endagembogut inom, at awuri nagawan-nagawan inom, nen “Op aret yegerak,” mbako mbareegwa, at endagembogut nen wone yereegerak nogo ndak-ndak aret eeke logonet,

Etet 2:4

Eeppiyamenggerak paga kolaga ambi kat kendagembogut kinikilom mbake keenok, Wati obaane'me kakwe kwe nggwok aret aruwak o,” yinuk, yogo mbareegwa, aap endagembogut nogo nen, “Wone ti, op aret kagi,” mbake nagagerik, ndak-ndak aret eereegerak.

Etet 5:14

Yorage mbareegi, at akwe Tereti inom, oreewi abok aret inom, nen konenggo nogogwaarik, at yogwi, “Ti kenok, it aap inenggaanok keele yilinogo tugumbiigo logorak eyo nggorek metet 23 kero yinu o. Yingge logomenggendik, eyo ti paga aap Morekayi enggaanok keele yilinogo tugunogo wuppi woraawak nduk, ko'lu kuuben aap endagembogut yori namenggendak eeke kenok, kiniki ale'nggen paga aap endagembogut kimbirak mbi na namunggup o,” yoreegwaarak. Yoreegwaarak nogo at Kaman nen, “Op aret kagi,” mbake nagagerik, eyo yinuwak nduk, awuri yoragagerak.

Nappiigak 6:5

Yorogogwaarak it aakumi ambik kuwak ogogwaarak nogo konembunuk, “Op aret yogotak o,” yinuk, leenogo mippiyareegwaarak nogo, inendage yi aret. Aap iniki abet mbareegerak paga yungguppegak eeke logolik, Aberiniki inikime mondok liinik Tepanut inom, Piliput inom, Porokorut inom, Nikanot inom, Timon inom, Paremenat inom, aap endekem mendek awi alom Andiyokiya wonagagerak kwe, it Yakuri inawone woppunuk it eekwi inom eerit nagagerak, Nikolawut nogo inom,

Nappiigak 7:13

Ti'nuk, peebi ne ambi paga nappiyareegerak nogo mbareegwa, Yutup nogo nen, Kinawot nogo an aret o, yinuk, owewologwe ineenu eeppiige mbareegi, Pirawun nogo kunduk, At Yutup owe-awot yi aret iigi, mbareegerak.