Wakkagagerak 44:18 - Ala Wone Peenok Peebi Mbanak

¹⁸ Nogo yorage mbareegi, at Yekura nogo nen Yutup owagam taati panggo yi nage nagagerik, yoge logonet, “Ai, nogoba! Kat keebe o Metit yime kendagembogut Pirawun kwak aret me, an kayeloman nen wone ambi yokkiriyak mbakirak me, yokkege neegak, mbe'nirugun o. Ata, Op aret, yo'niru o.”

Wakkagagerak 44:18 ပူးပေါင်းရင်းမြစ်များ

Wundeegwaarak 32:22

Yoge mbareegi, at Karun nen yoge logonet, “An mbe'nirugun o, nogoba. It aakumi yi, maluk eeriyak inikilom mbako menggaarak nogo kat keenu aret o.

Wakkagagerak 41:40

o yi an mban unde minggirak kwe, kat nimbirak ndak-ndak negen logonet, name o nggwok abe wurik yime eeko menggaarak abok aret unde logonok nduk, mippagage neenok, it aakumi an napuri o Metit mendek yime abok aret kat koone ari keenok, E o, yinuk, eeko logogun o,” yoreegerak.

Wakkagagerak 18:30

Yoge mbareegi, ti'nuk, at Abarakam nen Aliku ALA ambinom yoge logonet, “Nogoba o. An ambinom aret yokkege me, mbe'niriyak mage o, nogoba. Aap ineebe 30 mban wonogwe iinok ti, nonggop o?” Yoge mbareegi, at Aliku ALA nen, “Aap ineebe 30 wonogwe iinok, o ti pup eerogo pigin lek o.”

Wakkagagerak 41:44

Ti eeko mbareegwa, at Pirawun nen Yutup yoge logonet, “An nendagembogut Pirawun aret kwe, it aakumi o Metit menggaarak abok aret yi eeriyak ndi eeriyak kenok, kat yokki'nuk mban eeko logowak o.”

Wakkagagerak 18:32

Yoge mbareegi, at Abarakam nen ari logonet, “Nogoba wae. An ne ambiriluk yi aret yokkege me, kanini eeppanugun o. It aap ineebe we 10 iluk mban maluk eeka'lek iniki abe koonak wonogwe iinok ti, nonggop o?” Yoge mbareegi, at Aliku ALA nen, “Aap ineebe 10 iluk iniki abe koonak wonogwe iinok ti, an o ti pup eerogo pigin lek o,” yinuk, yoreegerak.

Nappiigak 2:29

Nowe-nawot o. Nit ninombo Ndawut eereegerak wone an paganogo yokkira o. At Ndawut nogo kangge mbareegi, ndoome mambereegwam nogome owak nenenak wonage kogo ogoorik o.

Yaya 5:22

Nogoba nen aakumi inowak loonogo maluk onggo eeppiigeelik o. Aakumi abok inowak loonogo maluk onggo eeppiyoorak unde ti, nogoba nen aput an aret mippaneegerak.

Ndaniyen 5:19

At endage mondok tiyanak lombok logowak nduk eeppereegerak ti paga it yi aakumi ndi aakumi inom, aakumi inanebunu lombok yi awi ndi awi menggaarak inom, yi aap ndi aap inoone alitak yogo menggaarak inom, abok aret at paga inagabiti nen inamineeri ne agan nage nagagerak o. At nen aap ambi inoorogo piyoorak mbake kenok inoorogo piige, ineenik teppiyoorak mbake kenok teppiige, inendage tiyappiyoorak mbake kenok tiyappiige, inendage tebenogo piyoorak mbake kenok, tebenogo piige, eeke nagagerak o.

Ndaniyen 3:15

Yogondak oone pu eeka trompet nogo oone pu ari kagak, nggawiiwak oone inom, nggitat nggwok oone inom, nggitat mbuuluk oone inom, lobale oone inom, ti mendek oone abok aret ari kinaruk konenggwi kenok, ogut eerak abu'me tebe yinuk, ayuk wukwi kiinok ti, abu op aret o. Ndi, abu'me tebe yinuk, ayuk wuka'lek kiinok perak, ne ti paga aret kineebe waganogo kani omoonuk wunuk ari me mbo mambinagagin o. Mambinagage neenok, kugi ngge nen kinagap ndarigin? Lek aret o!”

Kini Wuppiige 19:12

Aap endagembogut anini wungge ti, singa anini nen oone kole ari menggi kwak aret kwe, Ale'nggen mbake nogo perak, konaananggen iri'ngga oba luurogo pege menggi kwak aret menggerak.

Ndawi 79:5

Nit togop aago niigak, ne mande ari nagin o? Kanini mondok-mondok ninoba kwippinanegak eeke logomunggun ilik, lek a? Nit mbo paganuk alik mugurok nogwe niinok, Keebi lombok ninomba'nuk kanini kani omoonuk negen Ninoba kwippinanegak eeke keegak ne mande ari nagin o?

Ayup 33:31

Togop aret me, Ayup wae. An wone ari me, karuk konengge, An wone yokkege me, liippege, An ari neegak, koone lek puk wonage, Eeke logot o.

Etet 1:12

Yorage mbareegi, it nogo nen aap endagembogut yereegerak nogo kwe Wati yori nogogwaarak kwe, woroorak eebi mbake mbareegi, at endagembogut iniki aagi mi'nage nagagerik, anini ambik agagerak.

2 Tamuwen 14:12

Yoge mbareegi, kwe nogo nen ari logonet, “Ai, nogoba. Kat kendagembogut aret me, an kayeloman wone mbuuluk ambi yuurak mbake me, Op aret, yo'nirumunggun ilik?” Yoge mbareegi, at Ndawut nogo nen, “Yu o, niri.”

Wakkagagerak 37:8

“Kat ninowe kendagembogut arikit nduk yagan a? Kabu'me pinanege logomenggendik, wone lengganninake logorak mbaken ya?” yinuk, yogo nogogwaarik, at Yutup abi kagagerak mbininogo yoragagerak paga mondok inanini oba pereegwaarak.

Wakkagagerak 44:17

Yoge mbareegi, at Yutup nen, “Kit yogotak ti, an togop abu mbarulik o. Ata, aap an naniyoowak egaruna yonggolak kwaakkegerak ti, alik mban nayeloman logowak nduk, teppege neegak, kit ando obeelom enaani aret kinogoba wonage me ka nanip o,” yinuk, yoragagerak.