Wakkagagerak 44:16 - Ala Wone Peenok Peebi Mbanak

¹⁶ Yorage mbareegi, at Yekura nen ari logonet, “Ninogoba o. Nit nonggop yokkiruwi. At Ala nen aret nit kayeloman mini maluk eekkologogurak onggo aret eeppinanege me, nit nonggop togon, Nit lek o, yinuk, ninaana'le mbanggoloorak? Nit nen ambi yuurak mondok lek aret o. Nit togon, aap kat kaniyoowak egaruna yonggolak waganggerak nogo togon, abok aret kat ninogoba kayeloman aret agago tebenninaburak o.”

Wakkagagerak 44:16 ပူးပေါင်းရင်းမြစ်များ

Wakkagagerak 37:9

Ti'nuk, ne ambi paga at Yutup nogo abi alik ambi kage nagagerik, oweewi mbininogo yorage logonet, “Nabi alik ambi kagarak me, yokkiraakit nen kinaruk logonip o.” Ari nagagerik, “Oonegen inom, tut inom, laaluguragan ineebe 11 inom, an nabu'me tebe yinuk, nayuk wukwi iigirak o,” yinuk, yoragagerak.

Wakkagagerak 44:17

Yoge mbareegi, at Yutup nen, “Kit yogotak ti, an togop abu mbarulik o. Ata, aap an naniyoowak egaruna yonggolak kwaakkegerak ti, alik mban nayeloman logowak nduk, teppege neegak, kit ando obeelom enaani aret kinogoba wonage me ka nanip o,” yinuk, yoragagerak.

Wakkagagerak 44:32

Yoge nagagerik, at Yekura nen ambinom yoge logonet, “An kayeloman nen nogoba yoge, Wulaga yi, an nen aret ndegenit nimbirak naminggirak kwe, eebe wonok kiri woraagin lek kenok, at eebe kokwak awi yarak ti, an neebe aret me, kat maluk eeppagagirak onggo nobaalombok nen koonogo eeppagage neegak, neebe kambi noorak kuli aret aruwak, yo'nuk, wogoorak me, nogoba o.

Wakkagagerak 44:9

Nit kayeloman mini wogoorak yi, ambi nen abet aret aniyoowak ti wonok wagaarak kage logomenggendik, aap ti mondok aret wake logonet, nit abok aret kat kayeloman logorak pinani nanok o,” yinuk, at ayeloman nogo yoreegwaarak.

1 Endagembogut 17:18

Kangge mbareegi, kwe togwe nogo nen Eliya yoge, “Ala wone liirogon eeka yi wae. An ngge eekirak paga, Keebi, nomba'nuk yi eeppanggendak? An nomaluk nogo Ala nen abeppunuk naagaluk wulaga nogo waruwak nduk, neya wagandak ya?”

Etara 9:10

Togop aret me, ninogoba o. Kat abok aret eeppinanege keegoorak me, nit nano yokkiruwi o? Kat nen ari logonet, Kit unggwi nogo logomonggotik, o unde eeppatinuk logowam time it aakumi maluk lombok peyak wurik pogom eerit nogo menggaarak paga inanggween ilin-unggut time abok aret maluk ti mendek mban mondok endak wa'nagagerak wonage me, kit kinapuri komologwe it inapuri wologwe wogorogwe, ndi, it inapuri komologwe kit kinapuri wologwe kologwe, eeriyak ti mondok mage o. Nggween ti, kologo logomonggotik, ti paga wonogo logonet, kinomaawi lombok ogwe, anggen obeelom mbanogo nunggwi, eeko logomonggotik, kineyate nggween ti, kinapuri mondok-mondok unde logowak nduk, wogoroorak me, it aakumi ti, kinom lambunik wonogwe, inamendek kologwe, eeriyak mage o, yinuk, it kat kayeloman mini koone yoraga nogo yorage keegak, wone, Yogop ee'nu ndogop ee'nu, yinuk, yo'nirogogwaarak nogo taganogo mbo pereegurak me, nit nano yokkiruwi o.

Etara 9:15

Togop lek aret kwe, kat Iterali ninogoba Kaliku ALA wae. Kat abu obeelom a'me nggelok mban eeke menggendak me, ninooka'lek ando iluk yumbunogo teppinaneegindak o yogondak wonogwe nit yi aret o. Maluk eekoorak kagak nit ambi kat kenggaanom paga ya'i mi'ndak logorak meek aret kwe, maluk ninoba lenggenak kagak mi'ndak ogoorik o,” yinuk, tamban eereegirak.

Ayup 40:4

“An aap abu yunduurak aret me, Wone nonggop yokkirubok kenok, noone lek puk ari o.

Kini Wuppiige 17:15

Aap maluk eekerak kagak, “Eerulik o,” yogwi, Maluk eerulik aap abe kagak, “Maluk eekendak o,” yogwi, Eekwi ti, Imbirak Aliku ALA nen eebi lombok mbake menggerak.

Kini Wuppiige 28:17

Aap ambi nen aap alik ambi warogo pege logomenggerik, “Eekirak paga noorukwak,” mba'nuk, Ambime nagak ambime nagak eerit-eerit eebe aret kambi nagin me, ili yuurak mage o.

Yetaya 27:9

It Yakup paga wiganak maluk eeko nogogwaarak paga Ala anini mbake nogo nini tayo ari, Ndi, inomaluk abet aret mbo pugwi iinok, anggen abe yi'nage menggi kwak yelok kogwe, Eeriyak nogo ti, Inagugi alut eeko menggam yugum paga ogobakkigirik nogo kwi yigirogo pogo mengga kwak yigirogo pugwi, Inagugigwe Atiyera ageyo arelen yinik nogo mbanogo pugwi, Obari abe kaga kani kunggo menggam ogobakkigirik nogo yigirogo pugwi, Eeriyak nogo ti aret.

Yetaya 5:3

Togop me, at niniki kunik nen ari logonet, “It Yerutalem wonogwe inom, it o Yekura mendek inom, inaruk o! An anggur anggen abe mbanggolaakit nduk, neyabume anggur awi yake logonet, nano eeriyak me eekirak mbakop? Ndi, anggen abe mbanggolaakit nduk, tokkage neegak, nonggop nduk ale mendek mban yegerak mbakop? An nen eekirak paga agaarak ilik, anggur awi yarak alik nen agaarak a? It mban liippuwak o.

Ndaniyen 9:7

Nogoba wae. Kat obeelom mban eeppinanege menggendak kwe, nit aap Yekura mendek inom, aakumi Yerutalem mendek inom, aakumi nit Iterali mendek nen kat koone liirogon eerulik paga yi o ndi o mbo pinaneegindak aakumi inenggela'me mak aago nda wonogwe inom, koorok wonogwe inom, nit abok aret ninenggali mbakak yogondak wonogo ogoorik o.

Linggineegwaarak 32:23

Ndi, wone yogotak nogo ndak-ndak eerumunggup lek kenok perak, Aliku ALA aret maluk eeppumunggup me, Kinomaluk nen eyak nibingginabi woraagin, abet aret mbako logomunggup o.

Matiyut 7:2

3 Kit maluk eekotak o, yinuk, kinoone omaawi paga perak togon yorogwe kiinok, Ala nen kit togop aret yokkirage kaamunggup o. Wakkagak nogo paga wakkaanuk aakumi wogorogo monggotak nogo ndak-ndak wakkaanuk wokkirage kaamunggup o.

Lukat 12:2

Yi eekwi ndi eekwi nobarak wonage kenok, tena'me aret age, ndi, kiraarak wonage kenok ti, pagak ari, eerigin o.

Nappiigak 2:37

Yorage nogo konembunuk, iniki wakkologo nogogwaarik, Peterut inom, it nappiigak ando inom, kin wogiigo logonet, “Noreewi o. Togop me, nit nonggop eeruwi o?”

Pelaareegerak 25:1

Yorage nagagerik, ambi yorage logonet, “Aap ambi imbirak wone wariyak age kenok, aap inowak loonggo menggam time namenggaarak me, it aap inowak loongga nogo nen wone aremenggerak nogo mbeenogo inowak loonggo logonet, at ambi oba abe eerogo pugwi, at ambi oba maluk eerogo pugwi, eeppunuk,

Yotuwa 7:1

Yotuwa nen aakumi Iterali yorage logonet, “Aakumi Yeriko inamendek ti, Aliku ALA amendek ake leenak aret me, woorak mage o,” yoragagerak kagak, aap ambi anebunu Yekura mendek endage Tera. Tera aput Tabiri. Tabiri aput Karimi. Karimi aput Akan nogo nen yi mendek ndi mendek ando waganeegerak me, at Aliku ALA anini mi'nage logonet, Iterali inoba piyareegerak.

Yotuwa 7:18

Inoba ari nage mbareegi, aap Tabiri apuri ineebe inalitik-inalitak iniki kwaake logonet, aap anebunu Yekura mendek Tera ombooluk Tabiri aput Akan nogo aret oba ari nagagerak.

Owak Loongga 1:7

Mbanogo pogo mbareegwa, at Aroni-Mbetek nen ari logonet, “An nen aap inendagembogut lombok ineebe 70 nogo ineenggi iyagalo imbirak inom, iniyok iyagalo imbirak inom, mbanogo piyareegirak wonogo logonet, nambi nengge neegak, nageyo ndoonak abu'me ameneno wanggetak anebenogo nonggo nogogwaarak nogo ndak-ndak, Ala nen inamee'nggo ee'naki o,” yinuk, ari mbareegi, at eebe o Yerutalem wonok nogogwaarak me, time aret kambeegerak.