Wakkagagerak 44:10 - Ala Wone Peenok Peebi Mbanak

¹⁰ Yogo mbareegwa, at aap nogo nen, “Ti yogotak nogo op aret kwe, kit ando maluk eerulik kinomba'nuk, kiname ugun nogwe kiigak, niyoowak kumaa'nuk wonok wagaarak ti mban nayeloman logowak nduk wonok nagin o.”

Wakkagagerak 44:10 ပူးပေါင်းရင်းမြစ်များ

Wakkagagerak 44:11

Yorage mbareegi, it nogo abok mbet-mbet aret inegarun mbato yonggolak keledai amborowak paga wonok nogwe nogo nggoorogo wuppi wogo nogogwaarik, inegarun lombok ambe keele piinit nogogwaarak.

Wakkagagerak 44:17

Yoge mbareegi, at Yutup nen, “Kit yogotak ti, an togop abu mbarulik o. Ata, aap an naniyoowak egaruna yonggolak kwaakkegerak ti, alik mban nayeloman logowak nduk, teppege neegak, kit ando obeelom enaani aret kinogoba wonage me ka nanip o,” yinuk, yoragagerak.

Wakkagagerak 44:33

An nawuluk obaane'me kat kayeloman logokit nduk, yime teppanege logonet, an nawuluk ti, oweewi inom nappiyanok nduk yokkigi o.

Wakkagagerak 44:9

Nit kayeloman mini wogoorak yi, ambi nen abet aret aniyoowak ti wonok wagaarak kage logomenggendik, aap ti mondok aret wake logonet, nit abok aret kat kayeloman logorak pinani nanok o,” yinuk, at ayeloman nogo yoreegwaarak.

Wundeegwaarak 22:3

o weeremenggerak paga waremenggerak kangge kenok perak, amiya at eenggi paga aret logogin o. Aap ambi nen aap alik amendek yogoot wagangge kenok, obaane'me awi yakkaawak o. Ndi, awi yariyak amendek lek kenok perak, aap ambi ayeloman age logomenggerik, at eebe onggo nggerenak wu nogo paga aap amendek kiraaremenggerak nogo, obaane'me awi yakkaawak o.