Wakkagagerak 43:9 - Ala Wone Peenok Peebi Mbanak

⁹ An nen aret wonok nimbirak naminggirak me, liirogon aret wonok kiri waga'lek neenok, at eebe kokwak awi yarak ti, an neebe aret me, kat maluk eeppagagirak onggo nobaalombok nen koonogo eeppagage neegak, neebe kambi noorak kuli aret aruwak o.

Wakkagagerak 43:9 ပူးပေါင်းရင်းမြစ်များ

Wakkagagerak 31:39

Nggeewo ta'ngge nen kaanggo ambi nibinogo nengge logonet, eyagate pugu nogo waganogo wokkiri waga'lek obaane'me an nen aret pege, liingge nen oonikiya nen aakumi yogoot kumaakaatak me, Awi yaru o, yo'nege kenok, awi yake, eeke nagagirak o.

Wakkagagerak 42:37

Yorage mbareegi, at Uruben nen ari logonet, “Mbeniyamin ti, an nen wonok enaani ndegenit nage logominggirik, enaani aret wonok woraagin o. Wonok kiri waga'lek neenok perak, at obaane'me an napuri imbirak aret inoo'nok nduk, inogoba an nen aret punogo pigi o.”

Wakkagagerak 43:10

Yogondak kat nonggop ari keyaamun tokkakwi niigak, ne mbere nanuk wogo menggam mendek wonogo ogoorik o.”

Wakkagagerak 9:5

Ndi, kit aakumi kineenik monggotak alom ti, kinamiya aret me, aap ambi nen kit ambi kinooremenggaarak kangge kenok, an nen amee'nggo waagin aret o. Nggeewo-wam, towe-pagi, yi waalo ndi waalo nen aap ambi nibinemenggaarak kangge kenok ti, an nen amee'nggo wagangge logogin mban. Ndi, aap ambi nen ore ambi waremenggerak kangge kenok, at kunduk amee'nggo waagin aret o.

2 Tamuwen 14:9

Yoge mbareegi, kwe o Tekowa mendek nogo nen ambinom yoge logonet, “Nogoba o. Kat kendagembogut aret me, wone koonemenggendak irip me ninggin age kenok, kendagembogut keebe inom, kendage tiyanak menggerak inom, ti paga maluk arigin lek o. Ata, an inom, niriwi inom, ninoba aret arigin o.”

1 Endagembogut 1:21

Kat wone amburu mbanogo yo'nirumunggun lek kenok, kombomini kambunuk nogogwam kinom tat yonggonggolaanok nduk, nage keegak, an naagaluk Talomo nimbirak aap inobaabut maluk kenok eeppiigo mengga kwak, eerogo pinanogo logogun o,” yinuk, yoreegerak.

Ayup 17:3

Ala wae. Aap ambi nen, Teppagarak onggo an aret arikit o, Yinuk, yigin lek me kat aret aru o.

Ndawi 119:122

“Nayeloman obeelom eerogo pikit o,” yinuk, Wone abuk nggaruk togon koonogo pege, It iniki wogoppaka nen tebenogo panegak yukwak Non mbanogo piige, Eeke logot o.

Yetikiyen 3:18

Aap maluk eeka ti, abet aret kambigin o, yokkege neenok, omaluk mbo punuk, eenik logowak nduk, kat nen kurumbi yoge, Komaluk mbo pu o, yinuk, koone nabek togon yoge, eeka'lek kenegen mbenaarogo mbo pemenggendak paga maluk eerit nage logonet kangge kenok, amiya ti, kat kobaalombok koba aret wonage, yokkirigin o.

Yetikiyen 3:20

Ndi, aap ambi iniki abe koonak nen obeelom mban eerit nage nogo mbo punuk, ti'nuk, maluk eerit nage kenok, an nen iyogobit lik togon eerak wambuwak nduk, non mbanogo piminggirak paga iyogobit lik togon aret kambigin o. Kat nen kurumbi yorulik paga kambigin aret me, at obeelom eerit nage nagagerak nogo an abeka'lek logonet, amiya ti, kat kobaalombok koba aret wonage o, yinuk, yokkirigin o.

Yetikiyen 33:6

Ti togop aret kwe, at tum waka nen wooluwak wonok wogwe enegen iige logomenggerik, aakumi kurumbi yorage logonet, oone nggwok eeka trompet nogo oone eeka'lek mbo pege paga it aakumi inookwi iinok, it maluk eeko logomenggaarak paga inoorugun kwe, inamiya wambemenggerak nogo perak, at aap tum waka nogo yoge logonet, Kat liirogon kurumbi yoroolik me, inamiya wanggerak ti, kat kobaalombok aret koba wonage o, yinuk, yorigin o.

Yetikiyen 33:8

Aap maluk eeka ti, mondok aret kambigin o, yinuk, aap maluk eeka ambi yorenok nduk, yokkiriminggirak kagak, aap ti, maluk eerit nage nogo mbo punuk, iyokan woraawak nduk, kurumbi yoga'lek keenok, aap ti, maluk at eeremenggerak paga kambigin kwe, kat kurumbi yoga'lek keegak kambigin me, amiya perak, kat kobaalombok aret koba pigin o.

Iberani 7:22

eeke logonet, aa'nduk eekwi yobok ari nagagi kwak, yobok yigin lek o. Ata, yogondak mondok lik togon aret eerigin mbako logowok o.