Wakkagagerak 43:5 - Ala Wone Peenok Peebi Mbanak

⁵ Ndi, Kinom nanip, yo'nirage lek kenok perak, nit nagun mondok lek o. At aap ti nen, Kinawuluk kinom lek kagak, an nenggaawak paga ya'i woroorak lek, oone mondok omaawi yo'niragaarak me, meek o, nogoba.”

Wakkagagerak 43:5 ပူးပေါင်းရင်းမြစ်များ

Wakkagagerak 42:15

Kit nggaganagalo wogotak kiyaamun a, lek a? yinuk, kinabut mbanikit nduk, aap o Metit mendek endagembogut Pirawun endage paga owak mbanogo wone ambi yokkira o. Kit kinawuluk peebi mendek nogo wa naga'lek kiigak, kit kiname namunggup lek o.

Wakkagagerak 42:20

kit kinoone yogotak, Abet aret yagaarak, kinomba'nuk, kineenik teppinagakit nduk, kinawuluk age yobok ndarak nogo wonok woraamunggup o.” Yorage mbareegi, it nogo nen, “Op aret,” yogo nogogwaarik,

Wakkagagerak 42:38

Yoreegerak kwe, at Yakup nen, “Ti yagandak kwe, lek o. At owe nogo muk kambeegerak kagak awuluk ambit yi mban aret nimbirak wonage me, wonok noorak mondok lek o. Kinom nogo logonet, tu paga taati eebe ninggin age kagak, kinalik wogwe kiinok, aap anggok kenen lu aago yi, iniki wakko'nok kambunuk nogo menggam nawak o, yinuk, eeppanumunggup o,” yoragagerak.

Wakkagagerak 43:3

Yorage mbareegi, at Yekura nen, “Aap Metit mendek ti nen nit yo'nirage logonet, Kit wogo logonet kenok, kinawuluk ti, kinom lek kagak, an nenggaawak paga ya'i woroorak mondok lek o, yo'niragaarak me,

Wakkagagerak 43:4

kat nen nit ninawuluk yi, Kinom nanip o, yo'nirage keenok perak, nit op aret nogo logomonggoorik, mbato kuninuk wokkombanok woraagun o.

Wakkagagerak 43:6

Yoge mbareegi, at Iterali nen yorage mbareegi, “Kit nen, Ninawot ambi wonage kagak wogoorak, yogotak ti paga wonok nogwe kiinok, niniki wakkolaagin me, nonggop nduk, Wonage, yogotak o?”

Wakkagagerak 44:23

Yokkugwi niigak kwe, kat nen, Kinawuluk age yobok ndarak nogo kinom lek kagak, an nenggaawak paga ya'i woroorak mondok lek o, yinuk,

Wakkagagerak 44:25

Ti'nuk peebi ninogoba nogo nen, Kit nen mbato mbuuluk ambi mbet kuni nanip o,

Wakkagagerak 44:26

yo'nirage mbareegi, nit nen at yogo logonet, Nit mbato onggo mbanugun o Metit noorak nogo ti, ninawuluk age yobok ndarak nogo ninom lek nit mban nogwe niinok, at o Metit unde menggerak enggaawak paga nagun lek me, ninom nogwe kenok ti, noorak op aret kwe, lek kenok perak, nit noorak meek o, ninogoba.

Wundeegwaarak 20:12

Naliku an kinogoba Ala nen kinanggween wokkiraawam time logonet, li a'nuk kanggo logomunggup nduk, kinagalo-kinogoba inayuk wuko logonet, inoone liirogon konenggo logomunggup o.