Wakkagagerak 43:27 - Ala Wone Peenok Peebi Mbanak

²⁷ Keyage wappogo mbareegwa, at Yutup nen, “Kit kineebe nonggop wonogwe?” yinuk, kin wogiige logonet, “Kit kinogoba aap anggok wonage yo'nogotak nogo at eebe eenik wonage ilik?”

Wakkagagerak 43:27 ပူးပေါင်းရင်းမြစ်များ

Wakkagagerak 37:14

Ari mbareegi, at Yakup nen ari logonet, “Kat nage logomenggendik, koweewi ineebe nonggop wonogwe nogo liippiige, ndi, kambin-ndomba kunduk nonggop wonogwe nogo liippege, eeke logomenggendik, wone wonok an yo'niri woraanok nduk, nak o,” yinuk, iname o Keboron kobappaga nogome nen nappege mbareegi, at Yutup nogo o Tikem aret nagagerak.

Wakkagagerak 41:16

Yoge mbareegi, at Yutup nen, “Kat kabi kagandak nogo ti, an nen yokkirigin ta lek o. Ata, at Ala nen perak, wone eebe aret kiniki tayok togon yokkiruwak o.”

Wakkagagerak 42:11

Nit aap nggaganagalo mendek lek o. Ninogoba ambit nen aret nda'ninabeegerak me, nit pilit wone yokkugwi lek o. Abet aret mbato kunggolaawok nduk aret wogo o.”

Wakkagagerak 42:13

Yorage mbareegi, it nogo nen, “Ninogoba o. Nit kayeloman yi ti, o Kanan time ninogoba ambit nen nineebe 12 aret nda'ninabeegerak me, at age yobok ndarak ti, ogoba imbirak kagak wogoorak. Ndi, ambiret perak, kobak agagerak o.”

Wakkagagerak 43:7

Yorage mbareegi, it nen yogo logonet, “At nen mban nit nineebe inom, ninaaganapuri inom, kin wonok mbin wonok yo'nirage logonet, Kinogoba eebe kambeegerak ilik, eenik wonage a? Kinawuluk ambi wonage ilik, lek a? yinuk, at iniki ngge mba'nuk yo'nirage nogo nit ugun nineenggo'lek logonet, at ari mugurok mban yogwe niigak, Kinawuluk wonok yime woraanip o, yo'niragaarak me tit ari agandik ya?”

Wakkagagerak 45:3

Le nogo abu nggaruppege nagagerik, at Yutup nen oweewi inom, awuluk inom, yorage logonet, “Yutup nogo an aret o. An nogoba eenik wonage ilik?” yorage mbareegi, at Yutup eebe aret kenok, oweewi inagabiti nen wone onggo yoriyak meek aret agagerak.

2 Endagembogut 4:26

At inom, ogonggelo inom, aagaluk inom, ineebe obeelom aret wonogwe ilik, lek a? mbe agan yori nak o.” Yoreegerak mbe agan yori wage mbareegi, kwe nogo nen, “Nineebe abok obeelom aret wonogwe o.”

1 Mbinineegwaarak 18:10

at Kararetet awuri inom wim mbanak wonagagerak me, Ndawut nen inooreegerak paga, “Ninili eekendak me, wa!” yinuk, keyage warogo mbuti emas inom, perak inom, tembaga inom, nogo paga yi mendek ndi mendek ogobakkigirik abok aret aap endagembogut Ndawut wogoruwak nduk, aput Karoram wonok nappi wagagerak.

Wundeegwaarak 18:7

Owagam wogo mbareegwa, at Muta nogo awooliyana nen wundi nage nagagerik, Yitoro abu'me tebe yinuk, keyage warogo inagandin eyak mbambiinok, it inalitak lombok ineebe nonggop wonogwe nogo kin wogiinok awooliyana nogome wogoren unggwi wagagerak.

Owak Loongga 18:15

Yorogo nogogwaarik, aap Mika ame taa'nogo ari nanuk, aap tawe Lewi mendek nogo, “Keebe op aret wonage me wa,” yo'nuk,

1 Tamuwen 17:22

Iige nagagerik, at Ndawut nen yi mendek ndi mendek wonok nagagerak nogo, it ineegin warak inamendek arum wonage me nogome pege nagagerik, at owewologwe wim nambukwi me nogome mbe agan nage nagagerik, owewologwe keyage wappiyareegerak.

1 Tamuwen 25:5

wologwe tawe ineebe 10 o Karemen time nappiyaakit nduk, wone yorage logonet, “Kit aap Naban o Karemen wonage me nogo logomonggotik, yoriyak nogo yi o. At Ndawut nen, Wa, yokkege agaarik o.