Wakkagagerak 43:15 - Ala Wone Peenok Peebi Mbanak

¹⁵ Yorage mbareegi, it Yutup oweewi nogo nen yi mendek ndi mendek aap o Metit unde menggerak nogo wogoriyak waganggwi, wu aa'nduk mbato onggo pugu inom, peebi onggo puurak inom, waganggwi, ee'nuk, inawuluk Mbeniyamin inom o Metit aap Yutup nogo owagam nogogwaarak.

Wakkagagerak 43:15 ပူးပေါင်းရင်းမြစ်များ

Wakkagagerak 42:35

Yogo nogogwaarik, mbato inegaruna yonggolak nogo kilirogo pogo logonet, inawu mbato onggo pereegwaarak nogo inegaruna lombok abok aret yonggolak wonage nogo inogoba Yakup inom inigen kogo nogogwaarik, inagabiti ambik aret ogogwaarak.

Wakkagagerak 43:11

Yoge mbareegi, it inogoba Iterali nogo nen, “Togop kenok, kit nen aap o Metit unde wonage nogo iniki ale'nggen eerogo wogoriyak yi mendek ndi mendek obari obeelom mendek inom, kundali inom, nggiin amburu inom, yibinggami inom, teno anggen inom, woromo anggen inom, abok aret kuwak eeppunuk, kinegaruna yonggologo wogori nanip o.

Wakkagagerak 43:21

Mbato kuninuk, tu paga oolo time nogo yogo logonet, karun ambe piinogo pekkanet nogo nogoorik, wu mbato onggo pogoorak nogo, ambi woolik abu ndak-ndak aret nit ninegaruna mbato yonggolak anewam mbaki, ta nen ninawu ninegaruna yonggokerak nineenggo'lek me, wu ti wokkiragak nit mbato onggo puurak wu alik ambi inom aret wonok wogo o.”

Wakkagagerak 43:25

Eeke mbareegi, “O liingge at Yutup ninom mbi nagun,” inaruk koneneegwaarak me, wage kenok wogoruwok nduk yi mendek ndi mendek at wogoriyak wonok wogogwaarak nogo pipuk eerogo pereegwaarak.

2 Mbinineegwaarak 28:7

Ndi, aap wakaa'ngget Eparayim mendek Tikiri nen aap endagembogut aput Maateya inom, aap endagembogut inom eeke logonet awi o nggwok abe wurik unde menggerak Atirikam inom, aap endagembogut lek kenok, obaane'me eeka Elekana inom, inoorogo piinok,

Kini Wuppiige 19:6

Aap nggwok ale'nggen inombaruwak nduk, aakumi apit aret at mban eeppit nugwi, Aap ambi we wogorage kenok, at mban inik-inik irit nugwi, Eeko menggaarak.