Wakkagagerak 43:11 - Ala Wone Peenok Peebi Mbanak

¹¹ Yoge mbareegi, it inogoba Iterali nogo nen, “Togop kenok, kit nen aap o Metit unde wonage nogo iniki ale'nggen eerogo wogoriyak yi mendek ndi mendek obari obeelom mendek inom, kundali inom, nggiin amburu inom, yibinggami inom, teno anggen inom, woromo anggen inom, abok aret kuwak eeppunuk, kinegaruna yonggologo wogori nanip o.

Wakkagagerak 43:11 ပူးပေါင်းရင်းမြစ်များ

Wakkagagerak 33:10

Yoge mbareegi, at Yakup nen, “Togop ari mage ubi! Kat kiniki abe paga wo'nakendak nogo ti, Ala etenggen pekkogo nagaatik, inikime ale'nggen kogo mengga kwak, kat ketenggen togop aret keege nagarik, niniki ale'nggen ambik ee'nakerak me, kiniki ale'nggen nombake logonet, kake leenogo nappiigirak ti, kolaamunggun o, noweeluk.

Wakkagagerak 37:25

Wuppogo nogogwaarik, mbi nunggwi wonogwe me, aap inanebunu Itamayen mendek o Nggileyat nen o Metit nawok nduk, obari obeelom mendek inom, kundali inom, yibinggami inom, waganeegwaarak nogo abok waganogo unta amborowak paga punuk, luurik-maarak aago wonok tu mbin eerak wogwe iyareegwaarak.

Wakkagagerak 43:10

Yogondak kat nonggop ari keyaamun tokkakwi niigak, ne mbere nanuk wogo menggam mendek wonogo ogoorik o.”

Wakkagagerak 43:14

At Omaawi Lombok Menggerak Ala nogo nen aap o Metit unde menggerak ti, iniki yanggonogo pemenggerak paga kit kinabuwa nen Timeyon Mbeniyamin imbirak nappiya woramenggerak kinom aret woraamunggup o. Ndi, an yi perak, napurilogwe lek arit nogwe paga niniki wakkolage logonet, kambuurak kenok ti, op mban aret o.”

Wakkagagerak 43:15

Yorage mbareegi, it Yutup oweewi nogo nen yi mendek ndi mendek aap o Metit unde menggerak nogo wogoriyak waganggwi, wu aa'nduk mbato onggo pugu inom, peebi onggo puurak inom, waganggwi, ee'nuk, inawuluk Mbeniyamin inom o Metit aap Yutup nogo owagam nogogwaarak.

Wakkagagerak 43:25

Eeke mbareegi, “O liingge at Yutup ninom mbi nagun,” inaruk koneneegwaarak me, wage kenok wogoruwok nduk yi mendek ndi mendek at wogoriyak wonok wogogwaarak nogo pipuk eerogo pereegwaarak.

Wakkagagerak 43:26

Eerogo punuk wonogwe me, at Yutup wage mbareegi, yi mendek ndi mendek pipuk eerak nogo wonok at Yutup abu'me taa'nogo punuk, ina nggween paga tebe yinuk, keyage wappereegwaarak.

1 Endagembogut 10:15

Ndi, it aap yi mendek ndi mendek toko kunggo menggaarak nen pugwi inom, inamendek onggo-onggo kunit nugwi nogo nen pugwi inom, aap inendagembogut o Arap mendek abok nen wogori wogwe inom, it aap o unde menggaarak inoweewi nen wogori wogwe inom, ti inom lambunik linggingga'lek aret wonagagerak.

1 Endagembogut 10:25

Ndi, pekka wogo logonet, inalitik-inalitak yi mendek ndi mendek mbuti emas paga ogobakkigirik inom, perak paga ogobakkigirik inom, yum nggorek abe inom, yigin inom, yi mendek ndi mendek ombat abe eeka mendek inom, kuda inom, kuda kwak bagal inom, yi tahun ndi tahun onggo lek we aret Talomo wogori wagak eeko nogogwaarak.

1 Endagembogut 15:19

“An nogoba inom, kat kogoba inom, imbirak nen yogo logonet, Nimbirak ogoorak logorak lek o, yinuk, wone koonogo pereegwaarak nogo ndak-ndak, kat nimbirak wone togop aret koonogo punuk, it Iterali inowe endagembogut Mbayeta kimbirak wone koonogo pogotak nogo, woronogo punuk, an wonage me nen wundi noorak onggo mbuti emas inom, perak inom, kake nappi wagarak ti kolet o,” yinuk, eerogo nappiyareegerak.

1 Endagembogut 4:21

Ndi, at Talomo nogo, niyo Eparat wappunuk nok, aap Pilitin wonogo menggam nen, o Metit kuli, yi aap ndi aap inabu'me piinok wonogo menggam abok aret inowe endagembogut logonet wone lengganogo yorage nagagerak. At Talomo kangga'lek eenik wonage kagak, it aakumi o time wonogwe apit aret nen at Talomo abu'me logonet, at oone mban konenggwi, inarum wonage onggo wogori wogwe, eeko nogogwaarak.

2 Endagembogut 16:8

mbuti perak-emas Aliku ALA awi wurik me wonage inom, aap endagembogut awi o nggwok abe wurik me pogo menggam wonage inom, waganogo at aap Atiyut inowe endagembogut, “E,” yuwak nduk, ake liiru mbanak nogo inom nappereegerak.

2 Endagembogut 20:12

Ne ti eyom paga aap Mbaben inowe endagembogut Mbalaran aput Merorak-Mbalaran nogo, Kitikiya andi eereegerak konembunuk, liiru mbanak inom, ale'nggen mbaruwak nduk amendek inom, nappiya wagagerak wonok iri wogo mbareegwa,

2 Endagembogut 8:8

yinuk, aap endagembogut nogo yogo mbareegwa, at nen aap Katayen yoge logonet, “At aap Ala wone liirogon eeka wogoriyak nduk, yi mendek ndi mendek wonok ka nage logomenggendik, at yoge logonet, An andi wonage yi, obeelom arigin ilik, lek a? at nen Aliku ALA yoruwak nduk, yo'nu o.”

Etet 4:16

“It aakumi Yakuri mendek o Tutan wonogwe nogo abok aret kuwak eeppiya nage logomenggendik, ko'lu-kii'me niyo inom, mbi inom, nengga'lek kinambe mage negen logonet, an nake tamban eekwi kiigak, nogo kenagan yumunggup o. Ti eekwi kiigak, an togon, it an ndegennako menggaarak kumi tawe togon, togop ndak-ndak aret eeko logogun o. Eeko logomonggoorik, wone yugu nogo an taganogo punuk, aap endagembogut owagam unggwi naminggirak me, Kambuwak o, yo'nugwi iinok ti, an kambuurak op aret o,” yinuk, wone eerogo nappereegerak.

Ndawi 68:29

Kawi abe wurik o kota Yerutalem wonage me, It aap inendagembogut nen kake pugu wonok wokkiri wogo logogun o.

Ndawi 72:10

It aap o Taritit inoweewi inendagembogut inom, It aakumi niyo ogobak mbanogo pit nagagerak nogo paga menggaarak inom, nen Inarum wonage onggo at wogori wogwe, Aakumi o Tiyeba mendek inom, Teba mendek inom, Inoweewi inendagembogut nen yi mendek ndi mendek onggo lek we aret iri wogwe,

Ndawi 76:11

“An yogop eeke logokit o,” yinuk, Aliku kinogoba Ala endage kumbunuk, Kumbuk mbanumonggotak nogo ndak-ndak aret eekwi, It aakumi kinaagan-ambokan koorok wonogwe nogo, Abok aret at ayuk wukwi ake pugu nogo wogori wogwe, Eeko logowak o.

Wundeegwaarak 3:8

Yeenggwaarage logonet, an napuri nogo aakumi Metit mendek ineenggime nen ndininabunuk, wogoren it aakumi Kanan mendek inom, Ket mendek inom, Amori mendek inom, Perit mendek inom, Kewi mendek inom, Yebut mendek inom, inanggween nggwok mili obeelom lombok yilak amburu inom, nggiin amburu inom, niyo eneeri negen kila-kila wungge menggim time piya naakit nduk wagi o.

Kini Wuppiige 17:18

Aap ambi at ore yoge logonet, “Ndogop eeruwok o,” yinuk, wone perak togon koonogo pege, “Kat koba wonage nogo an aret teenikit o,” yoge, Eeke kenok, Aap ti iniki kole aga'lek aret wonage menggerak.

Kini Wuppiige 18:16

Aap ambi nen aap nggwok ambi yori ungguurak uugwe mbake nogo, amendek wogoremenggerak paga tu mbininogo pege, Wogoremenggerak paga at nen wonok aap nggwok nogo owagam pi unggwage, Eeke menggerak.

Kini Wuppiige 19:6

Aap nggwok ale'nggen inombaruwak nduk, aakumi apit aret at mban eeppit nugwi, Aap ambi we wogorage kenok, at mban inik-inik irit nugwi, Eeko menggaarak.

Kini Wuppiige 21:14

Aap anini mbake nogo inamendek kumaat-kumaat wogogwi paga iniki yanggo ari, Ndi, aap anini alik negen wungge nen eeppiyoorak mbake nogo eeppiige kero, wam ambeme wuppugwi paga anini tebe agan wangge, eeke menggerak.

Ndawi Iya 4:10

Niriluk o. Noreeluk o. Kiniki kunik ee'nake me, nale'nggen ambik ee'nake, Anggur amburu noorak ti, ninikilom aret kwe, Kiniki kunik ee'nake ti perak, ninikilom nggwok lombok mbake minggirak o. Obari abe eeka obari ti, ninikime mbuuluk yo agan nage kwe, Obari abe koba aago nogo ti, ninikime mondok yo agan unggwage menggerak o.

Ndawi Iya 4:14

Obari abe narwastu inom, kiinde negen kunyit inom, en inom, eyo nggami inom, obari abe kaga etenggen lombok abok aret inom, yibinggami inom, eyo ni inom, Ombat abe eeka at mendek mban abok wundit nage, Eereegi kwak, Kat keebe togop aret wonage,

Ndawi Iya 8:14

Kijang inom, rusa aagaluk inom, obari abe eeka puut-puut yarak me mbe agan nogo mengga kwak, Kat niniki kunik yi, mbet-mbet neya mok o.

Yeremiya 8:22

O Nggileyat time inawin amburu eeppiigak wonage ilik? Aakumi obeelom eeginaka time ambi wonage ilik, lek a? Wonage kenok, it aakumi nowe-nawot yi, iniki andi negen wonogwe iigak, Obeelom eeginaburak waga'lek nonggop nduk wonage agaarik o?

Yetikiyen 27:15

It aap o Ororut mendek nen at inom onggo-onggo eekwi, it aakumi ambik o niyo aa'nggi paga wonogwe nen amendek kunggolagak mendek ogwe, eeko logonet, gajah eyak inom, eyo amu kunik inom, wonok at amendek onggo mbanggola wogwe,

Yetikiyen 27:17

It Yekura mendek kunduk, it Iterali mendek kunduk, nen at inom inamendek onggo-onggo eeko logonet, gandum o Minit mendek inom, yibinggami inom, nggiin amburu inom, tayitun amburu inom, obari abe kaga inom, paga nen amendek onggo mbanggologwe,

Yetikiyen 27:22

It Tiyeba mendek inom, Arayema mendek inom, at inom onggo-onggo eeko logonet, yi mendek ndi mendek ombat abe eeka abu abe lombok inom, yugum kere'li-kere'lo eerak enete alik-alik onggo iya nogo inom, mbuti emas inom, nogo paga amendek onggo kunggola wogwe,

Ala Unde 20:24

Yi aakumi ndi aakumi iigak, Naliku inogoba Ala an nen it inalik mban napuri logowak nduk, leenogo piyareegirak me, it aakumi ti, inanggween abu obeelom yilak amburu inom, nggiin amburu inom, niyo eneeri negen kila-kila wungge menggi kwak wonage nogo, Kit unde logomunggup nduk, wokkiraagin, yoragagirak nogo aret wogoraagin o.

Nappiigak 21:14

Yo'nirage mbareegi, yogak mban eereegurak kwe, konengga'lek mbareegi, “Ala iniki mbake mban aruwak o,” yinuk, puk ogogurak.

Pelaareegerak 33:14

Oonegen paga yi mendek ndi mendek yarak amburu mbanogo punuk, abe kenok, wogorage, Tut paga yi mendek ndi mendek anggen kole eerogo punuk, abe kenok wogorage,

1 Tamuwen 25:27

Ndi, yi mendek ndi mendek kat nogoba kake an kayeloman wonok wagarak yi, it aap kinom wonogwe yi, wogorage,

1 Tamuwen 9:7

Yoge mbareegi, at Tawun nen ayeloman nogo yoge logonet, “Ninambi ninayuma lek age, ndi, aap Ala wone liirogon eeka ti, ninawu wogoriyak lek mban me, pekka noorak kenok, nano wonage me wogoriyak mbaken?”