Wakkagagerak 42:38 - Ala Wone Peenok Peebi Mbanak

³⁸ Yoreegerak kwe, at Yakup nen, “Ti yagandak kwe, lek o. At owe nogo muk kambeegerak kagak awuluk ambit yi mban aret nimbirak wonage me, wonok noorak mondok lek o. Kinom nogo logonet, tu paga taati eebe ninggin age kagak, kinalik wogwe kiinok, aap anggok kenen lu aago yi, iniki wakko'nok kambunuk nogo menggam nawak o, yinuk, eeppanumunggup o,” yoragagerak.

Wakkagagerak 42:38 ပူးပေါင်းရင်းမြစ်များ

Wakkagagerak 37:33

Wogogo mbareegwa, at Yakup nogo nen yum nogo pekkage nagagerik, “Yi an naput ambogoyum aret o. Nggeewo ta'ngge nen nibinogo nenggerak me, naput Yutup abet aret kanggerak kagi o.”

Wakkagagerak 37:34

Ari nagagerik, ambogoyum nogo abu nibinik-ndelenak eerogo pake nagagerik, mbogoyum maluk nibinik mendek yippunuk, erabun ndoombunuk, ale ari nagagerak.

Wakkagagerak 37:35

Le ari wonage me, at apuri wologwe nen, komologwe nen, abok aret wogo nogogwaarik, Yakup iniki yanggonuwok nduk eereegwaarak kwe, iniki yanggo yuurak eebi nen it yorage logonet, “Le ari tit neegak, napuluk kambunuk nogo menggam nagaarak wonage me time aret ka nagin o,” yinuk, aput abuwa nen le mban ari nagagerak.

Wakkagagerak 42:13

Yorage mbareegi, it nogo nen, “Ninogoba o. Nit kayeloman yi ti, o Kanan time ninogoba ambit nen nineebe 12 aret nda'ninabeegerak me, at age yobok ndarak ti, ogoba imbirak kagak wogoorak. Ndi, ambiret perak, kobak agagerak o.”

Wakkagagerak 42:37

Yorage mbareegi, at Uruben nen ari logonet, “Mbeniyamin ti, an nen wonok enaani ndegenit nage logominggirik, enaani aret wonok woraagin o. Wonok kiri waga'lek neenok perak, at obaane'me an napuri imbirak aret inoo'nok nduk, inogoba an nen aret punogo pigi o.”

Wakkagagerak 42:4

at Yutup awuluk peebi mendek Mbeniyamin perak, at Yakup nen, “An naput yi, tu paga time kobak arukwak me, ya logowak o.” Ari nagagerik, at Mbeniyamin nogo inom nappuulik imbirak puk agagerak.

Wakkagagerak 43:13

kinawuluk kinom aret nanuk, mbet-mbet aret woraanu o.

Wakkagagerak 44:20

nit nen yokkogo logonet, Nit ninogoba ti abu anggok agaarak kwe wonage o. Ndi, ninagalo ambi nen aagalogwe mbere ndaganabeegerak me, oweeluk ti kambeegerak kwe, ninawuluk perak, ogoba abu aakelo logonet, ndakkolagagerak me, iniki kunik lombok wonage, yokkereegurak nogo o.

Wakkagagerak 44:22

nit kayeloman yo'nirage mbareegin, nit nen ninogoba kat yokkogo logonet, Ogoba nen wulaga ti alik eeppegeelik me, alik eeppigin kenok, ogoba iniki wakko'nok kambigin o.

1 Endagembogut 2:6

kat kiniki warak nen eeriyak mbake nogo eeppege logonet, at eeruwak kenen mbambunuk, aakumi kambunuk nogo menggam enaani nawak nduk, teppuurak mage o.

Ayup 41:32

Iniyok pegaanom eyak-nggweyak eerit nogwe paga, Yilaa'nggun iyagalo ineeruwak kenen lu aago wonogwe o, Yinuk, mbako menggaarak o.

Ndawi 71:18

Togop aret me, Ala wae. Kat komaawi logonet iya eeke menggendak nogo, It yogondak ndarak yi, yorage, It peebi nda'narugun kunduk mbininogo yorage, Eeka'lek neegak, Nanggok ari nage, neeruwak kenen mbangge, Eeke neenok kat nen mbo paniyak ti mage o.

Ndawi 90:10

Nit ndarak nineenik niigak tahun eeriyak ti, Tahun 70 aret kwe, Ninomaawi ee'ninake kenok perak, Ndarak niigak tahun 80 aret age menggerak o. Ti ee'ninake paga ninale'nggen mbarumonggoorak kwe, Aaninggin-paaninggin ninoba kwi'nage, Anggon-panggon ee'ninabit unggwage, Eeke kagak, Nda'nogogurak mbet-mbet lek ari nanuk, Nineenggi-niniyok lek aret, lek ogo monggoorak.

Wone Alom Kibingga 1:14

It aakumi oonegen abu'me menggaarak nen yi mendek ndi mendek eekwi abok aret nenegen liippereegirak me, ti abok aret ti, o wiya mugurok nogwe kwe, pigoorak meek kwak we aanom warogo mban eekwi iyareegirak.

Wone Alom Kibingga 2:26

Togop aret me, aap ambi nen Ala inikilom ombaruwak nduk eeke kenok, Ala nen iniki warak eeppege, yi wone ndi wone eenu eeppege, iniki ale'nggen mbaruwak nduk eeppege, eeke menggerak kwe, it aap maluk mendek perak, wu kwaarit nugwi, yi mendek ndi mendek kunogo kuwak eerogo pakwi, eeppunuk, it aap Ala nen inikilom mbake nogo wogorogo logorak ineyabu ti aret unde eeppiige menggerak. Ti eeriyak kunduk, o wiya mugurok nogwe kwe, pigoorak meek kwak, we aanom warogo eeriyak aret kagagirak o.

Yetaya 38:10

An nen ari logonet, “Nda'nagagirak awo obate paga kagak aakumi kambunuk nogo menggam tu ambe pan ari logonet wiinege, Neenik ambinom logokit mbake neegak, an mondok wo'neren pani nage, Eeke kenok,

Yetaya 46:4

An nen aret kinarum wonage neegak, aakelo ari nogwe, Kineeruwak kenen wungge, Eerigin o. Kit kinanebunu warak eerogo pinagareegirak me, Ndegenggiren nage, yeenggwa kiranet nage, kinagap ndake, Eeke logogin o.