Wakkagagerak 42:36 - Ala Wone Peenok Peebi Mbanak

³⁶ Inagabiti ambik ogo nogogwaarik, Yakup nen yorage logonet, “An naput Yutup nogo eebe lek age, naput Timeyon nogo lek age, ndi, yogondak napuluk Mbeniyamin wonok noorak yogwe, eekwi ti paga an napuri tigitogon lek eerogo piyoorak eekwi me, aaninggin-paaninggin alik negen noba kwi'nagaarak wonage kagi o.”

Wakkagagerak 42:36 ပူးပေါင်းရင်းမြစ်များ

Wakkagagerak 42:37

Yorage mbareegi, at Uruben nen ari logonet, “Mbeniyamin ti, an nen wonok enaani ndegenit nage logominggirik, enaani aret wonok woraagin o. Wonok kiri waga'lek neenok perak, at obaane'me an napuri imbirak aret inoo'nok nduk, inogoba an nen aret punogo pigi o.”

Wakkagagerak 43:14

At Omaawi Lombok Menggerak Ala nogo nen aap o Metit unde menggerak ti, iniki yanggonogo pemenggerak paga kit kinabuwa nen Timeyon Mbeniyamin imbirak nappiya woramenggerak kinom aret woraamunggup o. Ndi, an yi perak, napurilogwe lek arit nogwe paga niniki wakkolage logonet, kambuurak kenok ti, op mban aret o.”

Wakkagagerak 44:12

Keele piinogo pogo mbareegwa, at aap Yutup ayeloman nogo nen at manggu ndarak nen nok-nok peebi enabooluk ndarak kuli aret inegarun ambi mbiganogo malik-malok eerogo pegak eerit nage logonet, enabooluk ndarak nogo egaruna wondekkage nagagerik, at nagawan indo aniyoowak nogo at Mbeniyamin egaruna anewam yonggolak wonage kwaakkage nagagerik, waganeegerak.

Wakkagagerak 45:28

Iniki ale'nggen ambik age nagagerik, yorage logonet, “Wologo wae! An naput Yutup abet aret eenik wonage kagi o,” ari nagagerik, “Neebe awo kangga'lek logonet, nenegen koorak me, mbet-mbet nawok o,” yinuk, yoragagerak.

Wakkagagerak 47:12

Piige nagagerik, at ogoba inom, owe-awot inom, inakuwi-inapurilogwe inom, inambi nonggo logorak nduk, ineebe wonogwe ndak-ndak aret lingginogo wogorage nagagerak.

Ayup 7:7

Nogoba Ala wae. An neenik wonage yi, We inambe aagi ne ambit wungge kwak aret wonage abeke logot o. Niniki ale'nggen ambinom kaagin lek aret kagi o.

Ndawi 34:19

It aakumi iniki abe koonak nogo Aaninggin-paaninggin ambik inoba aremenggerak kwe, Aliku ALA nen aaninggin nogo tayenogo piige,

Wone Alom Kibingga 7:8

Wone alom pilangge ti, aaninggin lombok kwe, irip paga ari kenok ti perak, teeluk aret o. Iniki yungguppegak yuurak ti, op aret kwe, neenu mbakak ari kenok perak, meek aret o.

Yetaya 27:9

It Yakup paga wiganak maluk eeko nogogwaarak paga Ala anini mbake nogo nini tayo ari, Ndi, inomaluk abet aret mbo pugwi iinok, anggen abe yi'nage menggi kwak yelok kogwe, Eeriyak nogo ti, Inagugi alut eeko menggam yugum paga ogobakkigirik nogo kwi yigirogo pogo mengga kwak yigirogo pugwi, Inagugigwe Atiyera ageyo arelen yinik nogo mbanogo pugwi, Obari abe kaga kani kunggo menggam ogobakkigirik nogo yigirogo pugwi, Eeriyak nogo ti aret.

Yetaya 38:10

An nen ari logonet, “Nda'nagagirak awo obate paga kagak aakumi kambunuk nogo menggam tu ambe pan ari logonet wiinege, Neenik ambinom logokit mbake neegak, an mondok wo'neren pani nage, Eeke kenok,

Yetaya 41:10

An kit ninom wonage me, kinagabiti mbakwi, An kinogoba Ala aret me, kiniki piirik ogwe, Eerugup o. An nen kinomaawi eerogo pinagage, yeenggwa kirage, Aap ambi nen tebenogo pinagukwak, neenggi omaawi abe'nggan paga pikkinake, Eerigin o.

Yeremiya 31:15

Aliku ALA nen yegerak nogo yi aret. “O Arama time nen iniki abu puru aago logonet, leenggu maake, Oone nggwok paga ai-ao ari, Eeke konenggaarak nogo ti, Kwe Araken aagalogwe ineebe lek agaarak me, Le mbannaburak mondok neebi o, mbake logonet, Inale ari ti aret,” yegerak o.

Matiyut 14:31

Yoge mbareegi, Yetut eenggi nggerok togon pigagangge logonet, “Kat kiniki liirogon abet nombaka'lek yi, nonggop nduk kiniki mbere wonage agandik?”

Oroma 8:28

Nit Ala iniki mbake ndak-ndak eeko logowok nduk, ninayonggo pinaneegerak nogo, at ninom niniki kunik niinok, yi mendek ndi mendek eekwi inom, eeppinanugwi inom, ti abok at Ala nen nit obeelom eeriyak ambi kaawok nduk, eeppinanege menggerak.

Oroma 8:31

Togop me, wone yokkiragarak ti paga nonggop yuwok mbakop? Ala ninom kunik wonogwe me, ta nen ogoorogo pinanigin mbakop?

1 Korindut 10:13

Kit kiniki nggagangginake menggerak nogo ti, alik mendek paga lek o. Ata, yi aakumi ndi aakumi iniki nggaganinake menggerak nogo mendek paga mban aret kit kiniki nggagangginake kaamunggup kwe, at Ala nen nit ee'ninake nogo, mondok liippinanege menggerak me, kiniki nggagangginake kagak, kinomaawi lek arit unggwage logonet, maluk eekwi kiyo, Ala nen tu mbininogo pinagagin o.

2 Korindut 4:17

Yogondak piyak-payak eerogo pinanugwi yi, peebi eeppinaniyak ndak-ndak abu lek o. Peebi eeppinaniyak nogo ti, yi mendek ndi mendek tebenak kagak, nit tiyappinanemenggerak nogo mondok-mondok tiyanak logogun me, yogondak eeppinanugwi yi, “We luulu teeluk aret eeppinanugwi,” mbako ogoorik o.

1 Tamuwen 27:1

Tawun ame wagagerak wonage kagak, Ndawut iniki koongge logonet, “Ne ambi paga at Tawun nen nenggaawak lek eerogo panigin aret me, Iterali inenggela'me kwaa'nabit nege logonet, pi'nake kero, an mbaganit it Pilitin iname naminggirak ninom wonage neegak, op aret logogin,” mbake nagagerik,