Wakkagagerak 42:28 - Ala Wone Peenok Peebi Mbanak

²⁸ Kage nagagerik, “Nawu mbato onggo pigirak nogo woolik muunogo negaruna yonggoppegerak wonage yi ka woraanip o.” Yorage mbareegi, at ambi nen at ambi yogak eeko logonet, “At Ala nen nit nonggop eeppinanege agaarik o?” yinuk, iniki abu ma'nage nagagerik, inagabiti nen inaganak wareegerak.

Wakkagagerak 42:28 ပူးပေါင်းရင်းမြစ်များ

Wakkagagerak 27:33

Yoge mbareegi, at Itak nogo ogut na'nuk, aganak apit nugege logonet, “Wulaga. At aa'nduk an nake pagi warogo la'nuk wonok niri wagaarak yi, ta nen wo'niri wagaarak o? Kat awo waga'lek keegak, at aa'nduk la'nuk wonok wo'niri wage mbaki, nengge nagarik, nawone ninikime wonage nogo abok aret kilirege mbaki, at mban patogo logorak nduk, ko'nok nagaarak o.”

Wakkagagerak 42:29

Inogoba Yakup o Kanan wonage me, nogo nogogwaarik, eerinabeegerak wone nogo abok aret mbininogo yogo logonet,

Wakkagagerak 42:36

Inagabiti ambik ogo nogogwaarik, Yakup nen yorage logonet, “An naput Yutup nogo eebe lek age, naput Timeyon nogo lek age, ndi, yogondak napuluk Mbeniyamin wonok noorak yogwe, eekwi ti paga an napuri tigitogon lek eerogo piyoorak eekwi me, aaninggin-paaninggin alik negen noba kwi'nagaarak wonage kagi o.”

Wakkagagerak 43:23

Yogo mbareegwa, at Yutup ayeloman nogo nen it yorage, “Kit kiniki piirik logonet, kinagabiti mbarugup o. Kinawu ti, an muk aret waganggirak kwe, kinogoba Ala inom, kit kinogoba ogoba Ala inom, nogo nen kinegaruna yonggoppinagit nagaarak kagi o,” yorage nagagerik, at Timeyon nogo wonok wogora wundi wagagerak.

1 Endagembogut 10:5

nunggwi mendek ageyo ndoonak paga koonogo pege, at inom yabu eeko menggaarak ina koonogo kwippiige, ayeloman mini inayum nggorek abe yirik logonet, ake eeko logowak nduk koonogo piige, niyo toologo iri woraawak nduk yorage, Aliku ALA awi wurik me ake warogo kani kungge, eeke nogo kage nagagerik, oone mondok lek aret agagerak.

Ndawi 61:2

O irip me nen noone nggwok paga yokkege, Niniki lek ee'nabit unggwage kagak yokkege, Eeke me, Yugum nu'lek tiyarogon wonage nogo paga Nalik lagarak meek me, Kat nen aret wo'neren pani lagu o.

Ndawi Iya 5:6

At niniki kunik eeke ake tu paarogo pigirak kwe, At eebe eenggi-iyok lek, lek aret agaarak kagarak o. Oone yo'negerak nogo, “Konenikit lak ao,” mbakirak kwe, Mbaganggerak mbaki, an nen kwaakirak kwe, at eebe kaga'lek aret wonage, Wiigirak kwe, oone yo'nega'lek aret wonage, Eekirak o.

Yetaya 45:7

O liingge wakkage, oonikiya wakkage, Obeelom eerogo piige, maluk eerogo piige, Eeke minggirak yi abok aret ti, Naliku ALA nen aret eeke minggirak o,” yinuk, yoge kagarak.

Leendawi 2:17

Aliku ALA nen eeriyak koonogo pereegerak nogo aret eeke. “Ndogop eerigin o,” yinuk, aa'nduk lombok wone lengganogo yoragagerak a'me nggelok eeke, Eeke logonet, Kabuwa mbaka'lek aret yigirik-noonom eerogo pagage, Kinom wim mbanak nen ineegin tiyak yinuk, “Op togon eeppogo a!” mba'nuk inale'nggen aruwak nduk eeppiige, Kinom ogoorak nen kat tebenogo paganuk inomaawi tiyak yuwak nduk, eerogo piige, Eereegerak.

Leendawi 3:37

Ninogoba Ala nen eeriyak wone lengganogo wumbenetak lek en aap ta nen, “Togop aruwak o,” ari kenok, a'ne mbakop?

Ala Unde 26:36

Ndi, it Iterali ando inooka'lek inom wim mbanak inenggela'me wonogwe nogo ti, inaganak nugiranet nugu logowak nduk, eeppiyaminggirak me, o wiya nen eyoongga ambit menenak nen oone nobo ari kenok, Yi aakumi nen ninoorit wogwe o, yinuk, muguren nogwe lek iigak, aakumi inoorit nogwe iinok, mbaganit nogo mengga kwak mbaganit nogo logonet, yigeebu wanggwi,

Amot 3:6

O kota ambime oone nggwok eeka trompet nogo oone pu eekwi iinok, aakumi inogut nggigik ari menggerak lek mbakop? Ndi, at Aliku ALA nen it aakumi o kota ambime menggaarak nogo, aaninggin inoba kwippiyoorak koongga'lek kagak Aaninggin inoba kwi'nage menggerak mbakop?

Lukat 21:26

It mbogut oolo yime inomaawi menggaarak nogo inaganak nugirage kenok, it aap abok nen yi mendek ndi mendek o nggween paga arit woroorak nogo, Yi aret arit wage kogo, yinuk, inagabiti nen iniki abu lek arigin o.

Pelaareegerak 28:65

Kit yi aakumi ndi aakumi inenggela'me time wonogo logonet, kiniki ugun tayenak wonogwe, kinowak yonggonggologo logorak o kwaakwi, eeko logomunggup lek o. Ata, kiniki piirik mban wonogwe, kinigen pekkoorak anggon eekkinake, kiniki wakko'net unggwage, eeko logomunggup nduk, at Aliku ALA nen eeppinagagin o.