Wakkagagerak 42:21 - Ala Wone Peenok Peebi Mbanak

²¹ at ambi nen at ambi yogak eeko logonet, “Ninawuluk aaninggin-paaninggin eeppogo mbareegu, Noweewi o. Nabuwa mba'nuk teppaninip o, ari kagak, ninaruk konenulik eeppereegurak nogo paga aret onggo aaninggin warak mendek ninoba age yi kaanip o.”

Wakkagagerak 42:21 ပူးပေါင်းရင်းမြစ်များ

Wakkagagerak 41:9

Yoga'lek aret eeko mbareegwa, at anggur amburu tooka inowe nogo nen at Pirawun nogo yoge logonet, “An maluk eekirak ambi yogondak abe'nagaarak me, yokkiri o.”

Wakkagagerak 44:16

Yorage mbareegi, at Yekura nen ari logonet, “Ninogoba o. Nit nonggop yokkiruwi. At Ala nen aret nit kayeloman mini maluk eekkologogurak onggo aret eeppinanege me, nit nonggop togon, Nit lek o, yinuk, ninaana'le mbanggoloorak? Nit nen ambi yuurak mondok lek aret o. Nit togon, aap kat kaniyoowak egaruna yonggolak waganggerak nogo togon, abok aret kat ninogoba kayeloman aret agago tebenninaburak o.”

Wakkagagerak 45:3

Le nogo abu nggaruppege nagagerik, at Yutup nen oweewi inom, awuluk inom, yorage logonet, “Yutup nogo an aret o. An nogoba eenik wonage ilik?” yorage mbareegi, at Yutup eebe aret kenok, oweewi inagabiti nen wone onggo yoriyak meek aret agagerak.

Wakkagagerak 50:15

It inogoba Yakup nogo aret kangge mbareegi, at Yutup oweewi nogo nen yogo logonet, “Nit aa'nduk at Yutup maluk eeppereegurak nogo onggo yogondak nit maluk eeppinaniyak koongge kero,”

2 Tamuwen 12:13

Yoge mbareegi, Ndawut nen Natan yoge logonet, “An nen at Aliku ALA maluk aret eeppigirak kagio.” Yoge mbareegi, at Natan nen at yoge logonet, “At Aliku ALA nen komaluk nogo lek eerogo pagagerak me, kat kambumunggun lek aret kwe,

1 Endagembogut 17:18

Kangge mbareegi, kwe togwe nogo nen Eliya yoge, “Ala wone liirogon eeka yi wae. An ngge eekirak paga, Keebi, nomba'nuk yi eeppanggendak? An nomaluk nogo Ala nen abeppunuk naagaluk wulaga nogo waruwak nduk, neya wagandak ya?”

Kini Wuppiige 21:13

It aap ineenggi lek nen inoone nggwok paga, “Yeenggwa niret o,” aap ambi yogwi nogo aruk nappatinuk wonage kenok, At kunduk oone yemenggerak kwe, onggo yorugun lek aret o.

Kini Wuppiige 28:17

Aap ambi nen aap alik ambi warogo pege logomenggerik, “Eekirak paga noorukwak,” mba'nuk, Ambime nagak ambime nagak eerit-eerit eebe aret kambi nagin me, ili yuurak mage o.

Yeremiya 2:17

Ti eeginabeegwaarak nogo ti, it inogoba Naliku ALA an nen wogoren wagagirak nogo mbo paneegwaarak paga Inalik nen aret kani inogombaga pateegwaarak nogo lek a?

Yeremiya 2:19

It maluk eekwi nen aret maluk eeginake, It an noone ineebi mbakwi nen aret ineebe andi-pandi eerogo piige, Eerigin o. Togop me, it nen, Ninogoba Aliku Ala mbo pugwi, At ayuk wukwi, eeka'lek niinok, Abu maluk aret eekwi, niniki andi eekkoloorak mendek eekwi, eeko ogoorik kogo o, yinuk, Ineenu ogwe, iniki liippugwi, eeko logowak o,” yinuk, at ninogoba Omaawi Lombok Menggerak Aliku ALA nen yegerak me, yokkiragi o.

Yeremiya 34:17

Togop me, Aliku ALA nen yegerak nogo yi aret. “It an noone yorage nogo liirogon konenggwi, Ninoreewi wondet agago piyaawok o, yinuk, yogogwaarak nogo ndak-ndak eekwi, eerulik me, yogondak Naliku ALA nen wondet eerogo piyoorak mendek eeppiyoorak nogo yi o. Wooluwak paga, kugilingga paga, mbi noogelo paga, kambuwak nduk, inagabolo wondet agago teppiyaagin o. It aakumi o nggween paga inabu'me piigo menggam abok aret inigen iigo logonet, Inogole o, yinuk, inamineeri ne agan nawak nduk, eeppiyaagin o.

Yeremiya 4:18

“It Yekura mendek eerogo piigwi abok aret ti, inalik nen inobaabut paga, eeko nogogwaarak paga, inoba pakaarak o. Eeko nogogwaarak onggo inoba piigwi ti aret me, iniki andi lombok eeginake, Iniki me mondok ndanuk yi unggwage, Eeke me, mondok iya o!” yinuk, Aliku ALA nen aret yegerak me, yokkiragi o.

Oteya 5:15

“Ti eeke neenok, it nen, Nit maluk aret eeko o, yinuk, inomaluk awo pagangga'lek iigak, an wonage minggim ari naminggirak wonage logogin o. Wonage neegak, it an mu'neren wogwe, Aaninggin-paaninggin inoba kwi'naremenggerak ti paga, At ninom lambunuwok lak, ao, yinuk, an kwaa'nabit nugwi, Eerugun o, yinuk, yegerak me, yokkiragi o,” yoragagirak.

Linggineegwaarak 32:23

Ndi, wone yogotak nogo ndak-ndak eerumunggup lek kenok perak, Aliku ALA aret maluk eeppumunggup me, Kinomaluk nen eyak nibingginabi woraagin, abet aret mbako logomunggup o.

Matiyut 7:2

3 Kit maluk eekotak o, yinuk, kinoone omaawi paga perak togon yorogwe kiinok, Ala nen kit togop aret yokkirage kaamunggup o. Wakkagak nogo paga wakkaanuk aakumi wogorogo monggotak nogo ndak-ndak wakkaanuk wokkirage kaamunggup o.

Marakut 9:48

Anggolenggen kangga'lek nugut-tiyak mban ari, kani noguk ari lek mondok wunuk mban ari, eeke menggim time nappinagarak ti meek o.

Lukat 16:28

An nowe-nawot ineebe 5 name wonogwe me, yagan wako menggam yime wogwe iyo, an nogobamini iname kurumbi yora nawak nduk, aap Latarut ti, nappenok nduk, yokkege agarik o, obak!

Nappiigak 19:18

It aakumi ambik abet mbareegwaarak nogo wogo nagaatik, “Nit togon maluk togop aret eeko nogoorak o,” yinuk, nggwok paga paganggo nogogwaarak.

Yakobut 2:13

Kit kinoreewi inabuwa nen obeelom eeppiiga'lek kiinok, Ala nen kinowak loongge logonet, kinabuwa nen obeelom eeppinagagin lek o. Ndi, kinoreewi inabuwa nen obeelom eeppiigwi kiinok perak, kinowak looniyak nogo kinagabiti lek aret logomunggup o.

1 Yaya 1:9

Ndi, ninomaluk abet aret paganggwi niinok perak, at Ala yegetak mbeyok ariilik, a'me liirogon mban eeke menggerak me, nit obeelom eeka'lek maluk eerit nugwi nogo lek eerogo pege, ndi, maluk ninikime wonage nogo koo'ninake, eeke logogin o.

Owak Loongga 1:7

Mbanogo pogo mbareegwa, at Aroni-Mbetek nen ari logonet, “An nen aap inendagembogut lombok ineebe 70 nogo ineenggi iyagalo imbirak inom, iniyok iyagalo imbirak inom, mbanogo piyareegirak wonogo logonet, nambi nengge neegak, nageyo ndoonak abu'me ameneno wanggetak anebenogo nonggo nogogwaarak nogo ndak-ndak, Ala nen inamee'nggo ee'naki o,” yinuk, ari mbareegi, at eebe o Yerutalem wonok nogogwaarak me, time aret kambeegerak.