Wakkagagerak 42:13 - Ala Wone Peenok Peebi Mbanak

¹³ Yorage mbareegi, it nogo nen, “Ninogoba o. Nit kayeloman yi ti, o Kanan time ninogoba ambit nen nineebe 12 aret nda'ninabeegerak me, at age yobok ndarak ti, ogoba imbirak kagak wogoorak. Ndi, ambiret perak, kobak agagerak o.”

Wakkagagerak 42:13 ပူးပေါင်းရင်းမြစ်များ

Wakkagagerak 37:30

iyok paga yungguninuk awuri wonogwe me wage nagagerik, yorage logonet, “Wologo wae! Wulaga ti, eebe lek me, an nonggop eeri o?” yinuk,

Wakkagagerak 42:11

Nit aap nggaganagalo mendek lek o. Ninogoba ambit nen aret nda'ninabeegerak me, nit pilit wone yokkugwi lek o. Abet aret mbato kunggolaawok nduk aret wogo o.”

Wakkagagerak 42:12

Yogo mbareegwa, at Yutup nen, “Lek! Nit niname yime, Tum waka'lek ambi wonogwe iyaamun ilik, lek a? yinuk, kinigen yombooni wogotak aret kiigi o.”

Wakkagagerak 42:14

Yogo mbareegwa, at Yutup nen, “Togop yogotak kwe, lek! An yokkiragarak abet aret. Kit yi, nggaganagalo aret wogotak.

Wakkagagerak 42:32

Ninogoba ti, ambit nen nineebe 12 aret nda'ninabeegerak me, ambiret kobak agagerak. Ndi, ninawuluk age yobok ndarak ti, o Kanan ninogoba imbirak kagak wogoorak o.

Wakkagagerak 42:36

Inagabiti ambik ogo nogogwaarik, Yakup nen yorage logonet, “An naput Yutup nogo eebe lek age, naput Timeyon nogo lek age, ndi, yogondak napuluk Mbeniyamin wonok noorak yogwe, eekwi ti paga an napuri tigitogon lek eerogo piyoorak eekwi me, aaninggin-paaninggin alik negen noba kwi'nagaarak wonage kagi o.”

Wakkagagerak 42:38

Yoreegerak kwe, at Yakup nen, “Ti yagandak kwe, lek o. At owe nogo muk kambeegerak kagak awuluk ambit yi mban aret nimbirak wonage me, wonok noorak mondok lek o. Kinom nogo logonet, tu paga taati eebe ninggin age kagak, kinalik wogwe kiinok, aap anggok kenen lu aago yi, iniki wakko'nok kambunuk nogo menggam nawak o, yinuk, eeppanumunggup o,” yoragagerak.

Wakkagagerak 43:29

Ayuk wuko mbareegwa, at Yutup nen inagalo ambit nen ndaganabeegerak awuluk Mbeniyamin nogo enegen kage nagagerik, yorage logonet, “Kit nen, Nit ninawuluk age yobok ndarak ambi wonage o, yo'nogotak nogo yi aret ilik?” Yorage nagagerik, awuluk Mbeniyamin nogo yoge logonet, “Naput o. Ala kabuwa nen obeelom eerogo pagage logogin o.”

Wakkagagerak 43:7

Yorage mbareegi, it nen yogo logonet, “At nen mban nit nineebe inom, ninaaganapuri inom, kin wonok mbin wonok yo'nirage logonet, Kinogoba eebe kambeegerak ilik, eenik wonage a? Kinawuluk ambi wonage ilik, lek a? yinuk, at iniki ngge mba'nuk yo'nirage nogo nit ugun nineenggo'lek logonet, at ari mugurok mban yogwe niigak, Kinawuluk wonok yime woraanip o, yo'niragaarak me tit ari agandik ya?”

Wakkagagerak 44:20

nit nen yokkogo logonet, Nit ninogoba ti abu anggok agaarak kwe wonage o. Ndi, ninagalo ambi nen aagalogwe mbere ndaganabeegerak me, oweeluk ti kambeegerak kwe, ninawuluk perak, ogoba abu aakelo logonet, ndakkolagagerak me, iniki kunik lombok wonage, yokkereegurak nogo o.

Wakkagagerak 44:28

At ambi nogo an nen nappereegirak nage mbareegi, nggeewo ta'ngge nen nibineegerak me, yogondak kuli nen an nenegen kaga'lek aret wonage agarik o.

Wakkagagerak 45:26

at Yakup yogo logonet, “Ninogoba o. Yutup nogo eenik o Metit abok aret unde inowe endagembogut aret wonage o.” Yoreegwaarak at Yakup nogo konembunuk, iniki abu lek age nagagerik, “Yi abet aret yaga,” yinuk, iniki ndonggo yuulik eereegerak.

Yeremiya 31:15

Aliku ALA nen yegerak nogo yi aret. “O Arama time nen iniki abu puru aago logonet, leenggu maake, Oone nggwok paga ai-ao ari, Eeke konenggaarak nogo ti, Kwe Araken aagalogwe ineebe lek agaarak me, Le mbannaburak mondok neebi o, mbake logonet, Inale ari ti aret,” yegerak o.

Leendawi 5:7

Nit ninogobamini nen maluk eeko nogogwaarak nogo ineebe lek ogogwaarak iigak, It inomaluk onggo inoba piyoorak nogo nit aret ninoba agagerak o.

Matiyut 2:16

At Keroret nogo nen, “It aap wone mbiningga nogo nambokan laganggaarak iigi o,” yinuk, anini wu agan nage logonet, it aap wone mbiningga nen, “Laaluguragan o ti eyom paga aret kin age kogoorak o,” yinuk, liirogon yoreegwaarak me, at awuri nen o Mbe'lekem enaagan-ambokan nogome wologwe mbuulogwe ndarak iigak, tahun mbere aago inom, eeka'lek inom, tigitogon inoorit nawak nduk, nappiyareegerak.

Matiyut 2:18

“O Arama time iniki abu puru aago logonet, leenggu maake, Oone nggwok paga ai-au ari, Eeke konenggoorak nogo ti, Kwe Araken aagalogwe ineebe lek agaarak me, An le mbannaburak mondok neebi o, mbake logonet, inale ari ti aret o,” yinuk, wone yereegerak, yoragagerak nogo, o ti eyom aret a'me lik yereegerak.