Wakkagagerak 41:56 - Ala Wone Peenok Peebi Mbanak

⁵⁶ Mbi noogelo nogo yi awi ndi awi abok aret arit nage kagak, o Metit nogome mbi abu nen abu meek aganabit nage mbareegi, at Yutup nen mbato warak mambit nagagerak nogo it aakumi Metit mendek onggo kunogo nenet nogo logowak nduk, tu paarogo pit nagagerak.

Wakkagagerak 41:56 ပူးပေါင်းရင်းမြစ်များ

Wakkagagerak 12:10

At Abaram o Kanan nogome wonage me, ne ambi paga mbi noogelo aret agagerak. Mbi noogelo abu nggwok aret age mbareegi, o Metit time aap nggiru negen logonuk woraawok nduk nogogwaarak.

Wakkagagerak 41:30

ndi, tahun 7 ambi ari wage paga perak, mbi noogelo nggwok arigin o. Mbi noogelo nggwok alik negen age logonet, nggween mbuk age, mbi-mbiingga ero mondok lek age, aremenggerak kagak, mbi-mbiingga aa'nduk ambik kogo logomenggaarak nogo, inami arugun o.

Wakkagagerak 41:55

It aakumi Metit mendek nogome mbi noorak lek age mbareegi, “Pirawun wo'niraawak,” yinuk, owagam nagak eekwi iinok, at Pirawun nogo nen it yorage logonet, “Kit Yutup wonage me mban nogo logomonggotik, at nen yokkirage kenok mban eeko logonip o,” yorage nagagerak.

Wakkagagerak 41:57

Yi awi ndi awi abok aret mbi noogelo mondok iya lombok agagerak me, it aakumi yi awi ndi awi nen inawu ko'nok o Metit Yutup wonage me mban inambi kunggola wogo nogogwaarak.

Wakkagagerak 42:6

Ndi, o Metit nogome at Yutup nagawan indo wonage kagak, it aakumi time mendek abok aret nen mbato kunggolaagun nogwe iinok, at Yutup nen mbato wogoragak eeke wonage me, Yutup oreewi nogo mbi onggo mbanuwok nduk nogo nogogwaarik, at Yutup abu'me taati ina nggween paga wu'na'nuk, keyage wappereegwaarak.

Wakkagagerak 43:1

O time abok aret mbi noogelo mondok iya lombok agagerak.

Yetaya 23:17

Ndi, tahun 70 abu aret eeke kenok, Naliku ALA nen o Tirut liippege neenok, aa'nduk yi mendek ndi mendek kunit nage nagagi kwak eerit nage, aa'nduk yi aakumi ndi aakumi inabu'me piigo menggam o nggween paga yime yi mendek ndi mendek kunggolaawak nduk, wogoranet nage nagagi kwak eeke, eerit nage logogin o.

Takariya 5:3

Yoge mbaki, at nen an yo'nege logonet, “Mbuku pirik-perek aago abeenok paga mbanak nogo ti, aap yogoot kumaaka o yime nen inenggaawak lek eerogo piyoorak wone mbanak wonage, ndi, abeenok paga it aap pilit kagak, Abet aret o, yinuk, kumbuk mbanggwi nogo, o yime nen inenggaawak lek eerogo piyoorak wone mbanak wonage, eerak me, kenegen kagandak yi ti, pulunogo piyoorak wone nogo aret mbanak me, o yime abok aret wigannarit nage logogin o.

Nappiigak 17:26

At yi awi ndi awi abok o nenaarit nogo logowak nduk, kuli ogoorogo piinet nage, ti'nuk, nineyom-naneyom eerit nogo logowak nduk, koonogo pege, eeke nagagerik, yi aap ndi aap inanebunu lombok yi awi ndi awi wiganuwak nduk, alom aap ambit aret wakkagagerak.