Wakkagagerak 41:45 - Ala Wone Peenok Peebi Mbanak

⁴⁵ Yoge nagagerik, at Pirawun nogo nen Yutup endage alik Tapanat-Paaneya toongge, ndi, akwe kolaawak nduk, aap kugi unde Potipera awi Keliyopolit mendek apuluk kolaga endage Atanat nogo wogoge, eereegerak. Ti eeke mbareegi, at Yutup nen o Metit nogome enegen mbangganet nagagerak.

Wakkagagerak 41:45 ပူးပေါင်းရင်းမြစ်များ

Wakkagagerak 14:18

Ndi, at aap inowe endagembogut Talem mendek endage Melikiterek nogo nen oroti inom, anggur amburu toolak inom, wonok Abaram wogori nagagerak. At aap nogo ti, Agi Mondok Tiyanak Lombok Ala unde menggerak me,

Wakkagagerak 41:50

Ndi, mbi noogelo tahun 7 paga ariyak nogo awo ari waga'lek kagak, at kugi unde awi On mendek endage Potipera apuluk Yutup akwe Atanat nogo nen Yutup obaane'me aagalogwe wologwe mbere ndaganabeegerak.

Wakkagagerak 46:20

at Yutup o Metit nogome wonage logonet, aap kugi unde Potipera awi Keliyopolit mendek apuluk kwe Atanat wagangge nagagerik, apuri Manate Eparayim imbirak ndaganabeegerak nogo inom,

2 Tamuwen 20:26

ndi, aap Yayit mendek endage Ira ti, Ala unde logonet, Ndawut ake koongge, eeko nogogwaarak.

2 Tamuwen 8:18

aap Yoyara aput Mbenaya nogo, it aakumi Kereti mendek inom, Peleti mendek inom, inowe logonet inarum wonage, ndi, Ndawut apuri nogo ti, inogoba endagembogut Ndawut nogo, awone koongga wonogwe, eeko nogogwaarak.

Wundeegwaarak 2:16

Aap Ala unde ambi Miriyan mendek apurilogwe komologwe ineebe 7 wonogogwaarak. It komologwe nogo nen inogoba aanggumi kambin-ndomba inagi toologo eyo nenaarak paga kilirogo wogoroorak nduk, niyo tooko menggam nogome wogoren wogogwaarak me,

Yetikiyen 30:17

Aap tawe o On mendek inom, o Pi-Mbetet mendek inom, wooluwak nen namenggerak kambit nogwe, It kumi kugun wogoren nogwe, Eerugun o.

Ndaniyen 1:7

Leeninake nagagerik, at endagembogut ayeloman mini inowe Atepenat nogo nen inendage alik tooninake logonet, Ndaniyen endage Mbelatatat toongge, Kananiya endage Tarerak toongge, Mitayen endage Metak toongge, Atariya endage Abe'nego toongge, eerogo piyareegerak.

Lukat 2:1

Ti eyom paga aap endagembogut Kayitat Agutut nen it aakumi yi awi ndi awi abok aret at abu'me piige menggim o Oroma wonogwe nogo, inendage liiru mbanuwak nduk, wone lengganeegerak.

Nappiigak 11:28

Lagi nogogwaarak nogo ambi endage Agabut mi'nage nagagerik, yorage logonet, “It aap o Oroma mendek unde menggam yi awi ndi awi abok aret mbi noogelo ambik arigin o,” yinuk, Aberiniki nen iniki nggaganogo yoge kagak, yoragagerak. (Ti arigin yoragagerak nogo ti, at Kelawuriyut endagembogut logonet wone lengganogo yorage kagak, a'me aret agagerak.)