Wakkagagerak 41:30 - Ala Wone Peenok Peebi Mbanak

^30-31 ndi, tahun 7 ambi ari wage paga perak, mbi noogelo nggwok arigin o. Mbi noogelo nggwok alik negen age logonet, nggween mbuk age, mbi-mbiingga ero mondok lek age, aremenggerak kagak, mbi-mbiingga aa'nduk ambik kogo logomenggaarak nogo, inami arugun o.

Wakkagagerak 41:30 ပူးပေါင်းရင်းမြစ်များ

Wakkagagerak 41:21

Tapi inamborowak ko aago inaga'lu abu maluk nogo nen tapi inamok ambik nogo tigitogon nenggaarak kwe, inamok aga'lek initok inamborowak ko aago aa'nduk wonagaarak togop nogo aret wonogwe iige nagarik, neenik agarak o.

Wakkagagerak 41:27

Ndi, tapi inamborowak ko aago abu maluk ineebe 7 peebi wundi wogwe iigendak nogo inom, mbato anggen lik anggen lek 7 yugu o wiya oonegen wundi wage menggim pa'nggwe nen warit wage logonet, mondok teebat eerogo pegerak negen kagandak ti, tahun 7 paga mbi noogelo ariyak aret kagandak o.

Wakkagagerak 41:51

Ndaganake mbareegi, at Yutup nen ari logonet, “An nagalo-nogoba inom, nowe-nawot inom, an aaninggin kage nagagirak inom, nogoba Ala nen nomari agago paneegerak me,” yinuk, aput manggu ti endage Manate toongge,

Wakkagagerak 41:54

at Yutup nen yereegerak ndak-ndak tahun 7 paga mbi noogelo agagerak. Yi awi ndi awi mbi noogelo nggwok agagerak me, nengga'lek iigak kwe, o Metit nogome perak, kuwak eerak me, inambi nonggo nogogwaarak.

Wakkagagerak 41:56

Mbi noogelo nogo yi awi ndi awi abok aret arit nage kagak, o Metit nogome mbi abu nen abu meek aganabit nage mbareegi, at Yutup nen mbato warak mambit nagagerak nogo it aakumi Metit mendek onggo kunogo nenet nogo logowak nduk, tu paarogo pit nagagerak.

Wakkagagerak 47:13

Mbi noogelo mondok nggwok iya negen age logonet, yi awi ndi awi abok nunggwi mendek abu lek arit nagagerak me, it aakumi Metit mendek inom, Kanan mendek inom, mbi abu nen ineebe inomanggen lek abu ndeyak eerogo piinet wagagerak.

2 Tamuwen 24:13

Yoge mbareegi, ko'lu kuubondendok at Nggat nogo nen Ndawut owagam wage nagagerik, yoge logonet, “At Aliku ALA nen, O at Ndawut unde menggim mbi noogelo kagak tahun kenagan age, awim nen mugurok nugwi iinok mbaganit nege kagak, tut kenagan penengge, at unde menggim andi nggwok nappi wage, eerigin, yegerak me, kiniki pipak koombunuk, ambit mban miike keenok, wonok at nappani wagaarak yori naakit nduk, miiru o.”

1 Endagembogut 17:1

Aap awi o Nggileyat yaga'lelo Titebe mendek Eliya nogo nen aap Akap yoge logonet, “An yaga'lek neegak yi tahun ndi tahun paga mayu wage, miinanggen luurogo pege, eeka'lek aret kaamunggun o, yinuk, at ake eeke minggirak Aliku Iterali inogoba Ala eenik menggerak endage kumbunuk, yokkigi o,” yoreegerak

2 Endagembogut 8:1

Ne ambi paga at Elita nen kwe Tunem mendek aagaluk eenik eeppereegerak nogo, wone yoge logonet, “At Aliku ALA nen o yime mbi noogelo nggwok inoba piyamenggerak wonogwe iigak, tahun 7 aret eerigin me, o yime mbo punuk, kogoni-kaagi kinom nage logomenggendik, kat nggeeme logorak mbake kenok, time nanuk, luulu negen aret logomunggun o.”

Ndawi 105:16

O time mbi noogelo inoba ari woraawak nduk eeppiige, Inambi pipuk aago nogo a'nggan waganogo piige,

Yetaya 65:16

Aa'nduk aaninggin-paaninggin inoba piige nagagirak nogo mari eerogo pigin me, aberak wonage, Ndi, lek arigin me, nenegen kage, Eerigin lek me, It aap o time wonogwe nen, Ale'nggen ninoba pinanuwak, mbako logonet, Liirogon mban eeke minggirak an Ala nendage kumbunuk, yo'nugwi, Ndi, it aap o time wonogwe nen ambi eeriyak nduk, kumbuk mbaniyak mbako logonet, Liirogon mban eeke minggirak an Ala nendage kumbunuk kumbuk mbanggwi, Eeko logogun o,” yinuk, yegerak me, yokkiragi o.

Lukat 4:25

Aap Eliya wonage eyom paga mayu waga'lek me, yi awi ndi awi apit mbi noogelo aganabeegerak kagak, tahun kenagan eeppunuk, ambi eeke oolo paga Iterali iname time kumi togwe ineebe ambik wonogogwaarak kwe,

Yakobut 5:17

At aap Eliya ti, nit pogom aret kwe, “Mayu woraagun o,” yinuk, oone nabek togon tamban eereegerak me, mayu nggween paga wambi waga'lek kagak tahun kenagan eeppunuk, tut 6 peneneegerak.