Wakkagagerak 41:26 - Ala Wone Peenok Peebi Mbanak

²⁶ Tapi ineeruwak obeelom ineebe 7 kagandak ti inom, mbato 7 yugu anggen li eerak abu obeelom kagandak ti inom, ti wone eebe ambiret tahun 7 paga eeriyak aret kagandak o.

Wakkagagerak 41:26 ပူးပေါင်းရင်းမြစ်များ

Wakkagagerak 2:24

Kwe nogo ti aap paga wogo me, aap nen agalo-ogoba mbo piinok, akweeluk imbirak ambit a'nuk, it imbirak ineebe mbere kwe, ambit aret logogun o.

Wakkagagerak 40:12

Yoge mbareegi, at Yutup nen, “Kabi kagandak nogo ti, wone eebe yokkiri o.” Ari nagagerik, “Eyo eno'mbak kenagan kagandak nogo ti, eebe ne kenagan paga logorak nogo aret.

Wakkagagerak 40:18

Yoge mbareegi, at Yutup nen ari logonet, “Kat kabi kagandak nogo wone eebe yi aret o.” Ari nagagerik, “Muun yugu kenagan kagandak ti, eebe ne kenagan logorak nogo aret.

Wakkagagerak 41:2

tapi ineebe 7 inamok ambik ineeruwak mili obeelom mban niyo inikime nen wundi wogo nogogwaarik, niyo aa'nggi paga iri'ngga mbanogo nenet nugwi iyareegerak.

Wakkagagerak 41:25

Yoge mbareegi, at Yutup nen Pirawun nogo yoge logonet, “Kat kabi mbere'ndak kagandak kwe, wone alom ambit aret o. Wone yi ti, Ala nen peebi eeriyak nogo aret yokkegerak o.

Wakkagagerak 41:27

Ndi, tapi inamborowak ko aago abu maluk ineebe 7 peebi wundi wogwe iigendak nogo inom, mbato anggen lik anggen lek 7 yugu o wiya oonegen wundi wage menggim pa'nggwe nen warit wage logonet, mondok teebat eerogo pegerak negen kagandak ti, tahun 7 paga mbi noogelo ariyak aret kagandak o.

Wakkagagerak 41:29

Yogondak o Metit yime tahun 7 paga mbi put aremenggerak kagak, nenet nogo logomonggoorik,

Wakkagagerak 41:47

tahun 7 paga o nogome mbi mondok put age logonet, yi mendek ndi mendek anggen yugu tela-tela wambit nage kage nagagerik,

Wakkagagerak 41:5

Eenik age nagagerik, ti'nuk, nogo yege me, abi ambi kage logonet, mbato ero ambit paga nen anggen li eerak abu obeelom 7 yugu kenom age kagagerak.

Wakkagagerak 41:53

O Metit nogome tahun 7 paga mbi ambik nonggo nogogwaarak nogo lek age mbareegi,

Wundeegwaarak 12:11

Ndomba aagaluk warogo noorak nogo ti, Naliku an ALA nen amiya labunik kenok, iname obaga mbo naakit nduk, lariyak aret me, lako logonet, iniyok ogut yirikkologwe, inagabee'le mbam nggerenggologwe, inowaanggun ineenggime waganggwi, eeppunuk, mondok li'luk eerak logonet, ineyak tagana'lek mbet-mbet togon nonggo logowak o.

Wundeegwaarak 26:6

Ti'nuk, ooliya wuriyak ti, ambit ando kunnaruwak nduk, Mbuti emas paga enonggon 50 eerogo punuk, kayin tabak nogo paga imbirak yilinogo pit nawak o.

Ndaniyen 2:45

Yugum kole puut paga aakumi ineenggi paga nen langgunogo nappi woroolik alik en yelek togon wangge logonet, ogut mbuti owak paga inom, mbuti tembaga paga inom, nggabok paga inom, mbuti perak paga inom, mbuti emas paga inom, ogobakkigirik nogo aan lebenogo pege kabinggaanggo kagandak alom nogo ti aret. At Tiyanak Lombok Menggerak Ala nogo nen peebi ariyak nogoba kendagembogut kabinggaanggo paga yokkegerak nogo ti aret. Kabinggaanggo kagandak nogo ti abet aret me, Alom yogop aret o, yinuk, yokkigirak nogo ti, abet mba'nok nduk yokkigi o,” yinuk, yoreegerak.

1 Korindut 10:4

ndi, yugum wareegerak nogo ti, Keritut kwak me, wake mbareegi, Ala nen niyo wogoragagerak nogo, it abok aret nunggwi, eereegwaarak kwe,

1 Yaya 5:7

Togop me, Aberiniki nen yo'nirage inom, niyome wuppege kogogurak nogo inom, ndi, amiya wangge ninigen kogogurak nogo inom, wone kenagan ti aret eereegerak kwe, alom ambit, “Yetut ti, Keritut aret o,” yinuk, nineenu aruwok nduk, eereegerak.