Wakkagagerak 41:25 - Ala Wone Peenok Peebi Mbanak

²⁵ Yoge mbareegi, at Yutup nen Pirawun nogo yoge logonet, “Kat kabi mbere'ndak kagandak kwe, wone alom ambit aret o. Wone yi ti, Ala nen peebi eeriyak nogo aret yokkegerak o.

Wakkagagerak 41:25 ပူးပေါင်းရင်းမြစ်များ

Wakkagagerak 40:8

Yorage mbareegi, it nen at yogo logonet, “Nimbirak ninabi kogoorak kwe, Alom togop kogotak o, yinuk, aap wone mbininogo ari menggerak lek kenok ogoorik o.” Yogo mbareegwa, at Yutup nen yorage logonet, “At Ala nen wone eebe yorage menggerak lek mbakop? Kinabi kogotak ti, mbininogo yo'ninip o.”

Wakkagagerak 41:16

Yoge mbareegi, at Yutup nen, “Kat kabi kagandak nogo ti, an nen yokkirigin ta lek o. Ata, at Ala nen perak, wone eebe aret kiniki tayok togon yokkiruwak o.”

Wakkagagerak 41:26

Tapi ineeruwak obeelom ineebe 7 kagandak ti inom, mbato 7 yugu anggen li eerak abu obeelom kagandak ti inom, ti wone eebe ambiret tahun 7 paga eeriyak aret kagandak o.

Wakkagagerak 41:28

Kabi kagandak nogo ti, Ala nen peebi eeriyak nogo aret yokkegerak o, yinuk, an nen yokkigirak nogo ti, ti eeriyak aret mba'nuk yokkigirak o.

Wakkagagerak 41:32

Kabi ambit nogo mban ne mbere kagandak ti, Ala nen mondok abet aret eeriyak koonogo pegerak me, eeriyak nogo panggo ari kenok, kagandak o.

Ndawi 98:2

Aliku ALA nen, “Neegin tiyak yigi o,” yinuk, yoranet nage, Eekaatak ndak-ndak eeppiinet nage nogo Yi aakumi ndi aakumi inenggaanom paga kin eeppege, Eekerak o.

Yetaya 43:9

Yi aakumi ndi aakumi abok aret kuwak ari wogwe, Aakumi inanebunu lombok kuwak eekwi, Eekaarak wonogwe inenggela'me aap ta nen wone ti eenu negen yoranet nage, Aa'nduk eereegerak nogo eeka'lek kagak, “Peebi ndogop eerigin o,” yinuk, yorage, Eereegerak mbakop? “Abet aret eekaarak,” mbaruwak nduk, it mendek nen inigen kagaarak kenok yi wogwe, Inoone yogwe konembunuk, Wone ti, abet aret yaga, mbaruwak nduk, mbinini wogwe, Eeruwak o.

Ndaniyen 2:45

Yugum kole puut paga aakumi ineenggi paga nen langgunogo nappi woroolik alik en yelek togon wangge logonet, ogut mbuti owak paga inom, mbuti tembaga paga inom, nggabok paga inom, mbuti perak paga inom, mbuti emas paga inom, ogobakkigirik nogo aan lebenogo pege kabinggaanggo kagandak alom nogo ti aret. At Tiyanak Lombok Menggerak Ala nogo nen peebi ariyak nogoba kendagembogut kabinggaanggo paga yokkegerak nogo ti aret. Kabinggaanggo kagandak nogo ti abet aret me, Alom yogop aret o, yinuk, yokkigirak nogo ti, abet mba'nok nduk yokkigi o,” yinuk, yoreegerak.

Ndaniyen 2:47

Yorage mbareegi, at aap endagembogut nogo nen at Ndaniyen yoge logonet, “Wone nobarak yi, kin paga yo'negendak ti paga kat kogoba Ala ti, yi kugi ndi kugi tebenak iigak, at abu tiyanak lombok wonage, it aap inendagembogut inowe aret wonage, eeke logonet, wone abu nobarak mendek kin paga yorage menggerak ti abet aret kagi o,” yinuk, yoreegerak.

Amot 3:7

At Aliku Itok Menggerak ALA nen eeriyak koongge ti, Ayeloman mini at nen yorage kagak yoraga nogo, Wone yoraga'lek kagak it perak togon yorogo logorak lek aret mbako logonip o.

Matiyut 24:40

O ti eyom paga aap mbere imbirak yabu eekwi me, ambi wagangge, ambi teppege, eeke kaamunggup o.

Marakut 13:23

ti awo eeka'lek kagak, abok aret paganogo yokkirage me, kiniki liippunuk tum wako logonip o,” yinuk, yoragagerak.

Epetut 1:17

At ninowe Yetut Keritut ogoba Ala mondok tiyanak menggerak nogo nen, kit kiniki warak eeppinagage, Ala eeke menggerak yelok kaabagip nduk, kineenu eeppinagage, eeke menggerak Aberiniki nogo, ambinom wokkiraawak nduk, kinake tamban eeke minggirak.

Yotuwa 11:6

Inawooliya wukkola wogo mbareegwa, at Aliku ALA nen Yotuwa yoge logonet, “O ko'lu yi eyom paga aret it aakumi ti, an nen waganogo kit wokkirage neenok, ineebe inoorogo piigwi, inaguda iniyok andelen mbanogo piigwi, ndi, inanggweendo ti, kani kunogo piigwi, eerumunggup me, aakumi ti, ineebe paga kinagabiti mbarugup o,” yoreegerak.

Wayu 4:1

Ti yo'nege mbaki, nabinggaanggo ambi kage logonet, o mbogut paga time tungga ambi paarak kage neegak, nogome nen aap ambi nen oone nggwok eeka trompet oone nggwok ari pogom aa'nduk yo'nege konenggirak nogo ambinom yo'nege logonet, “Yogondak eeriyak kagandak nogo eeppunuk, peebi eeriyak nogo titikkirikit nduk lagi mok o,” yinuk,