Wakkagagerak 41:23 - Ala Wone Peenok Peebi Mbanak

²³ ti'nuk, mbato alik 7 kuli ayo wake nagaarik, anggen lik anggen lek yegerak me, o wiya oonegen wundi wage menggim pa'nggwe nen warit wage logonet, mondok teebat eerogo pegerak negen kagarak o.

Wakkagagerak 41:23 ပူးပေါင်းရင်းမြစ်များ

Wakkagagerak 41:22

Ti'nuk, nabi ambi kage logonet, mbato ero ambit nen anggen li eerak abu obeelom 7 yugu kage nagarik,

Wakkagagerak 41:24

Nogo kage neegak, it anggen lik anggen lek yugu nogo nen it anggen abe 7 yugu nogo nunggwi iigirak o. An nabi togop kage nagarik, it aap inabi kogwe iinok, eebe yoraga nogo abok aret mbininogo yoragarak kwe, Kabi eebe yi aret kagandak o, yinuk, ambi mondok yo'nirulik aret o,” yoreegerak.

Wakkagagerak 41:6

Kage nagagerik, peebi mbato anggen lik anggen lek 7 kuli yugu me, o wiya oonegen wundi wage menggim pa'nggwe nen warit wage logonet, mbuk eerogo pit nage kagagerak.

2 Endagembogut 19:26

It o time menggaarak nogo ti, Yi mendek ndi mendek yabume yarak kwak, Awi yarak mili lombok mbilangge menggi kwak, Oo'ngget maarak paga iri'ngga laganggetak anggen yega'lek kagak teebat arit nage menggi kwak, Togop aret wonogwe me, Inomanggen tayok ari logonet, Iniki ma'nage, inenggali ogwe, Eekaarak o.

Oteya 13:15

It inowe-inawot inenggela'me logonet ineebe aberogon wonogwe kwe, Naliku ALA nen o wiya aganggen mendek oonegen lagi wage menggim pa'nggwe nen nappi woraminggirak karume time nen wage kenok, Inaniyo eneeri poro-poro nage, It inaniyo nggween kabunik me, amburu lek age, Eerigin o. Ndi, inamindik-inamendek onggo iya pogo menggam wonage nogo abok aret aakumi nen wonok ndi yugun o.

Oteya 8:7

It Iterali ti nen, awi yumbunggwi kwak o wiya aret yumbunggwi me, anggen mbanggwi kwak o wiya omaawi lombok nombok-kombok warit wage logonet, ineebe aret inooke kaagun o. Gandum awi yakaatak ero laganggetak kwe, anggen yega'lek wonage me, nano mendek yigirogo tepung eeriyak? Lek aret o. Ndi, anggen yege logonetak en ti, aakumi inambik nen mbanogo nonggo logonetak me, ti togon meek aret a'netak o.

Oteya 9:16

It Eparayim mendek ti, eyo kanenep warak kwak wonogwe me, omanggen mbuk age, anggen yega'lek wonage, Eerak aret agaarik o. It inapuri ndaganabugun kwe, it paga wiganak inapuri iniki kundugu nogo inoorogo piigak mban eeke logogin o, Yinuk, yegerak me.