Wakkagagerak 41:1 - Ala Wone Peenok Peebi Mbanak

¹ Tahun mbere abu eeppunuk, at Pirawun abi kage logonet, at eebe niyo Nin aa'nggi paga mi'ndak wonage me,

Wakkagagerak 41:1 ပူးပေါင်းရင်းမြစ်များ

Wakkagagerak 20:3

Wogori wogogwaarak wonage me, ne ambi paga at Abimelek nogo yege me, abi paga Ala nen yoge logonet, “Kwe ti, aap akwe kagak aret waganggendak me, kambumunggun o,” yoreegerak.

Wakkagagerak 28:12

Winna'nuk nogo yege me, oonikiya abi kage logonet, ya'na ambi nggorek abo ogu nggween paga nen nok, irip agi mbogut imbirak kunik wurik wonage me, Ala ayonggo malayikat mendek ya'na wurik ti paga laganggwi-wanggwi eekwi enegen iyareegerak.

Wakkagagerak 29:14

Yoge mbareegi, at Laban nen, “Wulaga wae! Kat abet aret an namiya mogonik aagaluk aret keegi o.” Yoge mbareegi, at Yakup nogo erami imbirak nogome logonet, tut ambit peneneegerak.

Wakkagagerak 40:23

Eeppiige mbareegi, aap amburu tooka inowe nogo nen Yutup nogo oba abera'lek ami eerogo punuk wonagagerak.

Wakkagagerak 40:5

Punogo pereegerak inarum wonage kagak, aap endagembogut Metit mendek awuri mbere, ambi, amburu tooka inowe nogo inom, ambi, oroti woraka inowe nogo inom, imbirak keele maarak wonogwe nogo nen ne ambit oonikiya paga imbirak inabi kogogwaarak. Inabi kogogwaarak nogo ti, eebe inom, alom inom, alitak aret kogogwaarak.

Wakkagagerak 41:2

tapi ineebe 7 inamok ambik ineeruwak mili obeelom mban niyo inikime nen wundi wogo nogogwaarik, niyo aa'nggi paga iri'ngga mbanogo nenet nugwi iyareegerak.

Etet 6:1

At aap endagembogut nogo oonikiya ti eyom paga nogo yuurak abu meek eeke mbareegi, at abu'me piinok wonage logonet, eerit nage nagagerak mbuku paga liiru mbanak wonage nogo at enggaanom paga lunuwak nduk, “Wonok woraanip o.” Yorage mbareegi,

Wundeegwaarak 1:22

It Iterali mendek togop aret wigannarit nogo mbareegwa, at Pirawun nen at apuri aakumi Metit mendek apit aret yorage logonet, “Kumi Iberani mendek nen aap ndaganakwi iinok, yi nggwok Nin inikime mbo piya nogwe, ndi, kumi nda'nogwe iinok, ineenik teppiigwi, eeko logonu o,” yinuk, wone lengganogo yoragagerak.

Wundeegwaarak 4:9

Ndi, eerubok mendek mbere yi, eeremenggendak kwe, it abet komba'nuk koone liippega'lek mban iinok, niyo Nin tooli nage logomenggendik, nggween woloonak paga kilirogo pi wage keenok, niyo nggween woloonak paga kilirogo pemenggendak nogo amiya aret age kaamunggun o.”

Yetaya 19:5

Niyo Nin wage nogo poro agan wangge, Nage menggim woloonogo pemenggerak me, kalek-ndinduk nage,

Yetikiyen 29:3

Aliku Itok Menggerak ALA nen yegerak nogo yi o, yinuk, yoroorak nogo yi aret o. O Metit niyo nage elaganggen inikime time waalo kole ndenen wappunuk wonage kwak, Aap o Metit mendek inowe endagembogut Pirawun ti, nimbirak ogoorak aret agarik o. At nen ari logonet, Niyo Nin nogo ti, nage logorak an nen aret eerogo pateegirak me, Niyo ti, an namendek aret o, yinuk, yereegerak kwe,

Yetikiyen 29:9

Lek eerogo piigwi iinok, o Metit ti, yi oone lek ndi oone lek karume aret arigin o. Ti age kenok, Naliku ALA an aret ineenu arugun o. At nogo nen ari logonet, Niyo Nin nage logorak ti, an nen aret eerogo pereegirak me, niyo ti, an namendek aret o, yinuk, yereegerak ti paga

Matiyut 27:19

Yorage nagagerik, owak looninake menggim taati kwi'na'nuk, wonage me, aap ambi wage nagagerik, Pilatut yoge logonet, “Pilatut wae. Kat kakwe nogo, oonikiya yi paga abi kage logonet, Aap ti iniki abu koonak kagak maluk eeppugwi, kage nagarik, niniki aaninggin ambik agaarak me, nore nen maluk eeppege kero, yori nak o, yo'nege mbaki, yokkiri wagi o,” yoreegerak.

Pelaareegerak 11:10

Nggween kit unggwi nanuk unde eeppatinuk logowam ti, aakumi noorak ake kom yappunuk, niyo mbininogo mambi wogo mengga kwak, kit o Metit paga logonet, yabu aaninggin-paaninggin eerogo yappunuk, anggen mbanogo nonggo nogogutik, wundi wogogu'nom togo'nogo lek o.