Wakkagagerak 40:8 - Ala Wone Peenok Peebi Mbanak

⁸ Yorage mbareegi, it nen at yogo logonet, “Nimbirak ninabi kogoorak kwe, Alom togop kogotak o, yinuk, aap wone mbininogo ari menggerak lek kenok ogoorik o.” Yogo mbareegwa, at Yutup nen yorage logonet, “At Ala nen wone eebe yorage menggerak lek mbakop? Kinabi kogotak ti, mbininogo yo'ninip o.”

Wakkagagerak 40:8 ပူးပေါင်းရင်းမြစ်များ

Wakkagagerak 40:9

Yorage mbareegi, at anggur amburu tooka inowe nogo nen abi kagagerak ari logonet, “An nabi kagarak ti, eyo anggur ero ambi an nenggaawak paga taati wonage kagarak o.

Wakkagagerak 41:25

Yoge mbareegi, at Yutup nen Pirawun nogo yoge logonet, “Kat kabi mbere'ndak kagandak kwe, wone alom ambit aret o. Wone yi ti, Ala nen peebi eeriyak nogo aret yokkegerak o.

Ayup 33:23

Togop eeko menggaarak kwe, Ala ayonggo malayikat nogo, Ineebe ambik seribu wonogwe inenggela'me aap ambi nen yeenggwaara wage logonet, Ndogop eeriyak ti op o, yinuk, yorage,

Ndawi 25:14

Kaliku ALA nen wone kote koonogo pege ti, It aap inagabiti kombakwi nogo aret yorage, Kinom wone nggaruk togon koonogo piyareegindak nogo, aret ineenu eeppiige, Eeke menggendak.

Yetaya 8:19

Aakumi nen kit yokkirogo logonet, “It aakumi ambi mendek nen ambi age kenok, inagugi yoroorak lek mbakop? Eeriyak nonggop o? yinuk, it aakumi ineenik wonogwe nogo inake it kambeegwaarak yoroorak op nogo lek a? Yoroorak op aret me, it aap yagap wone yogwe, inoone mumun paga yogwe, eekwi nogo tili pagangga inom, aap inogoma nggiiraga inom, yoret o,” yinuk, yokkirogwe iinok,

Ndaniyen 2:11

Kat ninogoba kendagembogut yo'nirage ti, abu aaninggin aret me, nit aakumi ambi nen yokkiriyak meek aret o. Ata, it aakumi inom wonogolik kugi nen perak, yokkiriyak op kero!”

Ndaniyen 2:27

Yoge mbareegi, at Ndaniyen nen aap endagembogut nogo yoge, “Nabinggaanggo alom abu nobarak kagarak nogo yo'ninip o, yagandak ti, it aap yi wone ndi wone alom ineenu inom, inagugi nen yorage kenok yoraga inom, it kugi alom ineenu inom, it tili pagangga inom, abok aret nen, Alom ndogop o, yinuk, kin paga yokkiriyak meek aret kwe,

Ndaniyen 2:28

at mbogut paga menggerak Ala nogo nen perak, wone kote nobarak mendek kin paga yorage menggerak me, at nen aret o peebi ariyak nogo kat nogoba kendagembogut Nebukanetat kabinggaanggo paga yokkegerak o. Nogo yege keegak kabi kagandak inom, kabinggaanggo paga yokkegerak inom, nogo yi aret o.

Ndaniyen 2:3

it nogo yorage logonet, “An nabinggaanggo kagarak paga niniki abu piirik wonage nogo, neenu arikit nduk, wiigiragarak o.”

Ndaniyen 2:47

Yorage mbareegi, at aap endagembogut nogo nen at Ndaniyen yoge logonet, “Wone nobarak yi, kin paga yo'negendak ti paga kat kogoba Ala ti, yi kugi ndi kugi tebenak iigak, at abu tiyanak lombok wonage, it aap inendagembogut inowe aret wonage, eeke logonet, wone abu nobarak mendek kin paga yorage menggerak ti abet aret kagi o,” yinuk, yoreegerak.

Ndaniyen 4:8

Yo'nega'lek mbareegwa, at Ndaniyen, endage ambi an nagugi endage ndak-ndak tooneegirak Mbelatatat nogo, it kugi inayuk warak lombok nen yoragaatak ineenu mengga kwak, at togop aret yogwi iinok, eenu menggerak me, nowagam wage mbareegi, nabinggaanggo kagagirak nogo mbininogo at yoreegirak o.

Ndaniyen 5:16

Togop me, wone alom nobarak nonggop yuubok nogo inom, ndi, wone nonggop koonubok omaawi lombok inom, kin paga telanogo yorage menggendak naruk konenggirak me, wone liiru mbanak yi, lungge logomenggendik, Alom yogop nduk mbanak o, yinuk, kin paga yo'niru o. Yo'nege keenok, yum it aap inendagembogut yiko menggaarak maa'ngga anggup kunik inom, iinggen mbuti emas mendek mendaarak nogo inom, abok aret kat koba li'luk eerogo paganuk, an nabu'me piinok, wone lengganogo yorage minggim nineebe mbere tiyanak niigak, kat ninabu'me tiyanak logonet ninom wone lengganogo yorogo logowok nduk, mippagagin o,” yinuk, yoreegerak.

Amot 3:7

At Aliku Itok Menggerak ALA nen eeriyak koongge ti, Ayeloman mini at nen yorage kagak yoraga nogo, Wone yoraga'lek kagak it perak togon yorogo logorak lek aret mbako logonip o.